Harilaos

Señes: Kardamili - Grecia

Teléfonu: +30 2721 073373

Web: http://lessireneskardamili.com/
Facebook: https://www.facebook.com/lessireneskardamili/

Calidá: 3/5
Preciu: 26€

Comentarios: El orígen d'esti viaxe empezó por razones personales en Kardamili, y resultó que lo acabamos ende. Visita a un rincón de la mariña griega preciosu, con pequeñes cales de roca d'agua caliente y cristalina. Un pueblu al qu'hai que llegar baxando'l monte per una carretera enllena curves pela que cuerres el riesgu d'espeñate por cuenta la preciosa vista que se ve dende enriba.

Llegando al puertu, atópase Harilaos, un preciosu restorán que tamién tien habitaciones pa dormir. La terraza cubierta abierta'l mar ye a cencielles espectacular. Namás por eso, paga la pena comer ellí.

Dientro, un ampliu restorán, nuevu y decoráu en blancos, anque l'atractivu ta na terraza cubierta. Una gociada.

Un restorán dafechu enfocáu al pexe, anque d'entrantes tienen unos cuantos platos de cocina tradicional griega colos que tamién puedes comer.

Nós pidimos Gemistá, platu típicu griegu que consiste nun tomate y un pimientu relleno d'arroz y especies al fornu. Vien acompañáu del so propiu mueyu y d'unes pataques frites. Ta perbonu, amás gana'l sabor especiáu, onde predomina la menta. Ye estrañu l'amiestu cola menta, pero prestonos.

Preguntamos qué pexes frescos teníen y decidimos por 2 Besugos. Con un mueyu de llimón, que namás probemos. Porque los besugos taben perbonos. Puntu perfectu de plancha y bien sabrosos.

De postre, lo típico en Grecia. Unos cachos de Sandía cortesía de la casa, qu'entraron xenial.

Pa beber, agua y xarra de vinu blanco de la casa, qu'había que conducir.

Pagamos por tou, 51,10€. Como veis, relación calidá-preciu estupenda, porque los besugos ye un pexe caru.

Y comer con eses vistas ye impagable ...