Publicidá

Blog Archive

Contact Me

Nombre

Correo electrónico

Mensaje

Hover Setting

default

Nueva Visita: Buenos Aires

Señes: Carretera del Naranco S/N - Uviéu / Oviedo
Teléfonu:  985 295 907

Encamientos: Costielles


Web: http://www.parrillabuenosaires.com/
Facebook: https://www.facebook.com/Parrilla-Buenos-Aire


Calidá: 3/5
Preciu: 25€


Comentarios: Tornamos a la Parrilla Buenos Aires, día d'iviernu de fríu y sol, y pudimos esfrutar d'unes vistas espectaculares sobro la ciudá d'Uviéu.


Según entres al llocal, barra onde mientres esperes pa comer puedes toma botellina de Novalín, sidra DOP d'Orizon. Perbona, por cierto. Y onde, amás, échenla.

El local ta llenu  cristaleres, y ye un lluxu esfrutar d'una mesa pegada a una d'elles coles increíbles vistes sobro la ciudá d'Uviéu. Asina que si acutáis, yá sabéis. Tien dos pisos, anque'l pisu inferior namás ta abiertu cuando s'enllena'l de riba, o en fines de selmana.

Sentámonos a comer dos persones, pidimos dos tapes al centru, y foi más qu'abondu.


Empezamos con unos Calamares Fritos. Bonos, y de los de verdá. Nun fai falta'l llimón.


Y la estrella la casa, Costielles. Son espectaculares.


Bona ración, y acompañada d'unes pataques frites con pimientos.

Siempres nos queda pendiente probar un montón de coses "más ellaboraes", pexe, chuletón de güe ... pero nunca aguantamos a eses costielles. Tán perfectes.


La sidra nun la echen nel comedor.  Asina que pasamos a la Cerveza. Tienen Cotoya Original, cerveza artesano asturiana de la que vos falamos equí. Una cerveza de tipu inglesa (strong bitter) de 5,6%. Tien bona espluma, color marrón. Arumes a malta con un toque de carambelu. Y sabor que convida siempres a otru tragu. Malta y un toque amargosu a la fin. Una cerveza qu'entra sola. Perbona. Y va xenial cola carne.


Pagamos por tou, gintonics incluyíos, unos 50€. Como véis, baratu, bona cocina y con unes vistas espectaculares. Y unos metros más embaxo, esti espectáculu.


No hay comentarios

Publicar un comentario