Teléfonu: 985 426 350
Web: http://www.valledecenera.com/
Calidá: 4/5
Preciu: 20€
Comentarios: Míticu restorán de Cenera. De mano, si nun conocéis Cenera, encamiéntovoslo. Un pueblu preciosu mui cerca de Mieres, con dos palacios, ambiente rural, caleyes pa perdese, y un par de chigres onde se come perbién. En setiembre tienen un Mercáu Ástur impresionante que paga la pena visitar.
En mediu del pueblu ta La Panoya, una antigua casona de piedra iguada, preciosa. Tienen al lláu unos Apartamentos Rurales. Según entres, zona de chigre con barra a la derecha y meses pa sentase, echen sidra.
Y xubiendo peles escaleres, 4 zones estremaes de salones, más o menos privaos o grandes, con una decoración preciosa. Tou ta bien cuidao. Tienen na parte de tras, una terraza debaxo una panera, onde podéis tomar una botellina y comer si vos peta.
Nós cenamos nel salón de riba. Atención de primera.
Pidimos directamente dos platos. Entrecot de Xata Roxa con Pataques, Pimientos Rellenos de Micuit y Cogordes. La carne ameyora al centru, pero tampoco namoró. Los acompañamientos bien bonos. Y bona ración.
Y Ventrisca de Bonitu. La que quedaba. Bien bona. Con pataques panaderes.
De postre, Tarta d'Ablana. Moyadina, pero contundente. Bien bona.
Y Milfueyes Rellenu de Chocolate y Nata. Xenial l'hoxaldre. Bien bonu.
Pa beber, una botella de Finca los Flaires Tintu 2018. Nun va pasar a la posteridá. Ye'l básicu de la bodega, y tienen otres coses que nos gusten más.
Pagamos 72,50€. Sitiu bien recomendable.
No hay comentarios
Publicar un comentario