Publicidá

Blog Archive

Contact Me

Nombre

Correo electrónico

Mensaje

Hover Setting

default

Athens Beer

Señes: Nikis 20, Atenas
Teléfonu: +30 21 0321 0790


Calidá: 3/5
Preciu: 18€


Web: http://athensbeer.gr
Facebook: https://www.facebook.com/AthensBeer


Comentarios: Sabéis que nos presta la cerveza, y nun podía faltar la visita a ún de los templos cerveceros d'Atenes. Hai un par d'ellos que merecen visita, pero güei venímosvos a falar del más conocíu, Athens Beer.


Asitiáu nel barriu de Plaka, mui cerca de la céntrica plaza Syntagma. Llocal de madera, con una pequena terraza separada de la cai por una pequeña muria pa dar intimidá y zona de meses amplies nel interior, tanto pa comer como pa beber cerveza.

Nun ye que tengan la esbilla de cerveces de la to vida, pero sí que tán a años lluz de la media de Grecia. Y amás, tienen una bona seleición de cerveces griegues desconocíes pa nós.


Gracies a los nuesos cerveceros asturianos como Andrés del Lúpulu Feroz o Pablo del Cabanón, conocemos les meyores cerveces del mundu. Ente elles, una griega. Septem. Microcervecería allugada na Isla d'Evia, fai unes cerveces fresques y llupulaes al estilu americanu.


Empieza a tar presente en restoranes y llocales de Grecia, pero entá ta años lluz tocantes a presencia de les cerveces industriales griegues, anque éstes lo tan de Septem tocantes a calidá.


Tomamos una Septem Friday's Pale Ale, 4,7% d'alcohol pa una cerveza qu'entra sola. Fresca, con llúpulu de Nueva Zelanda que-y dan arumes a Sauvignon Blanca. Rica.


Tamién xuna Septem 8th Day, una IPA con toques cítricos perfeuta pal calor pero con unos peligrosos 7%.


Pa comer, una Ensalada Griega. Ye lo que meyor entra con estos calores. Tomate, Alcaparres, quesu Feta, Aceitunes de Kalamata y Pepinu. Taba rica.


Y pidimos tamién unos Moxones Saganaki. Moxones salteaos n'aceite d'oliva, con ayu, cebolla, Ouzo, Mostaza y Quesu Feta. Ouzo ye'l llicor típicu de Grecia, una especie d'anís perduce. Taben ricos tamién.


De postre, tráennos cortesía de la casa, unos cachos de Sandía.


Repitiendo pintes de cerveza, pagamos por tou 33,80€. Como veis, una relación calidá-preciu bien bona.

Bon sitiu pa picar daqué tomando cerveces artesanes del país.


No hay comentarios

Publicar un comentario