Señes: Ería del Hospital, 5 - La Pola Sieru
Teléfonu: 984 182 245
Web: http://www.abrelatas.info/
Facebook: https://es-es.facebook.com/abrelatas.restaurante
Twitter: [@abrelattas] https://twitter.com/abrelattas
Ye imposible escribir meyor que David Remartinez sobre Fame, asina qu'entendería qu'a partir d'equí nun siguierais lleendo. Vaiga dende equí, la mio almiración fonda a un periodista que va apurrir a esgaya a la gastronomía asturiana.
FAME nació de la mente lloca de Borja Alcázar, dueñu del Abrelatas. Como tolos xenios (como si conocieramos munchos) tien un montón d'idegues, munches más brilloses de les que una mente que bulle tan rápido cabría esperar. Y amás faeles dende una perspectiva de la que munchos renieguen, Borja cree que l'únicu camín p'avanzar ye deprendiendo de la nuesa tradición.
Conectar la vieya Asturies cola nueva Asturies, con namás 32 años. Cuando ves a munchos cocineros colos sos chaquetos posando perfectos pa eventos, Borja sale encaramáu nun árbol con una boína falando n'asturianu de recuperar recetes antigües del pueblu del so güelu. Esa diferenciación fai que sía una de les mentes más brilloses de la cocina, y que la so constante evolución sía una involución escontra los sabores tradicionales. Trata de conectar cola tierra, y qué meyor que faelo al traviés del productu, apostando polo llocal, y cuando los tos productores nun lleguen a ello, en cuenta de quexase, calzase les madreñes y faelo tu mesmu.
Asina, va unos años sosprendiónos anunciandonos que diba llantar en Sariegu una Pumarada pa ellaborar la so propia sidra, y l'añu pasáu dio otru pasu más y llantó'l so propiu viñéu pa recuperar l'antigua tradición d'ellaborar vinu en Sariegu. Proyectos a mediu llargu plazu que van rematar con un proyectu del qu'inda nun vos podemos falar pero que va ser una maravía.
Hasta que se faiga realidá, llegó FAME. Sidra, vinu y ... cerveza. Pero non cualesquier cerveza. Los qu'adoramos esta bébora llevamos años reclamando'l so puestu na gastronomía, y tener amigos nos dos mundos fixo que conectalos y que'l proyectu echara a andar, fora bien fácil. Pel mediu, como siempres, intentando que salgan coses adelantre, David Montes, cocineru nel grupu Manzano y yo mesmu.
Nun puede ellaborase una cerveza ensin un cerveceru, asina que punximos en contactu con ún de los meyores. Diego Cotoya, una de les mentes más brilloses dientro'l panorama cerveceru d'angüaño. Un alquimista qu'ellabora productos distintos, ayenu a les modes del mercáu, y caltien la esencia de los auténticos artesanos.
El procesu d'ellaboración cuntévoslu equí, pero como resume voi dicivos que nun ye nada fácil faer una cerveza con uva albarín de Cangas. Lo que sí vos voi a cuntar ye la presentación. De normal presentes un productu cuando lu saques al mercñau, el problema ye que Borja vendió prácticamente tol llote de la primer remesa de FAME al poco de sacala a la vienta, unes 400 botelles. Asina que fixo la presentación oficial a medios cuando namás quedaben 20 botelles nel so restorán. ¿Nun vos dixi que faía coses distintes? Pa Ochobre/Payares vamos tener una nueva remesa de FAME, mesmos ingredientes, mesma receta.
Pa faelo xuntó a medios, a persones allegaes al mundu de la cerveza y a la tienda gourmet, esperta en vinos, qu'apostó por FAME dende'l principiu, Coalla Gourmet. Aida Riesgo, de Coalla, esplicónos la dificultá de que la cerveza abra pasu nun mundu de vinos, pero que tanto ella como Ramón Coalla, quedáronse namoráos cuando Borja unvió-yos una amuesa de FAME.
Gran amante de les cerveces, adulces va ampliando la ufierta cervecera por cuenta la demanda que tienen.
Y Pablo Cabanón, de la Cervecería Cabanón, ún de los meyores llocales onde poder beber cerveza n'Asturies, con ún de los sos mayores espertos al frente. Pablo falónos de la hestórica reinvindicación cervecera de buscar el so buecu dientro la gastronomía, y cómo FAME vien pa intentar averar esos dos mundos.
La meyor manera de comprobalo yera cenando, pero nun cenando cualesquier cosa. ¿Cuntévos yá que Borja faía coses distintes? Pos daquién capaz d'ellaborar un platu que se llame Ensalada de Fabada Caramelizada, caviar de tomate de la güerta asturiana, cebolla fresca, oricios naturales (Tazones) y merengue de mazana reineta, púnxonos un únicu platu sobro la mesa: Güevos de Casa, Chorizu de Casa y Pataques de Casa. De Bimenes.
Maraviyosu.
Y un platu tan contundente, ¿cómo se portó con FAME? Pos xenial. Sorpendió na mesa. Porque l'acidez de FAME llimpia la boca énte sabores tan intensos, y porque'l so llixeru dulzor de la uva albarín de Cangas convida a otru tragu siempres.
