Rial

Señes: Praza das Travesas, 13 - Padrón - A Coruña

Teléfonu: 981 811 624

Web: https://www.pulperiarial.gal/es/

Facebook: https://www.facebook.com/rialpulperia/
Instagram: [@rialpulperia] https://twitter.com/rialpulperia

Calidá: 3/5
Preciu: 35€

Comentarios:  Míticu sitiu de sobra conocíu en Padrón. Fuimos un domingu pel branu ensin reserva y taba hasta los topes, asina que tuvimos qu'esperar a que nos dieren mesa. Tien amplia terraza, zona de chigre pa tomar daqué, con un mini comedor al fondu y nel pisu de riba un ampliu comedor. El llocal ye enorme. Pero repito, suel tar llenu.

Ellí lo famoso ye'l sota-caballu-rei, esto ye, pulpu, pimientos d'Herbón y Raxo. Tapes al centru y a esfrutar. Recuérdolo meyor n'otres ocasiones, pero nun tuvo mal.

Empezamos col Pulpu. Bona ración.

Lo Pimientos d'Herbón maravíenme, y cuando los consigues pillar en dómina, vuélvenme llocu. Asina que si pases pellí ... non puedes dexar de probalos.

Calamares, qu'esta vegada nun trunfaron. Anque otres vegaes, gustáronnos enforma.

Y Raxo, esto ye, Adobu. Tamién lo recuerdo meyor n'otres ocasiones.

Pa beber, Vinu Barrantes de la casa. Vinu d'estos que tiñen los dientes. Namás pa valientes. Nun perdéis nada.

Bona opción si táis pela zona. Salimos a unos 18€ per cabeza. Namás polos pimientos ... yá paga la pena.