Teléfonu: 980 577 673
Web: http://www.bodegasfarina.com/
Facebook: https://www.facebook.com/bodegasfarina/
Twitter: [@bodegasfariña] https://twitter.com/bodegasfarina
Bodegas Fariña celebra'l so 75 aniversariu, y faelo n'Uviéu por cuenta l'afinidá que siempres hubo ente la bodega y Asturies. Arrodiaos d'amigos, y con Distribuciones Vicol (el so distribuidor n'Asturies) como anfitriones, pudimos esfrutar d'una tarde alredor de Zamora yá'l so vinu.
Conocíamos los vinos de la nuesa visita a la bodega gracies a Juanjo Cima (Vinoteo y Tablas del Campillín), con un viaxe qu'entamó y que vos cuntamos equí.
Cuntamos cola presencia de Manolo Fariña, dueñu la Bodega, impulsor de la DOP Vinos de Toru, y ún de los responsables del llavau de cara que tuvo que faer Toru pa pasar de ser un vinu "de baxa calidá" al vinu que ye anguaño.
Al so lláu, el so fíu, que yá va tomando les riendes de la bodega y que va siguir los pasos del so padre. Manuel Fariña. Tercer xeneración na bodega.
Presentónos el so Primero 2017, acabantes de salir al mercáu. Ye'l primer vinu que saquen nel añu, de maceración carbónica. Pa ello, entamen tolos años un concursu de pintura que darréu va formar la etiqueta del vinu, y anguaño el ganador resultó ser l'artista burgalés Francisco Jesús del Hoyo Santamaría cola so obra "Tinta de Toro”.
Ye un vinu nuevo, de preciu algamadizu y que combina la intensidá en boca cola acidez. Demasiao pal mio gustu.
Gustónos muncho más el so Fariña 75 Aniversariu 2014, el vinu especial que sacaron col motivu del 75 aniversariu la bodega. Muncho más elegante, intensidá de golor, pero na boca muncho más prudente. Un crianza 100% uva de toru, con 18 meses en barrica. Amás, n'edición de namás 18500 botelles.
Pa presentanos los vinos, cuntamos cola presencia de Ceferino Cimadevilla, presidente de l'asociación de Asturies de Sumilleres d'Asturies
No hay comentarios
Publicar un comentario