Acabamos, forfugando les últimes botelles, y yá en manera d'iguar el mundu, con una Torrexa al estilu de Mary Lluz, madre de Borja y compañera en cocina, a la que-y debemos gran parte del ésitu del Abrelatas.
Nun pases see de fame, que ¡vuelve!
Facebook: https://es-es.facebook.com/abrelatas.restaurante
Twitter: [@abrelattas] https://twitter.com/abrelattas
FAME nació de la mente lloca de Borja Alcázar, dueñu del Abrelatas. Como tolos xenios (como si conocieramos munchos) tien un montón d'idegues, munches más brilloses de les que una mente que bulle tan rápido cabría esperar. Y amás faeles dende una perspectiva de la que munchos renieguen, Borja cree que l'únicu camín p'avanzar ye deprendiendo de la nuesa tradición.
Conectar la vieya Asturies cola nueva Asturies, con namás 32 años. Cuando ves a munchos cocineros colos sos chaquetos posando perfectos pa eventos, Borja sale encaramáu nun árbol con una boína falando n'asturianu de recuperar recetes antigües del pueblu del so güelu. Esa diferenciación fai que sía una de les mentes más brilloses de la cocina, y que la so constante evolución sía una involución escontra los sabores tradicionales. Trata de conectar cola tierra, y qué meyor que faelo al traviés del productu, apostando polo llocal, y cuando los tos productores nun lleguen a ello, en cuenta de quexase, calzase les madreñes y faelo tu mesmu.
Asina, va unos años sosprendiónos anunciandonos que diba llantar en Sariegu una Pumarada pa ellaborar la so propia sidra, y l'añu pasáu dio otru pasu más y llantó'l so propiu viñéu pa recuperar l'antigua tradición d'ellaborar vinu en Sariegu. Proyectos a mediu llargu plazu que van rematar con un proyectu del qu'inda nun vos podemos falar pero que va ser una maravía.
Hasta que se faiga realidá, llegó FAME. Sidra, vinu y ... cerveza. Pero non cualesquier cerveza. Los qu'adoramos esta bébora llevamos años reclamando'l so puestu na gastronomía, y tener amigos nos dos mundos fixo que conectalos y que'l proyectu echara a andar, fora bien fácil. Pel mediu, como siempres, intentando que salgan coses adelantre, David Montes, cocineru nel grupu Manzano y yo mesmu.
Nun puede ellaborase una cerveza ensin un cerveceru, asina que punximos en contactu con ún de los meyores. Diego Cotoya, una de les mentes más brilloses dientro'l panorama cerveceru d'angüaño. Un alquimista qu'ellabora productos distintos, ayenu a les modes del mercáu, y caltien la esencia de los auténticos artesanos.
El procesu d'ellaboración cuntévoslu equí, pero como resume voi dicivos que nun ye nada fácil faer una cerveza con uva albarín de Cangas. Lo que sí vos voi a cuntar ye la presentación. De normal presentes un productu cuando lu saques al mercñau, el problema ye que Borja vendió prácticamente tol llote de la primer remesa de FAME al poco de sacala a la vienta, unes 400 botelles. Asina que fixo la presentación oficial a medios cuando namás quedaben 20 botelles nel so restorán. ¿Nun vos dixi que faía coses distintes? Pa Ochobre/Payares vamos tener una nueva remesa de FAME, mesmos ingredientes, mesma receta.
Pa faelo xuntó a medios, a persones allegaes al mundu de la cerveza y a la tienda gourmet, esperta en vinos, qu'apostó por FAME dende'l principiu, Coalla Gourmet. Aida Riesgo, de Coalla, esplicónos la dificultá de que la cerveza abra pasu nun mundu de vinos, pero que tanto ella como Ramón Coalla, quedáronse namoráos cuando Borja unvió-yos una amuesa de FAME.
Gran amante de les cerveces, adulces va ampliando la ufierta cervecera por cuenta la demanda que tienen.
Y Pablo Cabanón, de la Cervecería Cabanón, ún de los meyores llocales onde poder beber cerveza n'Asturies, con ún de los sos mayores espertos al frente. Pablo falónos de la hestórica reinvindicación cervecera de buscar el so buecu dientro la gastronomía, y cómo FAME vien pa intentar averar esos dos mundos.
La meyor manera de comprobalo yera cenando, pero nun cenando cualesquier cosa. ¿Cuntévos yá que Borja faía coses distintes? Pos daquién capaz d'ellaborar un platu que se llame Ensalada de Fabada Caramelizada, caviar de tomate de la güerta asturiana, cebolla fresca, oricios naturales (Tazones) y merengue de mazana reineta, púnxonos un únicu platu sobro la mesa: Güevos de Casa, Chorizu de Casa y Pataques de Casa. De Bimenes.
Maraviyosu.
Y un platu tan contundente, ¿cómo se portó con FAME? Pos xenial. Sorpendió na mesa. Porque l'acidez de FAME llimpia la boca énte sabores tan intensos, y porque'l so llixeru dulzor de la uva albarín de Cangas convida a otru tragu siempres.
Acabamos, forfugando les últimes botelles, y yá en manera d'iguar el mundu, con una Torrexa al estilu de Mary Lluz, madre de Borja y compañera en cocina, a la que-y debemos gran parte del ésitu del Abrelatas.
Nun pases see de fame, que ¡vuelve!
No hay comentarios
Publicar un comentario