Teléfonu: 984 28 59 13
Web: https://www.casachema.com/
Facebook: https://www.facebook.com/CasaChemaOviedo/
Twitter: [@casachema] http://www.twitter.com/casachema
Instagram: [@casa_comidas_chema] https://www.instagram.com/casa_comidas_chema/
Youtube: https://www.youtube.com/channel/UC0l0O-a2e7YkBq_KuFEf1Cg
Preciu: 30 €
Calidá: 4/5
Comentarios: Falar de Casa Chema ye falar de Fabada. Ganadores del concursu a la Meyor Fabada del Mundu en 2011 y 2017, namás paga la pena la visita pa esfrutar d'ella. Pero ye qu'amás, Casa Chema ye muncho más.
De mano, ta asitiada nuna redolada maraviyosa. Lo bono d'Asturies ye qu'a 10 minutos de cualquier ciudá tas nun ambiente rural dafechu. Y la nuesa capital ye'l meyor esponente. De Casa Chema al centru d'Uviéu hai 10 min en coche, y paez que tas metanes la nada. Pel branu, ye un preste salir a beber sidra a la so terraza, con vistes a Peña Avis (ye una bona opción para Farturruta, son unos 4kms de xubida) y al Nalón.
Dientro Casa Chema para'l tiempu, y eso nótase na so cocina. Ye una cocina fecha adulces, ensin prieses, y con muncho amor. Y eso nótase a la hora de comer. L'ambiente yá convida a relaxate, desconectar y sentate a esfrutar.
Según entres, zona de barra pa tomar daqué, anque si'l día acompaña, lo meyor ye faelo na so terraza.
Na parte de tras, un comedor preciosu, en madera, lluminosu, afayadizu y con una chimenea presidiendo la sala.
Y a la izquierda, una terraza zarrada (pel hibiernu) pa comer. Pero decorada como si fuera un comedor. Tou bien cuidáu.
Atención de 10. Tablets como cartes, y ye que, repitimos, Casa Chema, nun ye namás una casa de cocina tradicional asturiana, ye muncho más. Y ye ende, escargatando, onde vas a sosprender y vas atopar auténtiques xoyes.
Empezamos con una Ensaladilla Rusa. ¿Ensaladilla rusa pel hibiernu? Claro que sí. Y ta bonísima. Con esi sabor que te recuerda a los díes de sablera colos tos güelos ... Amás, vien con unos llombos de bonitu de llata n'aceite d'oliva enriba. Arrogantes, y según cúntennos, ye un bonitu "vintage", con llates de mínimu 3 años. ¿Qué vos dicía del plus?
Siguimos con una sorpresa increíble. Pastel de Pitu Caleya. Fascinante. Sabor intenso al mueyu de carne guisao d'antes, trupa, fecha con mimu, y buenísima ... pero ye que'l pastel ta buenísimo. Tien la testura del pastel y el sabor intenso del pitu caleya. Un espectáculu de sabor que desfái na to boca. Amantes del Pastel de Cabrachu, habéis de probalo.
Y acabamos col so platu estrella. La Fabada. Nada qu'añedir, a cencielles perfeuta. Un pota al centru la mesa pa que comes hasta españar, con una faba suave, tienra, que desfai nel cielu la boca, y que paez mantequilla. Homoxénea, con ha de ser, y con caldu trupo, reposáu , fechu con muncho mimu.
El compangu tamién merez mención aparte. Amás d'arrogante, ta perbonu (ye d'Embutíos Naveda). Tocín, tocín blancu, morciella y chorizu. Tou xuntu nun bocáu y asegúrovos, que nun va haber na más sabrosu nel mundu.
Nun podíamos más, pero había que probar un postre sí o sí. Pidimos una Tarta Magali (n'honor a una vecera mítica del llocal). Tarta de turrón, suave, con una testura fascinante, y requemao percima. Espectacular.
Dende va unos años, amás, especializáronse'n Cocina Vegana. Ufierten una enorme variedá de platos, fabada incluyida, pa les persones que nun quieran comer proteína animal. Ello ye que empiecen a ser platos atractivos por sigo mesmos, ensin necesidá d'estremar que sían veganos o non.
Pa beber, Sidra Brut Nature Reserva Práu Monga. Esa maravía de Viuda de Angelón, perfeuta pa volver en coche dempués. Amás, la burbuya va xenial cola fabada. Enfresca, llimpia la boca y aguanta la intensidá de sabor.
Tienen una carta de vinos bien bona, con amplia representación asturiana. Tou un aciertu.
Una Casa de Comíes tradicional asturiana cola Fabada como estrella, pero especializada tamién na cocina vegana. Carnes, pexe, esbilla espectacular de quesos asturianos, bona sidra ... Tradición, un puntu d'atrevencia, redolada preciosa, productu asturianu de primera, calidá y atención. Ún de los indispensables de la nuesa cocina. Mil gracies a Joaqui y Jose Luis per un día xenial.
