Teléfonu: 987 743 220
Preciu: 23€
Comentarios: Valdelugueros ta na parte lleonesa los Picos d'Europa, al altor del Conceyu d'Ayer. El paisaxe ye preciosu, y, anque administrativamente sían Llión, malapenes notes la diferencia con Asturies. Amás falen asturianu.
Fiximos xuna mini farturruta dende La Valdorria hasta la Ermita de San Froilán. La Valdorria ye un preciosu pueblu de monte, ensin cobertoria, que paga la pena la visita. Y con un paséu pel mediu'l monte, d'unos 30min, xubiendo 365 pasos, llegues hasta la Ermita de San Froilán, una pequena ermita con unes vistas increíbles.
Zarráu l'Abellugu la Vegarada, onde tengo l'alcordanza d'un gloriosu Cocíu Lleonés que va pasar a la hestoria, probemos va unos años el Resturante Bodón, antes d'empezar el puertu la Vegarada. Casa grande, con habitaciones p'arrendar, y que la so planta d'abaxo ta ocupada por un chigre-resturante con cocina casera. Y non, nun ye una boda grande :).
Comimos un sábadu, y enllenóse. Asina que si queréis dir de fin de selmana (y pel branu), llamái antes por si acasu.
Pagamos 188,8€. A unos 23€ per cabeza. Bona opción si tas pela zona.
Comentarios: Valdelugueros ta na parte lleonesa los Picos d'Europa, al altor del Conceyu d'Ayer. El paisaxe ye preciosu, y, anque administrativamente sían Llión, malapenes notes la diferencia con Asturies. Amás falen asturianu.
Fiximos xuna mini farturruta dende La Valdorria hasta la Ermita de San Froilán. La Valdorria ye un preciosu pueblu de monte, ensin cobertoria, que paga la pena la visita. Y con un paséu pel mediu'l monte, d'unos 30min, xubiendo 365 pasos, llegues hasta la Ermita de San Froilán, una pequena ermita con unes vistas increíbles.
Zarráu l'Abellugu la Vegarada, onde tengo l'alcordanza d'un gloriosu Cocíu Lleonés que va pasar a la hestoria, probemos va unos años el Resturante Bodón, antes d'empezar el puertu la Vegarada. Casa grande, con habitaciones p'arrendar, y que la so planta d'abaxo ta ocupada por un chigre-resturante con cocina casera. Y non, nun ye una boda grande :).
Comimos un sábadu, y enllenóse. Asina que si queréis dir de fin de selmana (y pel branu), llamái antes por si acasu.
Tienen carta, anque dixeronmos lo que teníen esi día y en función d'ello, pidimos unos primeros pa compartir y un segundu per cabeza. Comimos 8 persones.
De primeros, unos Puerros a la Plancha con Vinagreta, que fueron los trunfadores. Mui ricos, toque xustu de plancha y sabor ricu a vinagreta.
Unes Croquetes caseres, normales y de chorizu. Les de chorizu taben dafechu bones.
Ensaladilla, que taba rica.
Y unos Embutíos caseros típicos de la zona.
De segundos, pidimos unes Chuletes de Xata. Que tán riques, anque tenemos meyor alcordanza de l'anterior vegada. Vienen acompañaes d'unes pataques.
Unes Chuletines, que taben riques.
Y un Pitu Caleya, que nos enseñaron al traviés de la ventana onde los críen. Nun tenía esi color tan escuru, pero taba ricu. Yá'l mueyu ... pa morrer. Amás la ración ye enorme.
De postre, caseru, teníen o Lleche Frito o Arroz con Lleche.
Probé l'Arroz y taba perbonu.
Tamién había flan caseru.
Pa beber, agua y Cuatro Pasos, el Mencía de la zona'l Bierzu en propiedá de Martin Codax. Vinu potente y que va bien cola carne. Cumplió.
Pagamos 188,8€. A unos 23€ per cabeza. Bona opción si tas pela zona.
A la vuelta, una parada nel Tabayón de Nocedo, preciosa cascada d'unos 20m escondida ente la roca, onde -casi-, naz el ríu Curueñu, con unos accesos preciosos.
No hay comentarios
Publicar un comentario