Señes: C/ La Industria, 11 - Sama de Llangréu
Teléfonu: 984 709 007
Web: https://restaurante-nenyuri.negocio.site/
Preciu: 40€
Comentarios: Nenyuri na llingua asturiana sinifica "En ningún sitio, en ninguna parte", o "hacía ningún sitio, hacía ninguna parte". Sinónimu de la palabra Nenyures.
Nenyuri ta asitiáu en plenu centru de Sama de Llangréu, nuna plaza bien guapa, con una terraza enorme pola que los guaḥes xueguen ensin nengún problema, y mui cerca del conservatoriu de música, onde se puede siempres oyer de fondu a daquién practicando. Y Nenyuri sí que va escontra dalguna parte, va camín de convertise n'ún d'esos sitios indispensables a visitar si quies conocer la nueva-bona gastronomía asturiana.
Casona preciosa, con dos zones estremaes. Na parte de baxo, chigre onde la sidra cobra protagonismu. Nun podría ser d'otra manera n'una de les zones que meyor caltien la tradición sidrera asturiana.
Y en el pisu de riba, un preciosu comedor onde'l vinu y los esplumosos ganen relevancia. Más "puestu". Como veis, dos ambientes estremaos según gustos, ambiente o situación.
Nós cenamos con sidra Trabanco sobro la Madre na parte de baxo.
Pidimos unes Zamburiñes d'entrante, qu'en realidá son Volandeires. Bien bones.
Dos platos, Llombu de Bacaláu al Estilu Burela. Buenísimo. El mueyu xenial.
Y Pixín a la donostiarra con Pataques Panaderes. Pocos sitios vi onde te poníen el bichu enteru. Bona ración, xenial fecha y p'escargatar hasta que namás quedó l'escayu.
De postre una Tarta de Quesu pa compartir, porque nun podíamos más. Bien bona.
Prestónos Nenyuri, decoración, los sos distintos ambientes y la so cocina. Sitiu pa volver y repitir. Acepten Tickets Restaurant.
Nenyuri ta asitiáu en plenu centru de Sama de Llangréu, nuna plaza bien guapa, con una terraza enorme pola que los guaḥes xueguen ensin nengún problema, y mui cerca del conservatoriu de música, onde se puede siempres oyer de fondu a daquién practicando. Y Nenyuri sí que va escontra dalguna parte, va camín de convertise n'ún d'esos sitios indispensables a visitar si quies conocer la nueva-bona gastronomía asturiana.
Casona preciosa, con dos zones estremaes. Na parte de baxo, chigre onde la sidra cobra protagonismu. Nun podría ser d'otra manera n'una de les zones que meyor caltien la tradición sidrera asturiana.
Y en el pisu de riba, un preciosu comedor onde'l vinu y los esplumosos ganen relevancia. Más "puestu". Como veis, dos ambientes estremaos según gustos, ambiente o situación.
Nós cenamos con sidra Trabanco sobro la Madre na parte de baxo.
Pidimos unes Zamburiñes d'entrante, qu'en realidá son Volandeires. Bien bones.
Dos platos, Llombu de Bacaláu al Estilu Burela. Buenísimo. El mueyu xenial.
Y Pixín a la donostiarra con Pataques Panaderes. Pocos sitios vi onde te poníen el bichu enteru. Bona ración, xenial fecha y p'escargatar hasta que namás quedó l'escayu.
De postre una Tarta de Quesu pa compartir, porque nun podíamos más. Bien bona.
Prestónos Nenyuri, decoración, los sos distintos ambientes y la so cocina. Sitiu pa volver y repitir. Acepten Tickets Restaurant.
No hay comentarios
Publicar un comentario