Nueva visita: Casa Farpón

Señes: Mamorana - La Pola L.lena 
Teléfonu: 985 493 848

Aconseyamos: TOO

Calidá: 5/5
Preciu: 40€

Web: http://www.casafarpon.com/

Facebook: https://www.facebook.com/CasaFarpon/
Twitter: [@casafarpon] https://twitter.com/casafarpon
Instagram: [@casafarpon] https://instagram.com/casafarpon

Anterior Visita: https://lesfarturesast.blogspot.com/2017/07/nueva-visita-casa-farpon.html

Comentarios: Esti iviernu foi movíu en Mamorana, y non namás por mor de la nieve (tranquilos, qu'hasta'l restorán llegase ensin problema), Javi Farpón quedó ente los 6 finalistes a la meyor croqueta del mundu 2017 nel concursu realizáu en Madrid Fusión. Nun ganó, pero da igual, constató lo que yá sabíamos: que los mozos vienen pegando fuerte y que nun fai falta dir a les grandes ciudaes pa "trunfar".

Casa Farpón amiesta perfeutamente les téuniques más nueves cola cocina tradicional. Ellí vas poder atopar dende unos callos tradicionales hasta un platu de "alta cocina". Y lo meyor de too, ye que la so cocina va a más, y de visita en visita nótase la evolución. La redolada tamién axuda. Relaxáu y con unes vistes precioses.

Empecé la comida con una Mantequilla de Llima y Bombón de Xenxibre y Sidra. Fascinante esi bombón en testura de xelatina qu'esplota na boca. Buenísimo.

Paté de pitu caleya con Café y Curry. Con cuyar, y entemeciendo testures. El paté sabe a pitu caleya, y ye intensu; pero amiesta perfeutamente col curry yá'l cruxente del café. Combinación de sabores total.

Croquetes. Nada qu'oxetar a una de les meyores croquetes que váis probar. Perfeutes.

Bacaláu con una Base de Guisu de Callos de Bacaláu y Plancton. El bacaláu ta confitáu a 65º, y ye de Don Giraldo. Suavín, de testura perfeuta; y con una base de callos espectacular que-y apurre un toque picante. Los llombos del bacaláu col toque xelatinosu de los callos queda xenial. Bien bonu.

De carne, una Canilla de Corderín, con puré de calabaza yá'l mueyu del propiu corderín. El corderín perfeutu, sabor intenso, suavidá estrema.

Imposible pidir postre, pero col café traxéronme Almendra y cacáu. Dos deliciosos bocaos

Pa beber, una copa de vinu blanco y agua.

Pagué alredor de 40€ por tou.

Escelente sitiu, escelente cocina. Apostando pol productu llocal y enllenándolo de talentu. Bona representación de vinu, cerveza y sidra asturiano en carta.