Teléfonu: 984 297 037 / 627 500 493
Web: https://lacantinadevillalegre.es/
Preciu: 30€
Comentarios: Siempres nos prestó la zona de Villalegre pa tomar sidra, dafechu criamonos ellí, xugando de crios ente culete y culete de los nuesos pas. Zona con aparcamientu enorme de la estación de la Renfe, y que ta siempres hasta enriba de xente.
Yá vos falamos del Yumay, de La Ruta, quédanos por visitar El Corchu (anque tenemos muncho parao ellí a beber sidra) y güei venímosvos a falar de La Cantina.
La Cantina. ye un míticu de la zona, y lleva abiertu desque tengo usu de razón. Una casa con una zona pequena de terraza na entrada. Según entres nel chigre, ambiente sidrero total, con bonos palos de sidra y bon tratamientu de la mesma. Zona de barra y de meses baxes.
Y na parte de tras, un salón zarráu con un comedor. Inclusive tien una zona de chigre-tienda onde puedes mercar productos artesanos de calidá. Echen sidra en tol llocal, anque cuando ta a españar (como taba'l día que fuimos), pue que nel comedor del fondu pongan una máquina.
Punxéronnos un Pastel de Cabrachu d'aperitivo. Pa dir abriendo boca, bien ricu.
Pidimos dos platos, anque acabamos compartiendo los dos. Pulpu Amariscado con Gambes y Amasueles. Enorme pa una persona. El pulpu perfectu, y con un mueyu p'acabar toles esistencies de pan.
Pero'l Bacaláu al Dorao con Guarnición de Piquillo y Ayu foi lo meyor de la nueche. Mui, mui ricu. Vien amás con un revueltu y unes pataques panaderes.
Tábamos a españar, pero nun podíamos colar ensin probar un postre. Freses con lleche merengao. Mui ricu. Les freses paecen una mermelada, y ye pa meter la cuyar hasta tras y probar les distintes testures y sabores de la fresa, la canela, el semifrío con lleche merengao y el xeláu de nata.
Pagamos por tou 49,70. Cenamos con Sidra Alonso.
Bona opción para facer una ruta sidrera pela zona y acabar comiendo en La Cantina.
Pd: La semeya de portada ye de la so páxina de Facebook. El restu son mies.
Yá vos falamos del Yumay, de La Ruta, quédanos por visitar El Corchu (anque tenemos muncho parao ellí a beber sidra) y güei venímosvos a falar de La Cantina.
La Cantina. ye un míticu de la zona, y lleva abiertu desque tengo usu de razón. Una casa con una zona pequena de terraza na entrada. Según entres nel chigre, ambiente sidrero total, con bonos palos de sidra y bon tratamientu de la mesma. Zona de barra y de meses baxes.
Y na parte de tras, un salón zarráu con un comedor. Inclusive tien una zona de chigre-tienda onde puedes mercar productos artesanos de calidá. Echen sidra en tol llocal, anque cuando ta a españar (como taba'l día que fuimos), pue que nel comedor del fondu pongan una máquina.
Punxéronnos un Pastel de Cabrachu d'aperitivo. Pa dir abriendo boca, bien ricu.
Pidimos dos platos, anque acabamos compartiendo los dos. Pulpu Amariscado con Gambes y Amasueles. Enorme pa una persona. El pulpu perfectu, y con un mueyu p'acabar toles esistencies de pan.
Pero'l Bacaláu al Dorao con Guarnición de Piquillo y Ayu foi lo meyor de la nueche. Mui, mui ricu. Vien amás con un revueltu y unes pataques panaderes.
Tábamos a españar, pero nun podíamos colar ensin probar un postre. Freses con lleche merengao. Mui ricu. Les freses paecen una mermelada, y ye pa meter la cuyar hasta tras y probar les distintes testures y sabores de la fresa, la canela, el semifrío con lleche merengao y el xeláu de nata.
Pagamos por tou 49,70. Cenamos con Sidra Alonso.
Bona opción para facer una ruta sidrera pela zona y acabar comiendo en La Cantina.
Pd: La semeya de portada ye de la so páxina de Facebook. El restu son mies.
No hay comentarios
Publicar un comentario