Nueva Visita: Casa Consuelo

Señes: Carretera nacional 634 - Km. 511,150 - 33792 – Otur (Luarca - Ḷḷuarca)

Teléfonu: 985 64 16 96

Aconseyamos: Pexes y Mariscos

Calidá: 4/5
Preciu: 45€

Web: http://www.casaconsuelo.com/
Facebook: https://www.facebook.com/restaurantecasaconsuelo
Instagram [@casaconsuelorestaurante]: https://www.instagram.com/casaconsuelorestaurante/

Comentarios: Ún de los restoranes más famosos d'Asturies. Diba años que nun díbamos y queríamos comprobar si siguía en forma, y la verdá ye que salimos encantaos.

Lo que más presta ye lo poco, o nada, que camudó nel restorán. Según entres, esa zona de barra con paisanos echando la partida, qu'oldea tantu col ambiente clásico y elegante del comedor, al que s'entra per una pequena puerta.

Comimos dos persones un sábadu, con reserva, porque'l restorán taba llenu. Y eso que tamos en temporada baxa.

De aperitivo, traxéronnos "Quesu El Vicio de Pola de Siero". En realidá, quesu El Viciu ye un Regina Blue azul alemán que distribúin so otru nome como si fuera ellaboráu n'Asturies. Y nun lo ye.  Que nun vos engañen.

Pidimos d'entrante unas Croquetes que taben daveres bones. Bexamel casi líquido y bon sabor a xamón. Sosprendiéronnos pa perbién.

Y de platu principal, una Llubina recién traida pa dos. Platazu enorme, que nos traen nuna bandexa y nos emplaten ellí mesmu. A la plancha con ayos percima (pregúntennos si los queríemos). Unes pataques cocíes y un aceite p'acabar col pan. Perbona.

Pan, a éstes que taba bien bonu.

A los postres nun llegamos.

Pa beber, Sidra Brut Poma Aurea. Brut del Llagar Trabanco, suave y que foi bien cola llubina.

Pagamos por tou 86€.

Mesma calidá de siempre, productu de primera, bien tratao.