Publicidá

Blog Archive

Contact Me

Nombre

Correo electrónico

Mensaje

Hover Setting

default

Alterna Sidrería

Señes: C/ Puerto de Pajares, 9 - Oviedo / Uviéu
Teléfonu: 984 280 641


Web: www.alternasidreria.com
Instagram: [@alternasidreria] https://www.instagram.com/alternasidreria/


Calidá: 3/5
Preciu: 30€


Comentarios: Llevamos tiempu escuchando bones palabres d'Alterna Sidrería, y acabónos de decidir a dir qu'intentamos un par de vegaes acutar de fin de selmana y foi imposible porque taba llenu. Cada vez cuesta más beber sidra fora de Gascona, y ye una maravía que s'apueste pola sidra nos barrios d'Uviéu. Asina que vamos visitar más de seguío Teatinos.


Asina que averamos un vienres a comer un grupu d'orcos, perdón, d'amigos, a despidir a un amigu fartón que nos dexa pa trabayar fora. Como foi comida en grupu, pidimos coses pa compartir na mesa, queda pendiente otra visita pa pidir coses más ellaboraes, que nos consta que les tienen y bien riques.

Decoración guapa, un puntu modernu pa una sidrería tradicional. Terraza, según entres zona de comedor con amiestu de maderes y azulexos, bien cuidáu tou. Pasiellu con barra y meses altes, y al fondu, otru comedor más ampliu. Yá nos enteramos que ta detrás de la decoración la mano de Mónica Gallu, gran trabayu.


Empezamos con unes Parrochines. Con un toque de xamón al centru. Bien riques.


Siguimos con una Tabla Asturiana. Pastel de Cabrachu, Pastel de Cabrales, Calamares, Criollos, Croquetes, unos fritos de merluza y un pocu de llombu. Pataques frites al centru p'acompañar.


Y acabamos con una Tabla (o Tablón, porque ye enorme) de Carne. Pa los carnívoros. Acabalo ye tou un retu. La base, amás, ta llena de pataques frites.

Evidentemente, a los postres nun llegamos. Pa beber, cerveces, y botelles de Prado y Pedregal. En tou momentu echada y bien echada.


Con 2 raciones de cada cosa, salimos a 32€ per cabeza. Como veis, perbién de preciu, porque, a pesar de ser 10, costó acabalo. Bon productu, sitiu bien cuidau y bien echada la sidra. Gustónos Alterna.


No hay comentarios

Publicar un comentario