L'Amuravela

Señes: Calle Dr. Freming, 5 - La Felguera

Teléfonu:  984 496 468

Facebook: https://www.facebook.com/Bar-sidreria-Lamuravela

Calidá: 3/5
Preciu: 20€

Comentarios: A partir de la segunda botella de sidra, el cuerpu pide que-y metas daqué de comida en cuerpu. Solemos dir tomar Viuda de Angelón a L'Amuravela, en La Felguera, porque la sidra ta en perfectu estáu y échenla perbién. Amás, pasen bonos pinchos cada pocu.

Típica sidrería, con una terraza na cera que ta siempres a españar. Dientro, zona de barra con meses baxes, y na parte de tras, nel mesmu espaciu, otru salón grande con una zona de xuegos pa guaḥes.

Sentámonos 3 persones y pidimos una de Croquetes pa empezar. Bien bones, nada grasientes, con bon rellenu. Sosprendieron pa perbién.

Siguimos con unos Chipirones. Tamién bien bonos. El llimón nin lu tocamos.

Y acabamos con un Sollombu con Pataques. Tiernín y nidiu. Gustónos enforma.

Pa beber, sidra. Tienen de palu Viuda de Angelón. Perfecta como siempres. 

Pagamos unos 40€ por tou. Ensin postres y con cafés.

Tien muncha fama la fabada, va haber que volver probala.