Contact Me

Nombre

Correo electrónico

Mensaje

Hover Setting

default

La Bolera

Señes: Av. Jardín Botánico, 355 - Gijón/Xixón
Teléfonu: 984 193 422


Web: https://asadorlabolera.com/
Facebook: https://www.facebook.com/La-Bolera-Gijon-Asturias
Twitter: [@rlabolera] https://twitter.com/rlabolera
Instagram: [@asadorlabolera] https://www.instagram.com/asadorlabolera


Calidá: 4/5
Preciu: 40€

Comentarios: Ún de los templos asturianos de la carne. Antiguu merenderu con una bolera asturiana incorporada, onde pasaba les mios tardes d'universidá tomando sidra, que fai 10 años pasó a manes de Francisco Javier Álvarez, Cuco como tol mundu lu conoz.


Dende esi día, La Bolera, ye nun referente de la carne, ayenu de modes y siguiendo el so propiu camín. Escueye directamente la carne de Trasacar, y ufierta, amás, llombu d'Angus calidá "prime", que correspuende namás a un 8% de la producción d'esta carne escocés. Amás, ufiértala ensin maduración, alloñáu de la moda actual de los 45, o inclusive 60 díes de maduración de la carne.

El llocal ta asitiáu mui cerca del Molinón, n'una zona de bon aparcamientu. Ye una antigua casona de piedra, y cuando entres, hai un comedor ampliu con meses grandes de madera y parés de piedra vista. Zona de barra tras que da pasu a un comedor ampliu y nun aparte, perfeutu para grupos.


Saliendo per una puerta, zona de merenderu esterior y la bolera, perfeutamente caltenida.


Aconseyáronmos los sos Puerros rellenos de Xamón Ibéricu y Quesu. Espectaculares. Preguntamos por ellos porque nun los atopamos na carta. Pero si los hai, nun dexéis de probalos. Ye una especie de cachopu con dos llámines de puerru, rellenu por un xamón buenísimo. Persuave, gustónos enforma.


Y dempués punximonos en manos de Cuco por que nos traxera la carne que-y petara. Angus calidá prime, esto ye, la cimera. Perfeutamente fechu, colos trés colores y con una grasa que ye un pecáu estremar. Bona ración pa dos persones. Anque vien n'una fonte de cerámica, nun dio tiempu en nengún momentu a qu'esfreciera. Voló de la mesa!


Vien con unes pataques frites.


Al postre, unos Frixuelos rellenos d'Arroz Lleche para compartir. Suaves. Bien ricos.


Bona carta de vinos, con bastantes DOPs, ente les que s'atopa la Sidra Natural, Sidra de Mesa y Sidra Brut asturiana, y representación de vinos asturianos. Bebimos un Pio Tinto, que nos gustó.

Pagamos 85€.


No hay comentarios

Publicar un comentario