Teléfonu: 629 769 059
Web: http://www.losllaureles.com/
Facebook: https://es-la.facebook.com/LosLlaureles
Twitter [@losllaureles]: https://twitter.com/losllaureles
Instagram [@losllaureles]: https://www.instagram.com/losllaureles/
Calidad: 5/5
Precio: 41€
Anterior Visita: https://lesfarturesast.blogspot.com/2020/01/los-llaureles-kuidaore.html
Comentarios: Sabéis que nun perdonamos visita a Los Llaureles pa probar los distintos menúes estacionales que van faciendo a lo llargo del añu, y llegamos a probar el menú del branu l'últimu día que taba disponible. Vuelven a la carga tres un merecíu descansu a mediaos/finales d'ochobre, con nuevu menú y les mires puestes nel iviernu de Torazu.
Presta abondo ver cómo Carlos afai la so cocina a los productos de temporada, y cómo ye'l menú'l que s'afai a la estación y non al contrariu. Y con esti menú, trespórtanos a rincones exóticos orientales y cubanos pa enllenanos la boca de frescura, pero ensin escaecese de mirar al sur d'España y, poques gracies, da-y un toque asturianu a tou.
Consultar la hora l'atapecer, abrir una botella de cava na terraza y ver cómo la lluz dorao sume y envolúbranos la nueche, ye ún de los mayores placeres de la nueche. En completa escuridá, en silenciu o con animada conversación, ye un sitiu máxicu.
Dientro, el toque de Josa ye maraviyosu. Decoración siempres bien cuidada, atención de primera, tou al detalle, y a ritmu perfectu. Como tou en Los Llaureles.
Empezamos con Daikon y Maní. Un Takuan (encurtíu xaponés con base de rábanu Daikon), con crema de Cacagüés, Mirim, Soya, Aceite de Sésamu y Caldu de Pitu, xermináu con arbeyu. Cuyar pa entemecelo tou y a esfrutar.
Bloody Mary de Clamato. Xel de Tamarindu (sí, tuvimos que preguntar qué yera). Con un Tartar de Vieires maceraes y aparte, una mini xarra con un Bloody Mary onde sustitúin el tomate por Clamato (caldu d'amasueles, zusmiu de tomate y especies). Pa entemecelo tou, anque antes nun pudimos aguantar a probar el bloody mary solu y ... ta daveres bonu. Delles testures, muncha intensidá de sabores, pero al empar, un platu frescu. Bien bonu.
Ensaladadilla 2.0. Una base de pasta de pataca, con pepinillo, alcaparrae, cenahoria, aceituna negra, remolacha, y percima, una espluma d'aceitunes con anchoa, arbeyu de Wasabi y güeves de Trucha. Vien acompañada d'un pan árabe tostáu con Ras al hanout. Ye'l sabor de siempre de la ensaladilla, onde gana l'aceituna y l'anchoa. Como volver a la infancia. Bien ricu.
Croqueta de Cochinita Pibil. Guacamole, aguacate, llima, tomate y cebolla tienra. Percima, lleva una cebolla colorada encurtida. Acompañada d'un nachu de maíz y nel centru, una croqueta de cochinita pibil utilizando'l mesmu zusmiu y mueyu sobrante de la cocción d'un gochu. Lo qu'encamienta Josa ye que-y metamos un taragañu a la croqueta y que dempués entemezamosla col aguacate. Buenísima.
Desiertu de Almería. Branu puru na boca. Ayu blancu almeriense, almendra, aceite, vinagre y en cuenta d'agua, melón llicuáu. Percima, xel concretáu de puntes de xamón, paté d'oricios y moxón, y xamón serranu fritu. Otru sabor de siempre con unes cuantes vueltes más, qu'entemez sabores, testures y colores. Xenial.
Cuban Bao. Amiestu llocu, con un pan bao de base, qu'apurre'l so sabor duce, y rellenu de tacos de pierna de gochu asáu con naranxa agria y especies y un mueyu d'anguiles y yerbes arumoses. Salvia, cilantru y hortelana. Duce, agriu y especiáu. Pa tomar de dos bocaos. La pata ye abondo intensa como pa compensar el dulce del bao. Bien bonu.
Llagostin a l'Americana. Mueyu americanu, arroz con sushi, yema de güevu de falpayar, espirulina, y percima un rayáu de chipirones encebollaos na so tinta como si fuera trufa negra. Ún de los mios favoritos de la nueche, esi amiestu del mueyu col sushi yá'l güevu casi paecía una arroz a la cubana, pero los chipirones-y dan un toque maraviosu.
