Publicidá

Blog Archive

Contact Me

Nombre

Correo electrónico

Mensaje

Hover Setting

default

El Gaitero - Presentación Vinos Real Agrado

Señes: Espuncia s/n - Villaviciosa
Teléfonu: 985 890 100


Web: https://www.sidraelgaitero.com/
Facebook: https://www.facebook.com/sidraelgaiterotercio
Twitter [@grupoelgaitero]:  https://twitter.com/grupoelgaitero
Instagram [@grupogaitero]https://www.instagram.com/grupoelgaitero/


Presentar vinos n'un llagar de sidra. ¿Sacrilexu o atrevencia? La verdá ye que'l marcu incomparable de les instalaciones del Gaiteru sirvió d'hermanamientu ástur-rioxanu pa la presentación de los vinos de la Bodega Viñedos de Alfaro tres la compra del 100% del Grupu El Gaitero.


Una bodega allugada na Rioxa oriental, que crea vinos de dos games estremaes: Gama Clásica, con cinco vinos típicos dientro del DO Rioja; y la de Vinos de Parcela, sol nome de Colección Raíz. En total, tienes unes 100 hectarees de viñeos propios, y nun merquen uva d'otros viñeos.


Esta esbilla Raíces foi la que nos presentaron nel eventu, con un importante cambéu d'imaxe, modernu pero ensin escaecer -precisamente-, los sos raigaños. Son vinos destinaos a un públicu más esixente, y que provienen de viñeos antiguos qu'inclusive, ún, rebautizaron col nome de Rodiles, n'honor al Gaitero.


Qué meyor que probar los vinos con dos grandes cocineros, Nacho Manzano e Ignacio Echapresto (Venta Moncalvillo, restorán de La Rioxa). Tres un aperitivo (el día convidaba a ello) al aire llibre nes instalaciones del llagar, pasamos dientro, a la impresionante sala arrodiada de toneles, onde nos sentamos a esfrutar de la bébora y la comida.


Empezamos con un chisgu ástur-rioxanu d'Ignacio Echapresto cola so Patatas con ch-erizo. Amiestu de pataques con chorizu con oriciu asturianu. Una maravía d'espluma de pataca con chorizu na base, pa meter la cuyar hasta'l fondu y entemecer sabores. A pesar de la contundencia, un platu bien elegante. Bien bonu.


Vien col vinu favorito de la comida, Las Planas 2014 Viura Reserva. Un blancu espectacular, mineral, untáu y bien elegante. Costó camudar al tintu.


Poca presentación precisa la Sardina a la brasa, Crema d'Anchoa y Zusmiu de Piparres de Nacho Manzano. Perfecta.


Tomámosla con un Real Agrado Crianza 2016. Ún de los más premiaos de la bodega, bonu. Equilibráu, y qu'aguantó dafechu la potencia del platu.


Merluza na so Esencia, Licuado d'Ensalada y Holandesa. Otra maravía de Nacho. Nidiu, integráu, con una merluza que taba perfecta.


Tomámosla con CanteraBuey 2017 Garnacha Tinta Viñedo Singular. Per bon garnacha. Gustónos más que l'anterior, más potente na boca amás.


Y acabamos con Llombu de Venáu a la Parrilla con Cacáu, Cogordes y Castañes. Qué maravía de platu. Espectacular el venáu. Esperamos poder visitar en curtiu'l restorán d'Ignacio porque tolos que nos traxo taba bonísimu.


Tomámoslu con otru de los favoritos de la comida, Rodiles 2007 Graciano Reserva. A mi la uva Graciano siempres me prestó, a lo menos fai un vinu "distintu", de la tierra, y cuando lo curien como equí ... el vinu taba taba espectacular.


De postre, Mazana y Sidra. Nun podía ser d'otra manera.


Con Sidra de Xelu 1898, que ye perfecta pa postres y que sosprendió abondo porque munchos ellí presentes nin la conocíen. Bien bona.


Un día distintu, onde amosaron que vinos y sidra tienen muncho más de mancomún de lo que pensamos, que pueden amestase dambes bébores y que la gran esperiencia d'esti llagar tan internacional, xuntu colos años d'esperiencia d'esta bodega de vinos, puede faer una sociedá escelente.


No hay comentarios

Publicar un comentario