Teléfonu: 984 081 696
Web: https://www.ordum.es/
Facebook: https://www.facebook.com/cervezaOrdum/
Twitter: [@cervezaOrdum] https://twitter.com/cervezaOrdum
Instagram: [@cervezaordum] https://www.instagram.com/cervezaordum/
Tou tien la so hestoria, y l'hestoria de Ordum ye bien guapa como pa nun cuntala. Nos años 80 naz Beleño, un grupu de folk que revolucionó la música folk n'Asturies, y qu'ayudó, xuntu con Llan de Cubel y la Fundación Belenos, a qu'Asturies entrara a formar parte, como nación celta, de la cultura del arcu atlánticu, con tola riqueza d'intercambiu cultural y económicu qu'eso supunxo.
Ún de los componentes de Beleño yera Frank Delgado, o Frankie, como toos lo conocemos, qu'abrió en 1987 el Ca Beleñu, el míticu chigre d'Uviéu onde pasamos tantes hores, xuntu con Atilano (Rodríguez, del grupu L’Aniciu), Juanjo Prau (gaiteru de Beleño). Ellí amestamos con natives y erasmus, reímonos, enfilámonos, escuchamos a los meyores grupos de folk del mundu, bebimos Guinness flipando coles sos jam sessions, iguamos el país, conocimos a l'Asturies cultural, allegamos a presentaciones de llibros y revistes, y pudimos probar Ordum, la cerveza que Frankie y Blanca dedicieron empezar a ellaborar nes sos propies instalaciones.
El 1 de Mayu de 2012 irvióse nel Ca Beleñu la primer caña de Ordum, convirtiéndolo, amás, nel primera Brewpub d'Asturies, esto ye, un local que produz cerveza nes sos instalaciones y vendela ellí mesmu. Amás d'ellaborar una cerveza lager, una rubia de tola vida; la novedá que traxo Ordum foixuna cerveza fecho con trigu y escanda asturiana. Esto supunxo una revolución dientro del panorama cerveceru asturianu, que s'amontó cuando a los pocos meses, Caleya apaeció tamién nel mercáu.
En Febreru de 2018 cerró'l Ca Beleñu, tres 31 años de felicidá, y 6 d'Ordum, pero empezó una nueva etapa na vida de Frankie y Blanca. Y entamó en Piloña, na so nueva fábrica nes instalaciones mítiques d'Agua de Borines. La relación entre Ordum y Borines vien de tras porque casi dende'l principiu empezaron a ellaborar la cerveza cola agua de Borines. L'agua supon un 90% de la cerveza que bebemos, d'ende que sía tan importante na ellaboración de la cerveza, y qué meyor qu'una agua que lleva acompañando a los asturianos dende 1855, cuando s'afayó'l manantial La Victoria.
En 1892, en comprobando les característiques de les sos agua minero-melecinales, inauguróse'l Balneariu de Borines, un edificiu impresionante con capacidá pa 100 persones. L'apertura del edificiu coincidió amás, cola llegada de la llínea del ferrocarril dende Uviéu a L'Infiestu, y al poco a Villamayor, que la so estación pasó a denominase Villamayor-Borines. En 1920, Agua de Borines empieza a vender la so agua embotellada, que sobrevive hasta anguaño, onde namás la podréis atopar n'hostelería y con botelles de vidriu.
Ordum ufierta anguaño dos tipos de cerveza. Ordum Lager. Rubia "de siempre" pero que poco tien que ver en sabor coles industriales que táis acostumaos a tomar. Solo 4% d'alcohol, pero tien presencia, golor y sabor. Y una etiqueta preciosa. Esperemos que se convierta adulces nesa rubia que tomemos davezu en cualquier chigre. Quedó meyor Cerveza Lager d'España 2018-2019 pal periódicu ABC.
Y apocayá sacaron el so Ordum Rede Ale. Una cerveza de tipu inglés, con daqué más de cuerpu, anque bien fácil y algamadiza de beber.
Dambes cerveces son fáciles de beber, y ési ye l'oxetivu de Blanca y Frankie. Una cerveza artesano asturiana fecha n'Asturies y pa tolos públicos. Col tiempu van ampliar la so ufierta con cerveces más especializaes pa un públicu más minoritariu, como la so famosa cerveza con escanda, pero'l so apueste pol publico xeneral ye bien fuerte y l'acoyida que tán teniendo, bien bona. A cencielles hai qu'animase, pagar esos pocos céntimos de más, y probala. Merez la pena.
La so idea tamién ye ufiertar visites a la fábrica nun futuru próximu, que ye impresionante, incluyíu'l complexu de Borines.