Échenmos llámines de chipirón como si fora viña. Vuelve ser un platu frescu, pero contundente al empar. Empezábamos a amorrentar.
Bocadillo de Pringá y Cerveza. Un buñuelo de la carne sobrante del cocíu colos sos tropezones, como si fuera la ropa vieyo. Tempura de cerveza y una llámina de grasa de panceta percima. Fechu al estilu del bocáu típicu sevillanu que suelen tomar con cierta cerveza famoso por aquellos llares (y non, nun ye Cerveza Abril).
El favoritu de la nueche, Ramen Dry. Espectacular. Un ramen secu, veraniegu. P'amiestar y comer. Presentación en centollu. Y sustitúin la sopa por una enchilada de camarones, con yema de güevu de corral, wakame aliñáu, alga nori, tempura de cerveza, shitake y fideos noodles con mayonesa xaponesa. Brutal
Pa los postres yá tábamos amorrentando. A pesar de ser platos veraniegos, les cantidaes son grandes y munchos ingredientes contundentes. Asina que meyor cenar sele pa dir faciendo sitiu. Hotteok de Té Matcha. Una tortita coreana de pistachu y té matcha, con toffee de xenxibre, palombines de carambelu. Vien acompañáu d'una bola de xeláu de té matcha y polvu del mesmu té. Refrescante pero con una base contundente al empar. Gustónos enforma.
Y acabamos col chisgo asturianu, Miel de la Güela de Javi Felechosa. Un platu fechu col miel de la güela de Javi, el cocineru de Pueblo Astur, en distintes preparaciones y testures. Crumble de galleta de miel, pudding de miel, bizcuechu de miel, crema pastelera de miel, xeláu de miel y polvu de carambelu de miel. Maraviyosu.
Pa beber, un Conde de Haro Brut Vintage 2016. Cava de La Rioxa, bien ricu, con una acidez marcada. Gustónos enforma.
Yá sabéis que ye ún de los nuesos sitios favoritos, porque conxuga a la perfección l'ambiente cola gastronomía. Convida a relaxase y esfrutar, y amás algámenlo con un menú de primera a per bon preciu. N'ochobre vuelven a la carga con muncho seronda ya iviernu enriba, yo que tu nun me lo perdía ...
Web: http://www.losllaureles.com/
Facebook: https://es-la.facebook.com/LosLlaureles
Twitter [@losllaureles]: https://twitter.com/losllaureles
Instagram [@losllaureles]: https://www.instagram.com/losllaureles/
Precio: 41€
Comentarios: Sabéis que nun perdonamos visita a Los Llaureles pa probar los distintos menúes estacionales que van faciendo a lo llargo del añu, y llegamos a probar el menú del branu l'últimu día que taba disponible. Vuelven a la carga tres un merecíu descansu a mediaos/finales d'ochobre, con nuevu menú y les mires puestes nel iviernu de Torazu.
Presta abondo ver cómo Carlos afai la so cocina a los productos de temporada, y cómo ye'l menú'l que s'afai a la estación y non al contrariu. Y con esti menú, trespórtanos a rincones exóticos orientales y cubanos pa enllenanos la boca de frescura, pero ensin escaecese de mirar al sur d'España y, poques gracies, da-y un toque asturianu a tou.
Consultar la hora l'atapecer, abrir una botella de cava na terraza y ver cómo la lluz dorao sume y envolúbranos la nueche, ye ún de los mayores placeres de la nueche. En completa escuridá, en silenciu o con animada conversación, ye un sitiu máxicu.
Dientro, el toque de Josa ye maraviyosu. Decoración siempres bien cuidada, atención de primera, tou al detalle, y a ritmu perfectu. Como tou en Los Llaureles.
Empezamos con Daikon y Maní. Un Takuan (encurtíu xaponés con base de rábanu Daikon), con crema de Cacagüés, Mirim, Soya, Aceite de Sésamu y Caldu de Pitu, xermináu con arbeyu. Cuyar pa entemecelo tou y a esfrutar.
Bloody Mary de Clamato. Xel de Tamarindu (sí, tuvimos que preguntar qué yera). Con un Tartar de Vieires maceraes y aparte, una mini xarra con un Bloody Mary onde sustitúin el tomate por Clamato (caldu d'amasueles, zusmiu de tomate y especies). Pa entemecelo tou, anque antes nun pudimos aguantar a probar el bloody mary solu y ... ta daveres bonu. Delles testures, muncha intensidá de sabores, pero al empar, un platu frescu. Bien bonu.
