En Xineru fai 11 años qu'abandonó'l negociu familiar de la carnicería, y abrió El Lúpulu Feroz. Como diz él, un llocal onde beber y escuchar la música que-y gusta, y que nun esistía n'Uviéu nesos momentos. La so apertura coincidió cola esplosión de la cerveza belga d'abadía (marques qu'anguaño nos suenen a toos, pero que fai 10 años yeren difíciles d'atopar, como Chimay o Duvel) y alemana. Y de xacíu, atopar cerveza artesano yera imposible.
Empezó con dos cañeros de cerveza y unes 25 referencies en botella. Al mes, 4 cañeros y 100 botelles. A los dos meses, 5 grifos y unes 200 referencies en botella. Anguaño tien 16 cañeros de cerveza (15 rotatorios, siempres tien en barril Pilsner Urquell, la roxa checa que tanto nos presta) y unes 300 referencies en botella. Nun esiste nenguna cervecería n'España con este ratio de cañeros / botelles, lo que fai del Lúpulu Feroz un destín indispensable nel mundiu la cerveza.
Y ye que nun somos conscientes del privilexu que tenemos n'Asturies al poder beber la meyor cerveza del mundu (namás supéranos Barcelona, que ye una referencia mundial) y a precios muncho más competitivos que Barcelona o Madrid. Andrés tien muncha culpa d'ello, y de que, cada vegada, atopemos más cerveces de calidá nes cartes de restoranes o tiendes d'alimentación.
El so llabor d'espardimientu en cates, na so sección selmanal na RTPA y nel so chigre, ye la d'un espertu apasionáu que t'esplica de forma pedagóxica los aspeutos más técnicos de cada cerveza. O comprobar cómo ye reconocíu y respetáu en foros internacionales, nel so llabor como prebador o distribuidor. Pasión y conocencia, pero en cuenta de faer d'eso una barrera, Andrés úsalo como medio p'asoleyar la cultura cervecera. Ye un auténticu luxu sentase con él a probar cerveces, a aprender a estremar estilos y matices, y procesos d'ellaboración.
Dende va unos años, la distribución n'España quedóse-y curtia, nun atopaba toles cerveces que quería (o-y yera perdifícil consiguiles), asina que se fixo, amás de cerveceru, distribuidor. Y distribúi marques tan esclusives como Mikkeller o Cantillon pela zona norte la península. D'ende'l nivel de les pizarres que podemos esfrutar nes cerveceríes asturianes, porque vienen directamente a Asturies.
En el Lúpulo encontrarás dos ambientes muy diferenciados. La zona de la barra, para hablar, cantar, discutir con el chigrero, preguntar recomendaciones, hacer fotos a la cantidad de cervezas que hay en la nevera, y comprobar cómo al día siguiente la mitad cambiaron y son nuevas ... Todo ello mientras escuchar música rock de primera calidad e incluso algún espontáneo (nosotros por supuesto que no, que somos formales) se anima a hacer performances del Bohemian Rhapsody o del Maldito Sea Tu Nombre.
Nel Lúpulu vas atopar dos ambientes bien estremaos. La zona la barra, pa falar, cantar, aldericar col chigreru, preguntar encamientos, faer semeyes a la cantidá de cerveces qu'hai na nevera, y comprobar cómo al otru día la metá camudaron y son nueves ... Tou ello mientres escuches música rock de primera calidá ya inclusive dalgún espontáneu (nós non, que somos formales) animase a faer performances del Bohemian Rhapsody o del Maldito Sea Tu Nombre.
Na zona de tras, meses pa tomar daqué sele, o ver dalgún partíu del to deporte favorito o falar, yá alloñáu del trasiegu la barra.
Tou so la supervisión d'Andrés y Vane, porque nesti casu sí qu'hai una gran muyer detrás d'un gran home. Siempres con una sorrisa per delantre, y con otru gran paladar cerveceru, a Vane debémos-y qu'El Lúpulu sia'l destín favoritu pa los amantes los perros.
Nun pidas café, porque nun hai. Nun pidas copes, porque nun les hai. Nun pidas vinu, porque nun hai. Pide cerveza. Y asegúrote que nun vas beber meyor cerveza en prácticamente nengún otru sitiu del mundu.
No hay comentarios
Publicar un comentario