Teléfonu: +351 220 997 140
Instagram: [@imparflores] https://www.instagram.com/imparflores/
Calidá: 3/5
Preciu: 25€
Comentarios: Asitiáu n'una de les cais más céntriques y allegaes de Porto, atopamos esti pequeñu gastrobar, con entrada por dos cais distintes y terraza nes dos. Da a la Estación de Tren de Porto y ta mui cerca de la Sé (la catedral), polo que suel tar hasta los topes.
Cenamos na terraza que da a la Rua das Flores, cai piatonal y llena de comercios, siempres hasta enriba de xente, con meses bien xuntes y 0 intimidá. Muncho meyor la terraza del otru lláu qu'afayamos a otru día, que suel ser más sele (tamién tien menos encantu porque da a una cai con tráficu), y yá nin vos cunto si consiguís mesa dientro.
La idea yera cenar daqué llixeru y rápido pa matar la fame, pero'l sitiu sosprendiónos pa bien y gustónos enforma lo que comimos, a pesar de la incomodidá de la mesa pequena y tener al lláu a otra pareya.
Pidimos de platu, Filete d'Atún. Bona ración, perfectu puntu fechu, y acompañáu d'ensalada de pataques cocines. Bien ricu.
Ensalada de Salmón. Templada. Bien.
Y de postres pidimos, Mousse de Chocolate. Vien acompañao de chocolate caliente y un pocu de nata, pa entemecelo tou.
Baba de Carambelu con Almendra. Bien rica.
Pa beber, Muros Antigos Avesso 2018. Ellaboráu cola variedá Avesso, ye un vinu mineral y ácidu. Crianza de 4 meses n'enguedeyes. Gustónos.
Pagamos por tou 53,15€. Bona opción si tas pela zona centro y nun t'importa tar arrodiáu de xente.
No hay comentarios
Publicar un comentario