Publicidá

Blog Archive

Contact Me

Nombre

Correo electrónico

Mensaje

Hover Setting

default

Nueva Visita: Los Llaureles

Señes: Camino de Miyangues, 2 - Torazu - Cabranes
Teléfonu: 629 769 059



Web: http://www.losllaureles.com/
Facebook: https://es-la.facebook.com/LosLlaureles
Twitter [@losllaureles]: https://twitter.com/losllaureles
Instagram [@losllaureles]https://www.instagram.com/losllaureles/


Calidá: 5/5
Preciu: 39€

Aconseyamos: Acuta'l Menú Degustación + Habitación, reláxate y date un homenaxe.
Anterior Visita: https://lesfarturesast.blogspot.com/2017/06/los-llaureles-menu-alcoholicu.html


Comentarios:  Día d'agua y envernada, pero les ganes d'estrenar el nuevu menú de Los Llaureles pudieron y averé a probalo. Impagable comer solo na gran terraza (había más meses, pero al calor nel interior de la casa). Fuera lloviendo, dientro'l calor de la chimenea y la paz que tresmiten eses vistas.

El so menú ye estacional, y suel camudar en cada estación. Asina que nunca vas a aburrite comiendo ellí. Ye un menú pa tomar reposáu, ensin priesa; pa esfrutar de la cocina, de la vista y de la compañía. Y pa desconectar. Si'l sitiu yá apurre tola guapura posible, el menú emociona.

Y amás, a 39€ (ensin bébora). Meyor, imposible.


Empezamos con una Mandarina y Aceitunes Aliñaes. Toque saláu, que va xenial col duce de la mandarina. Enfresca y llimpia la boca; perfeutu pa entamar.


Crema de Calabacín a les especies Árabes. Cacáu, pasta frito, quesu manchego, anchoa ... xenial amiestu que queda a la fin como una crema con "tropezones". Distintes testures pa un platu caliente, que tien un toque picante gracies a l'anchoa yá'l quesu; y duce gracies al cacáu. Perbonu.


Dim Sum de gamba, cacagüés y maíz. Dim Sum ye la manera correuta de llamar a les gyoces que tan de moda punxéronse agora. Pa comer en dos bocaos, primero'l dim sum partíu en dos pa que sía más fácil comer, con un toque importante a cacagüés y gamba.


Y na parte de baxo una crema de calabaza y maíz, con granada. Orixinal y perfeuta combinación en dambes partes del platu.


Buñuelos de pistu manchegu, sardina y llingua de vaca afumada. Dos buñuelos con base de xamón. Ún con llingua de vaca afumada, más suave (y a mi gustóme más. Taba perfeutu). Yá l'otru de sardina afumada, que ta más fuerte. Encamienten empezar pola llingua de vaca. El buñuelo ... mui  ricu.


Nem de Sisho Free Style. Xenialidá envuelta en fueyes. Distintes testures y sabores pa comer cola mano. Cruxente de panko pal llagostín, toque cítricu de les fueyes yá'l mueyu de mayonesa y agriu del mueyu.


Espectacular.


Hummus de verdines. Otra combinación increíble y amás asturiana. Platu marín total. Lleva cachos de navaya, virigüetu, moxón y de mazana. Y pa rematar, unos cschos d'oriciu. La parte que menos me namoró foi que fuera tou en fríu (anque nun sé si ameyoraría daqué cola base templada).


Pero l'amiestu de sabores, sobremanera, col oriciu presidiendo, ye brutal.


Ostra del Eo de chicha criolla. Suavizada con chicha criolla, que ye una bebida non alcohólica típica de Venezuela. Infusionada en galanga (raigañu de la familia'l xenxibre). Con aceite de sésamu y sriracha (mueyu picante). Tien un toque duce importante, casi como si fuera lleche, que va xenial col salín de la ostra (en cachos, pa que sía más fácil tomala). Ye un platu que casi se bebe. Bonísimo.


Ensalada de Ravioli de pera asada. Base de cabrales (suave), almendra, ensalada yá'l duce de la pera presidiendo'l platu. Otra combinación de contrastes, testures y sabores xenial. Paez senciellu pero atopar esi equilibriu nun lu ye. Xenial.


Merluza, dureces y parmentier de piña. El nivel foi increíble en tol menú, pero esti platu foi'l meyor de toos. Increíble. Base de callos, perfeutos, picantinos; con un llombu de merluza enriba, tamién perfeutu. Y los dos xuntos, más el toque de piña, da un sabor increíble.


Amorrentando, empecé colos postres. Dulce de calabaza y Capitan Morgan. Sabor total a ron, qu'entemez xenial col duce de la crema pastelera de calabaza. Añede amás un toque cruxente coles pipes de calabaza. Si te prest'alron, va gustate. Y si non ... tamién.


Acabamos el menú con Todo plátano. Un postre 100% plátano en diferentes texturas. Base de tofee. Muy bueno (y nada empalagoso).

Los panes artesanales hechos en la casa.

Para beber, una copa de albariño y agua.

Todo por 39€ más lo que bebas. Sigue siendo uno de nuestros favoritos, la rcp es espectacular, la mente de Carlos Gallego cocinando es maravillosa, y Josa Carlos hacen que te sientas como en casa. Indispensable Los Llaureles (y si después te quedas a dormir, ya ni te cuento).

Acabamos el menú con Tou plátanu. Un postre 100% plátanu en distintes testures. Base de tofee. Perbonu (y nada empalagosu).

Los panes artesanales fechos na casa.

Pa beber, una copa d'albariño y agua.

Tou por 39€ más lo que bebas. Sigue siendo ún de los nuesos favoritos, la rcp ye espectacular, la mente de Carlos Gallego cocinando ye maraviyosa, y Josa y Carlos faen que te sientas como na to casa. Indispensable Los Llaureles (y si dempués quedes ellí a dormir, yá nin te cuento).


No hay comentarios

Publicar un comentario