Ensaladadilla 2.0. Una base de pasta de pataca, con pepinillo, alcaparrae, cenahoria, aceituna negra, remolacha, y percima, una espluma d'aceitunes con anchoa, arbeyu de Wasabi y güeves de Trucha. Vien acompañada d'un pan árabe tostáu con Ras al hanout. Ye'l sabor de siempre de la ensaladilla, onde gana l'aceituna y l'anchoa. Como volver a la infancia. Bien ricu.
Croqueta de Cochinita Pibil. Guacamole, aguacate, llima, tomate y cebolla tienra. Percima, lleva una cebolla colorada encurtida. Acompañada d'un nachu de maíz y nel centru, una croqueta de cochinita pibil utilizando'l mesmu zusmiu y mueyu sobrante de la cocción d'un gochu. Lo qu'encamienta Josa ye que-y metamos un taragañu a la croqueta y que dempués entemezamosla col aguacate. Buenísima.
Desiertu de Almería. Branu puru na boca. Ayu blancu almeriense, almendra, aceite, vinagre y en cuenta d'agua, melón llicuáu. Percima, xel concretáu de puntes de xamón, paté d'oricios y moxón, y xamón serranu fritu. Otru sabor de siempre con unes cuantes vueltes más, qu'entemez sabores, testures y colores. Xenial.
Cuban Bao. Amiestu llocu, con un pan bao de base, qu'apurre'l so sabor duce, y rellenu de tacos de pierna de gochu asáu con naranxa agria y especies y un mueyu d'anguiles y yerbes arumoses. Salvia, cilantru y hortelana. Duce, agriu y especiáu. Pa tomar de dos bocaos. La pata ye abondo intensa como pa compensar el dulce del bao. Bien bonu.
Llagostin a l'Americana. Mueyu americanu, arroz con sushi, yema de güevu de falpayar, espirulina, y percima un rayáu de chipirones encebollaos na so tinta como si fuera trufa negra. Ún de los mios favoritos de la nueche, esi amiestu del mueyu col sushi yá'l güevu casi paecía una arroz a la cubana, pero los chipirones-y dan un toque maraviosu.
Échenmos llámines de chipirón como si fora viña. Vuelve ser un platu frescu, pero contundente al empar. Empezábamos a amorrentar.
Bocadillo de Pringá y Cerveza. Un buñuelo de la carne sobrante del cocíu colos sos tropezones, como si fuera la ropa vieyo. Tempura de cerveza y una llámina de grasa de panceta percima. Fechu al estilu del bocáu típicu sevillanu que suelen tomar con cierta cerveza famoso por aquellos llares (y non, nun ye Cerveza Abril).
El favoritu de la nueche, Ramen Dry. Espectacular. Un ramen secu, veraniegu. P'amiestar y comer. Presentación en centollu. Y sustitúin la sopa por una enchilada de camarones, con yema de güevu de corral, wakame aliñáu, alga nori, tempura de cerveza, shitake y fideos noodles con mayonesa xaponesa. Brutal
Pa los postres yá tábamos amorrentando. A pesar de ser platos veraniegos, les cantidaes son grandes y munchos ingredientes contundentes. Asina que meyor cenar sele pa dir faciendo sitiu. Hotteok de Té Matcha. Una tortita coreana de pistachu y té matcha, con toffee de xenxibre, palombines de carambelu. Vien acompañáu d'una bola de xeláu de té matcha y polvu del mesmu té. Refrescante pero con una base contundente al empar. Gustónos enforma.
Y acabamos col chisgo asturianu, Miel de la Güela de Javi Felechosa. Un platu fechu col miel de la güela de Javi, el cocineru de Pueblo Astur, en distintes preparaciones y testures. Crumble de galleta de miel, pudding de miel, bizcuechu de miel, crema pastelera de miel, xeláu de miel y polvu de carambelu de miel. Maraviyosu.
Pa beber, un Conde de Haro Brut Vintage 2016. Cava de La Rioxa, bien ricu, con una acidez marcada. Gustónos enforma.
Yá sabéis que ye ún de los nuesos sitios favoritos, porque conxuga a la perfección l'ambiente cola gastronomía. Convida a relaxase y esfrutar, y amás algámenlo con un menú de primera a per bon preciu. N'ochobre vuelven a la carga con muncho seronda ya iviernu enriba, yo que tu nun me lo perdía ...
No hay comentarios
Publicar un comentario