Web: http://www.nuetnigenough.be/
Facebook: https://www.facebook.com/Nuetnigenough
Calidá: 3/5
Preciu: 25€
Comentarios: Restorán de nome impronunciable, a 5 minutos de la Grand Plaza de Bruseles. Pequeñu, y con una decoración art decó; ye la delicia d'amantes de la cerveza y modernos.
Tienen una esbilla increíble de cerveces, toes belgues, pero con una variedá y niveles de rareza, increíbles. El sitiu ta xenial pa dir tomar una cerveza, y esfrutar de la so carta. Amás, tienen dellos formatos de la cerveza, polo que pueden compartise botelles grandes ente delles persones.
Amás tien cocina, y ye alredor de la cerveza. Munchos de los sos platos lleven la cerveza como un ingrediente más, y da-y un puntu abondo interesante.
NUN ACUTEN. Y suel ta siempres llenu porque ye pequenu y ye un imán pa turistes y modernos. Asina que díi tempranu o esperáis fora. Cómese un pocu incómodu porque son meses pequenes, y un grupu grande de xuru que ye imposible, pero paga la pena la visita.
La comida en Bélxica ye ... yá sabéis. Muncha sopa y estofaos de carne con verdures. Y son platos mui cerveceros. Nun mos maravió nada de lo que comimos, pero'l plus ellí ye la cerveza, y namás por eso, merez la pena.
Pidimos un Guisu de Verdures con Pierna de Xamón, Tocín, Salchicha de Morteau y más. La salchicha ye afumada de la zona francesa de Morteau, lleva amás coles (de Bruxeles, qu'ellí nun lesllamen asina), tubérculos varios y cachos de carne de salchicha ... Ta bien.
Filete de Xata con Chalotas y Mueyu de Kriek Cuvée René. Una pena que'l filete fuera como una suela zapatos, porque'l mueyu cola Cuvée René taba de muerte. Una mueyu de cerveza llámbico con carne, gran aciertu.
Pa beber, compartimos una botella de 75cl de la mesma cerveza qu'acompañaba'l mueyu del mio filete. Kriek Cuvée René. Llámbica afrutada que ... ta bona pero hai meyores opciones. Color cereza intensu y toque acedu. Distinta.
Pagamos 54€. Yá veis que los precios son baratos (y más pa ser Bruxeles).
No hay comentarios
Publicar un comentario