Teléfonu: 984 297 037 / 627 500 493
Web: http://yumegastro.com/
Twitter [@Yumegastro]: https://twitter.com/Yumegastro
Instagram [@yumegastro]: https://www.instagram.com/yumegastro/
Preciu: 30€
Anterior Visita: https://lesfarturesast.blogspot.com/2015/09/yume.html
Comentarios: Cuantayá que nun visitábamos a Iratxe, Adrián yá'l so equipu; y nun yera por mala esperiencia o falta ganes, ye que siempres que pasábamos el llocal taba llenu. Y eso, sumáu a les bones opiniones qu'oyíamos y lleíamos ... animónos a visitalos un día ente selmana. Y salimos encantaos.
Anterior Visita: https://lesfarturesast.blogspot.com/2015/09/yume.html
El local ye allargáu, cola decoración cuidada. Meses de distintos tamaños y colores, tou informal, en blancos, pero llenos de colores. Y afayadizu. La cocina, al fondu abierta y con continuu trasiegu.
L'atención d'Iratxe xenial, encamienta y cúriate en tou momentu pa que la esperiencia sía perfeuta.
Cenamos tres persones, y pidimos trés platos pa compartir. El conceutu ye informal, con cocina fusión, con platos más arriesgaos qu'otros, polo que tu mesmu pondrás la llende pa probar (lo meyor ye que nun la pongas, y qu'aproveches la so cocina pa conocer sabores nuevos). Y siempres con productu llocal, amestando lo exótico con sabores de tola vida. Ye tou un ésitu.
Empezamos con un Bao de Fabes de Guernica, Piparra, Berza y Joselito, por persona, que tien como carauterística que ye dafechu zarráu, a diferencia de los que solemos tomar n'otros sitios. Pa comer nun par de bocaos, y dexar que les testures y los sabores entemézanse. El toque a morciella matachana ye orixinal y queda perbién.
Merluza con Mantequilla Tostada d'Ayu Negru y Güevu Curáu con Soya. La merluza ta perfeuta, entra sola, yá'l toque d'alcaparra da-y una acidez perinteresante al platu. Tien ayu negru y una yema de güevu. La idea ye entemecelo tou y esfrutar. Perfectu pa moyar el pan
Cocotal d'Atún con Española y Puré de Llimón. Auténticu platazu. Otra combinación xenial de sabores y testures. Zusmiu reposáu, intensidá del bonitu, y ácidu pa compensar. El mio favoritu ensin dulda, y un platu qu'espero que se caltenga siempres na carta porque ye impresionante.
Pa beber, agua, y una copa d'albariño. Yá disponen de cerveza asturiano, anque'l vinu y la sidra asturianu ainda son asignatures pendientes. Una sidra brut o una sidra de xelu pal postre son bebíes que peguen maraviosamente con esti tipu de cocina, o un vinu blanco de Cangas. Pagamos 62€.
Evolución, muncha calidá, atención de primera y cocina-fusión con productu llocal que funciona.
No hay comentarios
Publicar un comentario