Facebook: https://www.facebook.com/CasaChemaOviedo/
Twitter: [@casachema] http://www.twitter.com/casachema
Instagram: [@casa_comidas_chema] https://www.instagram.com/casa_comidas_chema/
Youtube: https://www.youtube.com/channel/UC0l0O-a2e7YkBq_KuFEf1Cg
Preciu: 30 €
Calidá: 4/5
Comentarios: Falar de Casa Chema ye falar de Fabada. Ganadores del concursu a la Meyor Fabada del Mundu en 2011 y 2017, namás paga la pena la visita pa esfrutar d'ella. Pero ye qu'amás, Casa Chema ye muncho más.
De mano, ta asitiada nuna redolada maraviyosa. Lo bono d'Asturies ye qu'a 10 minutos de cualquier ciudá tas nun ambiente rural dafechu. Y la nuesa capital ye'l meyor esponente. De Casa Chema al centru d'Uviéu hai 10 min en coche, y paez que tas metanes la nada. Pel branu, ye un preste salir a beber sidra a la so terraza, con vistes a Peña Avis (ye una bona opción para Farturruta, son unos 4kms de xubida) y al Nalón.
Dientro Casa Chema para'l tiempu, y eso nótase na so cocina. Ye una cocina fecha adulces, ensin prieses, y con muncho amor. Y eso nótase a la hora de comer. L'ambiente yá convida a relaxate, desconectar y sentate a esfrutar.
Según entres, zona de barra pa tomar daqué, anque si'l día acompaña, lo meyor ye faelo na so terraza.
Na parte de tras, un comedor preciosu, en madera, lluminosu, afayadizu y con una chimenea presidiendo la sala.
Y a la izquierda, una terraza zarrada (pel hibiernu) pa comer. Pero decorada como si fuera un comedor. Tou bien cuidáu.
Atención de 10. Tablets como cartes, y ye que, repitimos, Casa Chema, nun ye namás una casa de cocina tradicional asturiana, ye muncho más. Y ye ende, escargatando, onde vas a sosprender y vas atopar auténtiques xoyes.
Empezamos con una Ensaladilla Rusa. ¿Ensaladilla rusa pel hibiernu? Claro que sí. Y ta bonísima. Con esi sabor que te recuerda a los díes de sablera colos tos güelos ... Amás, vien con unos llombos de bonitu de llata n'aceite d'oliva enriba. Arrogantes, y según cúntennos, ye un bonitu "vintage", con llates de mínimu 3 años. ¿Qué vos dicía del plus?
Siguimos con una sorpresa increíble. Pastel de Pitu Caleya. Fascinante. Sabor intenso al mueyu de carne guisao d'antes, trupa, fecha con mimu, y buenísima ... pero ye que'l pastel ta buenísimo. Tien la testura del pastel y el sabor intenso del pitu caleya. Un espectáculu de sabor que desfái na to boca. Amantes del Pastel de Cabrachu, habéis de probalo.
Y acabamos col so platu estrella. La Fabada. Nada qu'añedir, a cencielles perfeuta. Un pota al centru la mesa pa que comes hasta españar, con una faba suave, tienra, que desfai nel cielu la boca, y que paez mantequilla. Homoxénea, con ha de ser, y con caldu trupo, reposáu , fechu con muncho mimu.
El compangu tamién merez mención aparte. Amás d'arrogante, ta perbonu (ye d'Embutíos Naveda). Tocín, tocín blancu, morciella y chorizu. Tou xuntu nun bocáu y asegúrovos, que nun va haber na más sabrosu nel mundu.
Nun podíamos más, pero había que probar un postre sí o sí. Pidimos una Tarta Magali (n'honor a una vecera mítica del llocal). Tarta de turrón, suave, con una testura fascinante, y requemao percima. Espectacular.
Dende va unos años, amás, especializáronse'n Cocina Vegana. Ufierten una enorme variedá de platos, fabada incluyida, pa les persones que nun quieran comer proteína animal. Ello ye que empiecen a ser platos atractivos por sigo mesmos, ensin necesidá d'estremar que sían veganos o non.
Pa beber, Sidra Brut Nature Reserva Práu Monga. Esa maravía de Viuda de Angelón, perfeuta pa volver en coche dempués. Amás, la burbuya va xenial cola fabada. Enfresca, llimpia la boca y aguanta la intensidá de sabor.
Tienen una carta de vinos bien bona, con amplia representación asturiana. Tou un aciertu.
Una Casa de Comíes tradicional asturiana cola Fabada como estrella, pero especializada tamién na cocina vegana. Carnes, pexe, esbilla espectacular de quesos asturianos, bona sidra ... Tradición, un puntu d'atrevencia, redolada preciosa, productu asturianu de primera, calidá y atención. Ún de los indispensables de la nuesa cocina. Mil gracies a Joaqui y Jose Luis per un día xenial.
No hay comentarios
Publicar un comentario