Publicidá

Blog Archive

Contact Me

Nombre

Correo electrónico

Mensaje

Hover Setting

default

Hoppiness


Señes: Ramón Turró, 180 - Barcelona
Teléfonu: 938 074 159



Aconseyamos: Cerveza Artesano
Facebook: https://www.facebook.com/hoppinessbcn/


Calidá: 3/5
Preciu: 


Comentarios: Cuando vamos a Barcelona por motivos llaborales, siempres agospiamos na zona la Plaça Les Glòries, a poques paraes de metro del centru, pero con poca ufierta cervecera que mos atraiga. Yá sabéis que Barcelona ta considerada una de les capitales europees de la cerveza, y que siempres que podemos probemos los nuevos locales que van abriendo.

Cerca, atópase'l Barriu de Poble Nou, y siempres vamos visitar a Angie y Joaquim a La Cervecita Nuestra de Cada Día. Gran cervecería, con ambiente maraviyoso de barriu y tratu inmeyorable. Amás, pinchen siempres cerveza catalana que nun conocemos y tres la so última reforma, el local quedó bien guapu. Mientres s'animen a siguir ampliando ya introducir cocina (o dalguna tapa), les opciones pol barriu pa comer yeren bastantes poques.

Hasta qu'apocayá abrió Hoppiness, una nueva cervecería nel mesmu barriu, con cocina. Nun se compliquen muncho la vida, pero lo que faen, ta bien. Y nun vienden motos, pero sí curien el productu, amás, usando productu local, lo cual siempres ye d'agradecer.

A 5min caminando de la Cervecita, la combinación ye perfecta. Visites a Angie y Joaquim, y a la hora de cenar, averes a Hoppiness a siguir probando cerveza. El local ye pequenu, pero tien una amplia terraza fora. Decoráu con maderes, y con una pequena ventana dientro onde pinchen los barriles.

Tienen 12 cañeros de cerveza artesano. Acaben d'empezar, ya inda falta un pocu de rodaxe pa tener una pizarra más compensada de cerveces, pero gustónos enforma la so filosofía y nivel cerveceru.


Empezamos con una IPA New Sweden d'Oppigards. Una de los meyores IPAs que puedes probar del mercao. Fresca, afrutada y con 6,2%. Non t'enteres siquier de la primer pinta, porque cada tragu pide otru. Bien bona.


La pinta voló mientres decidía qué pidir. La carta ye senciella, con dalgún platu pa picar de forma informal, hamburgueses y burgkinis (que son una especie d'hamburguesa triangular de carne de butifarra con pataques frites). Faláronnos perbién de los burgkinis, pero decidimos poles sos hamburgueses. Carne de primera de la zona y pan de calidá. Bien bona.


Tomé l'Hamburguesa Hoppiness. Carne, canónigos, foie, cebolla caramelizada y mazana. Perbona la carne, y la combinación del foie, la cebolla y la mazana. Mui rica.


Cuando nos llegó, camudamos de cerveza a una Quer / Hazteunlitro Maracuyeah!. Una "Fruit Passion IPA" catalana de 8% con sabor a maracuyá que nun nos namoró. Pero había que probala. El problema foi l'orde, quiciabes al aviesu, primero ésta y dempués Oppigards, sería meyor.

Pagué 18,65€


No hay comentarios

Publicar un comentario