Señes: Mamorana - La Pola Ḷḷena
Teléfonu: 985 493 848
Aconseyamos: TOO
Preciu: 40€
Web: http://www.casafarpon.com/
Twitter: [@casafarpon] https://twitter.com/casafarpon
Instagram: [@casafarpon] https://instagram.com/casafarpon
Anterior Visita: https://lesfarturesast.blogspot.com/2018/10/nueva-visita-casa-farpon.html
Comentarios: Lo de Casa Farpón ye un espectáculu, ún de los mios sitios favoritos pa comer n'Asturies, amás de la so cocina, que la hai, y a esgaya, con unos fondos maraviyosos que mira cada vegada más p'Asturies y la so tradición, con un toque precisu de Javi a los fogones; atopamos nuna redolada preciosa onde la inauguración esti branu de la so terraza, con unes vistes impresionantes, complementa a la perfección el so restorán.
Si yá solo por dir paga la pena la visita, cuando lo prebes, nun vas dexar de querer volver. Amás ufierta opciones pa tolos gustos y bolsos. Dende menú hasta menú degustación, dende platos tradicionales, hasta creaciones más ventureres. Y tou acompañáu d'una atención de Lucía y una bodega al altor del local.
Paramos a comer de fin de selmana, col local a españar (de fin de selmana, meyor acuta), y animámonos a tomar el so Menú de les Callos. 29€ ensin bodega o 35€ con bodega. Ye temporal, acaba'l 15 d'Ochobre.
D'entrante, Mantequilla de Llimón. Toque cítricu, pero nidiu. Rica.
El primer platu, la maravía de les Croquetes Cremoses de Xamón. Namás poles croquetes, yá merez la pena la visita. Son perfectes. Esploten na boca con una cremosidá casi llíquida.
De segundu, Merluza del Pinchu con Mueyu de Sidra. Perfecta. Llombu que desfái solo, con un toque importante de sidra nel mueyu, y acompañáu d'una pataca cocida.
Y llegamos a les Callos de Xata al Estilu Tradicional. Brutales. Tráinos un aceite de guindilla per si queremos da-yos más allegría. Taben nidios, anque pa mi, la cuenta.
Vienen acompañaos d'unes pataques frites.
De postre, Arroz con Lleche. Dannos la opción de requemalo o non, y de xacíu que lo pidimos requemáu. Buenísimo.
Pa beber, 1947, la sidra de mesa crianza con 4 meses en barriques de carbayu de Viuda de Angelón. Portóse xenial colos callos.
Y con los cafés, unes Galletines d'Almendra. Bien riques.
Pagamos 75€ por tou. El café, na terraza, impagable.
Y más con estes vistes.
No hay comentarios
Publicar un comentario