Señes: Covadonga / Cuadonga - Cangues d'Onís
Teléfonu: 985 846 067
Facebook: https://www.facebook.com/pages/Merendero-Covadonga/
Instagram: [@merenderodecovadonga] https://www.instagram.com/merenderodecovadonga/
Siempres nos dicen, ¡¡fuxíi de los sitios turísticos!! Con éses, un merenderu asitiáu n'ún de los nuesos sitios más turísticos ganó anguaño'l premiu (ún de tantos) al meyor cachopu ellaboráu con Xata Asturiana nel Salón Gourmets de Madrid. Y paez que nun ye casualidá, porque lleva dellos años rondando pela final de los concursos de cachopos. Asina que tuvimos qu'averanos a comprobalo por nós mesmos.
El Merendedo de Covadonga ta asitiáu xusto na postrera curva antes de llegar a Cuadonga, y tien unes vistes increíbles sobro la basílica. Miniaparcamiento na entrada y terraza pa perdese nel atapecer tomando unos culetes.
Dientro, caltien l'aspeutu de merenderu, meses amplies, barra al fondu, baños na parte de fuera, onde vas a quedar embobau mirando la basílica dende'l ríu Reinazu, afluente del Güeña. Y amás de caltener l'aspeutu, caltien la esencia, yá que siguen dexando que vaigas cola to comida y que consumas ellí les bébores. Anque t'encamiento que comas ellí, ye bonu y baratu.
Sentámonos a cenar con sidra con tapón. Na terraza puedes echar. Traxéronnos unos Chorizos a la Sidra. Dulces y picantes. Meyor los picantes. Bien ricos.
Pastel de Cabrachu. Ricu. Esponxosu y con bon sabor.
Tabla de Quesos Asturianos. Cabrales. La Peral. Beyos (d'oveya), Afumáu de Pría y Vidiago. Completa y buenísima. Y con estes vistas, más.
Y llegó el platu fuerte, el Cachopu. Xata IXP Asturiana, y con un rellenu de Quesu Los Oscos, pimientos del piquillo, espárragos y boletus. Amás, unes pataques y un mueyu d'ayu tostao. Xugosu, con sabor ... gustónos enforma.
A puntu d'españar, traxéronnos Venáu, con pataques frites, que taba impresionante. Brutal. Lo meyor de tola comida.
De postre, pa compartir. Tocinillo de Cielu al fornu de lleña. Perfectu pa los "llambiones".
Arroz con Lleche. Ricu.
Tarta de Quesu. Nidia.
Y unes Peres al Vinu. Bien bones.
Sitiu bien guapu, a los pies de Cuadonga, col aspeutu d'un merenderu de siempre y bien ricu y baratu. Gran trabayu d'Isidro Martínez y equipu.
Facebook: https://www.facebook.com/pages/Merendero-Covadonga/
Instagram: [@merenderodecovadonga] https://www.instagram.com/merenderodecovadonga/
Siempres nos dicen, ¡¡fuxíi de los sitios turísticos!! Con éses, un merenderu asitiáu n'ún de los nuesos sitios más turísticos ganó anguaño'l premiu (ún de tantos) al meyor cachopu ellaboráu con Xata Asturiana nel Salón Gourmets de Madrid. Y paez que nun ye casualidá, porque lleva dellos años rondando pela final de los concursos de cachopos. Asina que tuvimos qu'averanos a comprobalo por nós mesmos.
El Merendedo de Covadonga ta asitiáu xusto na postrera curva antes de llegar a Cuadonga, y tien unes vistes increíbles sobro la basílica. Miniaparcamiento na entrada y terraza pa perdese nel atapecer tomando unos culetes.
Dientro, caltien l'aspeutu de merenderu, meses amplies, barra al fondu, baños na parte de fuera, onde vas a quedar embobau mirando la basílica dende'l ríu Reinazu, afluente del Güeña. Y amás de caltener l'aspeutu, caltien la esencia, yá que siguen dexando que vaigas cola to comida y que consumas ellí les bébores. Anque t'encamiento que comas ellí, ye bonu y baratu.
Cocina tradicional asturiana, con una maraviyosa cocina de carbón presidiendo'l centru'l llocal. Onde ves cómo faen la fabada o cualesquier otru guisu a poco fueu. Un luxu que queda yá en pocos sitios.
Sentámonos a cenar con sidra con tapón. Na terraza puedes echar. Traxéronnos unos Chorizos a la Sidra. Dulces y picantes. Meyor los picantes. Bien ricos.
Pastel de Cabrachu. Ricu. Esponxosu y con bon sabor.
Tabla de Quesos Asturianos. Cabrales. La Peral. Beyos (d'oveya), Afumáu de Pría y Vidiago. Completa y buenísima. Y con estes vistas, más.
Y llegó el platu fuerte, el Cachopu. Xata IXP Asturiana, y con un rellenu de Quesu Los Oscos, pimientos del piquillo, espárragos y boletus. Amás, unes pataques y un mueyu d'ayu tostao. Xugosu, con sabor ... gustónos enforma.
A puntu d'españar, traxéronnos Venáu, con pataques frites, que taba impresionante. Brutal. Lo meyor de tola comida.
De postre, pa compartir. Tocinillo de Cielu al fornu de lleña. Perfectu pa los "llambiones".
Arroz con Lleche. Ricu.
Tarta de Quesu. Nidia.
Y unes Peres al Vinu. Bien bones.
Sitiu bien guapu, a los pies de Cuadonga, col aspeutu d'un merenderu de siempre y bien ricu y baratu. Gran trabayu d'Isidro Martínez y equipu.
No hay comentarios
Publicar un comentario