Nueva Visita: Caldillo d'Arriba

Señes: Calle Gabino Alonso, 22 - Lada - Llangréu

Teléfonu: 985 676 916

Web: http://www.casacaldillo.com/
Facebook: https://www.facebook.com/caldillodarriba

Calidá: 3/5
Preciu: 22€

Comentarios: Unu de los sitios de referencia de la carne n'Asturies ye Caldillo. Na recta de Lada, nuna fachada que nun fai xusticia a lo guapo que ye'l llocal, atópase una parrilla, qu'abre namás los fines de selmana, y siempres ta a españar. Asina qu'acuta.

Nun paez la entrada a un restorán, pero en pasando por un pasiellu, llegues a una gran sala presidida por una enorme barra con una parrilla al fondu. Amplies meses de madera y decoración guapa, típica de parrilla, pero cuidada.

La especialidá ye la parrilla, pero muncha xente nun sabe que ye un sitiu onde se curia enforma la carta de vinos. Tienen bona bodega y atopes xoyes a bon preciu. Nós pidimos un Finca Elez Syrah 2007, de la Sierra d'Alcaraz (Albacete). 15 meses en barrica de carbayu y ... gustónos enforma. Ácidu y xenial cola carne.

Pa comer, al granu, una ración de Costielles. Perfectes. Amás ye abondosu.

Acabamos con una Tarta de Quesu. Rica.

Pagamos 40,75€. De normal pagues menos, pero la botella de vinu pasó de los 25€.