Teléfonu: 984 045 505
Facebook: https://www.facebook.com/El-pintu
Preciu: 40€
Anterior Visita: https://lesfarturesast.blogspot.com/2020/01/el-pintu-collacios-secreto-voces.html
Comentarios: Diego Pintu y Diego Arniciu son amigos dende l'Institutu. Nun vamos entrar en detalle de cual de los dos yera más pinta en clase, porque ehí-ehí ndaríen, lo que sí sabemos ye mientres toos estos años caltuvieron la so amistá, y que, agora que tienen actividaes complementaries, los dos xunieron les sos fuerces pa crear daqué bien especial. Y esperemos que sía la primera de munches vegaes.
Yá vos cunté delles vegaes que Diego Arniciu tien un hotel n'El Campu (Casu), l'Hotel Arniciu, y que dende fai 5 años cría les sos propies vaques y gües de raza casina. Sabemos que la vaca casina ye espectacular, yá que va ganando premios allá onde se presenta, per delantre de carnes con muncho más nome, sabemos que ye esclusiva, porque nun abonda; pero tou multiplícase cuando la carne, en cuenta de vaca, ye de güe, porque prácticamente nun hai.
Diego lleva 5 años esperando pacientemente xubiendo y baxando los sos gües, xixilándolos de cerca y viendo cómo'l monte ye la so redolada natural, en díes de sol, d'agua, y tamién de nieve. Un llabor bien sacrificáu qu'agora empieza a ver pagu ufiertando la so propia carne nel so restorán del hotel, que vos encamiento visitar.
La so carne ye bien difícil de consiguir, son pocos y tán bien cotizaos, pero ende entró Diego Pintu, un llocu de la cocina, que volvió a la so Llaviana natal a faer del Pintu un referente xuntu con Zori, la so socia. Y los dos Diegos entamaron una fin de selmana onde poder comer el mesmu menú nos sos dos restoranes. Dos amigos esfrutando d'un gran productu. Nós namás pudimos dir al Pintu, amás con Javi y Lucía de Casa Farpón.
Un menú de 50€ por pareya, ensin bébora. Empezamos con un Tortu de Casina desmechao con Ensalada. Pa dir abriendo boca cola intensidá del sabor de la carne. Bien bonu.
Diego tráxonos como extra, Bonitu con Caviar de Wasabi. Espectacular. Encantónos.
Y para fardar al rei de les croquetes, unes Croquetes, que tán buenísimes.
Volvimos al menú, con un platu d'Embutíos de Casina. Gana por goliada la cecina yá'l salchichón. El chorizu ta ricu pero ye nidiu. La cecina tien un sabor brutal, yá'l salchichón, anque nun sía'l mio embutíu favoritu ta bien bonu.
Y llegó el platu fuerte principal. Chuleta de Vaca Casina del Puertu. Espectacular. Ensin palabres.
Vien acompañada d'unes pataques frites y pimientos.
P'acabar, Tiramisú de Afuega'l Pitu y Cueva Llonín. Buenísimo.
Y Sable de Llima, Turrón y Chocolate Blanco. De Confitería Conchi. Espectacular.
Pa beber, estreme del menú, Sidra Brut Nature Reserva Prau Monga, de Viuda de Angelón. Perfecta, como siempres. Y portóse xenial cola Chuleta. ¿Sidra y Chuleta asturiana? ¿Por qué non?
Pagamos 40€ per cabeza. Como veis, un preciu impresionante pa tolo que comimos. Raza autóctona asturiana, bien esclusiva, que ta ganando premios nos meyores concursos de carne del mundu, y dos amigos engarrando por un productu que -esperemos-, nos dea munches allegríes.
Anterior Visita: https://lesfarturesast.blogspot.com/2020/01/el-pintu-collacios-secreto-voces.html
Comentarios: Diego Pintu y Diego Arniciu son amigos dende l'Institutu. Nun vamos entrar en detalle de cual de los dos yera más pinta en clase, porque ehí-ehí ndaríen, lo que sí sabemos ye mientres toos estos años caltuvieron la so amistá, y que, agora que tienen actividaes complementaries, los dos xunieron les sos fuerces pa crear daqué bien especial. Y esperemos que sía la primera de munches vegaes.
Yá vos cunté delles vegaes que Diego Arniciu tien un hotel n'El Campu (Casu), l'Hotel Arniciu, y que dende fai 5 años cría les sos propies vaques y gües de raza casina. Sabemos que la vaca casina ye espectacular, yá que va ganando premios allá onde se presenta, per delantre de carnes con muncho más nome, sabemos que ye esclusiva, porque nun abonda; pero tou multiplícase cuando la carne, en cuenta de vaca, ye de güe, porque prácticamente nun hai.
Diego lleva 5 años esperando pacientemente xubiendo y baxando los sos gües, xixilándolos de cerca y viendo cómo'l monte ye la so redolada natural, en díes de sol, d'agua, y tamién de nieve. Un llabor bien sacrificáu qu'agora empieza a ver pagu ufiertando la so propia carne nel so restorán del hotel, que vos encamiento visitar.
La so carne ye bien difícil de consiguir, son pocos y tán bien cotizaos, pero ende entró Diego Pintu, un llocu de la cocina, que volvió a la so Llaviana natal a faer del Pintu un referente xuntu con Zori, la so socia. Y los dos Diegos entamaron una fin de selmana onde poder comer el mesmu menú nos sos dos restoranes. Dos amigos esfrutando d'un gran productu. Nós namás pudimos dir al Pintu, amás con Javi y Lucía de Casa Farpón.
Un menú de 50€ por pareya, ensin bébora. Empezamos con un Tortu de Casina desmechao con Ensalada. Pa dir abriendo boca cola intensidá del sabor de la carne. Bien bonu.
Diego tráxonos como extra, Bonitu con Caviar de Wasabi. Espectacular. Encantónos.
Y para fardar al rei de les croquetes, unes Croquetes, que tán buenísimes.
Volvimos al menú, con un platu d'Embutíos de Casina. Gana por goliada la cecina yá'l salchichón. El chorizu ta ricu pero ye nidiu. La cecina tien un sabor brutal, yá'l salchichón, anque nun sía'l mio embutíu favoritu ta bien bonu.
Y llegó el platu fuerte principal. Chuleta de Vaca Casina del Puertu. Espectacular. Ensin palabres.
Vien acompañada d'unes pataques frites y pimientos.
P'acabar, Tiramisú de Afuega'l Pitu y Cueva Llonín. Buenísimo.
Y Sable de Llima, Turrón y Chocolate Blanco. De Confitería Conchi. Espectacular.
Pa beber, estreme del menú, Sidra Brut Nature Reserva Prau Monga, de Viuda de Angelón. Perfecta, como siempres. Y portóse xenial cola Chuleta. ¿Sidra y Chuleta asturiana? ¿Por qué non?
Pagamos 40€ per cabeza. Como veis, un preciu impresionante pa tolo que comimos. Raza autóctona asturiana, bien esclusiva, que ta ganando premios nos meyores concursos de carne del mundu, y dos amigos engarrando por un productu que -esperemos-, nos dea munches allegríes.
No hay comentarios
Publicar un comentario