Teléfonu: 984 491 538
Instagram: [@tardabeu] https://www.instagram.com/tardabeu/
Preciu: 20€
Comentarios: Teníamos mesa reservada ente selmana pa les 23:15, dempués d'un eventu; pero sufrió retrasos y ... a la fin llegamos pa tomar unes tapes rápides na barra xusto primero que pesllaren la cocina. Atención de primera en Tar d'Abéu y queda pendiente otra visita con mesa y mantel pa probar tranquilamente los sos platos.
Avisamos per teléfonu y pasamos pellí amás pa esculpanos (na reserva yá indicáramos que diríamos al acabar l'eventu), pero dixéronmos que picáramos daqué rápido na barra. Y nosotros encantaos.
Tar d'abéu en llingua asturiana significa tar animao y con gana de fiesta. Asina que yá queden clares les intenciones d'esti chigre en plenu corazón del Barriu de Cimavilla, tan vinculao a la sidra. Amiesta a la perfección tradición colos aires de la nueva cocina, entemeciendo productu asturianu con ellaboraciones más gayoleres y creatives, y too regáu con bona sidra. Xente nuevo que fai coses nueves ensin desdexar les de siempre.
Bebimos un par de Botelles de Prau Monga, la DOP de Viuda de Angelón.
Y amás, la maravía d'Angelón Llimón. Sidra con zusmiu natural de llimón, naranxa y llima. Ta espectacular. Tenéis de probala.
Pa picar, unes Croquetes de Xamón. Casi llíquides per dientro. Bien bones.
Y unes Croquetes de Cogordes. Con fuerte sabor a cogordes. Tamién casi llíquides. Encantáronnos.
Steak Tartar d'Atún. Bien bonu.
Y Cruxentes de Llagostinos. Bien bonos tamién.
Na barra, con tapes, tomando sidra, fora calor afogadizo ... Tar d'abéu consiguió lo qu'el so nome pide ... costó que nos sacaren d'ellí. Vamos volver, pero lo que vimos gustónos enforma. Pagamos 43,20€
No hay comentarios
Publicar un comentario