Facebook: https://www.facebook.com/cervezaOrdum/
Twitter: [@cervezaOrdum] https://twitter.com/cervezaOrdum
Instagram: [@cervezaordum] https://www.instagram.com/cervezaordum/
Tou tien la so hestoria, y l'hestoria de Ordum ye bien guapa como pa nun cuntala. Nos años 80 naz Beleño, un grupu de folk que revolucionó la música folk n'Asturies, y qu'ayudó, xuntu con Llan de Cubel y la Fundación Belenos, a qu'Asturies entrara a formar parte, como nación celta, de la cultura del arcu atlánticu, con tola riqueza d'intercambiu cultural y económicu qu'eso supunxo.
Ún de los componentes de Beleño yera Frank Delgado, o Frankie, como toos lo conocemos, qu'abrió en 1987 el Ca Beleñu, el míticu chigre d'Uviéu onde pasamos tantes hores, xuntu con Atilano (Rodríguez, del grupu L’Aniciu), Juanjo Prau (gaiteru de Beleño). Ellí amestamos con natives y erasmus, reímonos, enfilámonos, escuchamos a los meyores grupos de folk del mundu, bebimos Guinness flipando coles sos jam sessions, iguamos el país, conocimos a l'Asturies cultural, allegamos a presentaciones de llibros y revistes, y pudimos probar Ordum, la cerveza que Frankie y Blanca dedicieron empezar a ellaborar nes sos propies instalaciones.
El 1 de Mayu de 2012 irvióse nel Ca Beleñu la primer caña de Ordum, convirtiéndolo, amás, nel primera Brewpub d'Asturies, esto ye, un local que produz cerveza nes sos instalaciones y vendela ellí mesmu. Amás d'ellaborar una cerveza lager, una rubia de tola vida; la novedá que traxo Ordum foixuna cerveza fecho con trigu y escanda asturiana. Esto supunxo una revolución dientro del panorama cerveceru asturianu, que s'amontó cuando a los pocos meses, Caleya apaeció tamién nel mercáu.
En Febreru de 2018 cerró'l Ca Beleñu, tres 31 años de felicidá, y 6 d'Ordum, pero empezó una nueva etapa na vida de Frankie y Blanca. Y entamó en Piloña, na so nueva fábrica nes instalaciones mítiques d'Agua de Borines. La relación entre Ordum y Borines vien de tras porque casi dende'l principiu empezaron a ellaborar la cerveza cola agua de Borines. L'agua supon un 90% de la cerveza que bebemos, d'ende que sía tan importante na ellaboración de la cerveza, y qué meyor qu'una agua que lleva acompañando a los asturianos dende 1855, cuando s'afayó'l manantial La Victoria.
En 1892, en comprobando les característiques de les sos agua minero-melecinales, inauguróse'l Balneariu de Borines, un edificiu impresionante con capacidá pa 100 persones. L'apertura del edificiu coincidió amás, cola llegada de la llínea del ferrocarril dende Uviéu a L'Infiestu, y al poco a Villamayor, que la so estación pasó a denominase Villamayor-Borines. En 1920, Agua de Borines empieza a vender la so agua embotellada, que sobrevive hasta anguaño, onde namás la podréis atopar n'hostelería y con botelles de vidriu.
Ordum ufierta anguaño dos tipos de cerveza. Ordum Lager. Rubia "de siempre" pero que poco tien que ver en sabor coles industriales que táis acostumaos a tomar. Solo 4% d'alcohol, pero tien presencia, golor y sabor. Y una etiqueta preciosa. Esperemos que se convierta adulces nesa rubia que tomemos davezu en cualquier chigre. Quedó meyor Cerveza Lager d'España 2018-2019 pal periódicu ABC.
Y apocayá sacaron el so Ordum Rede Ale. Una cerveza de tipu inglés, con daqué más de cuerpu, anque bien fácil y algamadiza de beber.
Dambes cerveces son fáciles de beber, y ési ye l'oxetivu de Blanca y Frankie. Una cerveza artesano asturiana fecha n'Asturies y pa tolos públicos. Col tiempu van ampliar la so ufierta con cerveces más especializaes pa un públicu más minoritariu, como la so famosa cerveza con escanda, pero'l so apueste pol publico xeneral ye bien fuerte y l'acoyida que tán teniendo, bien bona. A cencielles hai qu'animase, pagar esos pocos céntimos de más, y probala. Merez la pena.
La so idea tamién ye ufiertar visites a la fábrica nun futuru próximu, que ye impresionante, incluyíu'l complexu de Borines.
No hay comentarios
Publicar un comentario