Instagram: [@diegocotoya] https://www.instagram.com/diegocotoya/
Ta claro que la cerveza artesanal ta de moda, que'l publico ta muncho más abiertu a probar cerveces y que eso favorez a que nuevos productores animénse con recetes nueves. Pero pocu sabemos del trabayu y dedicación qu'hai detrás para consiguir qu'una cerveza entre nel mercáu y sobreviva ente xigantes industriales contra los que -pel momento-, ye imposible competir.
Diego Cotoya lleva faciendo cerveza dende 2006, y dio'l saltu, con muncho esfuerzu, a la so propia fábrica de cerveza en Santu Adrianu en 2012. Tres 1 añu de papeleos, burocracia y permisos, pudo poner nel mercáu la so primer cerveza en 2013. 7 años dempués, cumpliera'l so suañu.
De magar, Diego nun paró de lleer, de probar y d'aprender, y dionos dalguna de les meyores cerveces que pudimos probar n'Asturies y n'España, faciendo que, a pesar de la so pequena producción, sía una de les cerveces más queríes y conocíes del panorama. Diego, yá'l so calter, tamién ayuden a ello.
Hasta equí, la hestoria d'un pequeñu cerveceru que compaxinaba'l so trabayu d'oficina cola so pasión ellaborando cerveza; ente selmana allegaba'l so trabayu yá'l salir y los fines de selmana dedicábase a faer (y distribuyir munches vegaes) la so propia cerveza.
Pero en 2015 decidió dar el saltu definitivu, dase de baxa na so empresa, buscar un allugamientu más cercanu a la so residencia n'Uviéu y camudase al polígonu de Ponte Nora en Llugones. Compaxinar la producción siguida de la so cerveza (con una demanda creciente amás) mientres se camudaba de fábrica, foi la parte más complicada, pero que pudimos celebrar nel I Asturies Cask Festival en 2016 (la segunda edición tiesla equí). Diego, 9 años dempués, yá yera cerveceru con dedicación al 100%.
Sigue siendo una fábrica pequena, con una producción añal d'unos 12000l, pero con capacidá pa doblar producción. Inclusive pa faer pequenos encargos como la última cerveza de la Banda de Gaites La Cadarma, que presentaron ayeri en La Naveta
Tien una cerveza fixa, Cotoya Original, qu'ellabora tol añu. Una cerveza de tipu inglesa (strong bitter) de 5,6%. Tien bona espluma, color marrón. Arumes a malta con un toque de carambelu. Y sabor que convida siempres a otru tragu. Malta y un toque amargosu a la fin. Una cerveza qu'entra sola. Per bona.
Por cada dos llotes d'ellaboración de Cotoya Original, pa caltener siempres la so presencia nos establecimientos, ellabora un llote de cerveza especial, que puede repitir o non a lo llargo del añu según demanda. Y ye ún de los puntos fuertes de la Cerveza Cotoya, esa espectación que se crea por cerveces escepcionales de poca producción y que s'escosen al poco de distribuyiles.
Son cerveces especiales, con tiraes polo xeneral de 400l, en barril y botella, con un diseñu (del propiu Diego) bien curiáu y que tendríais de probar. Na nuesa visita a la Fábrica pudimos probar les qu'anguaño tien disponibles, anque tamos esperando como agua de mayu pola so Cotoya Branu, que ye una de les nueses favorites. Fresca, Cítrica y de baxa graduación, un espectáculu perfectu pal branu. Cuando fuimos, inda taba en plenu procesu de fermentadura.
Pero sí pudimos probar el so Mild Ale, o MILF como la bautizamos extra oficialmente. Cerveza namás de 3,4%, suave. Refrescante, y con una base histórica importante, pos yera la cerveza qu'históricamente bebíen los obreros n'Inglaterra. Una cerveza pa enfrescar y esfrutar ensin munchos entueyos, y que puedes tar bebiendo ensin parar porque nunca cansa.
Tamién probemos Siderale. Otra curiosidá fascinante qu'entemez cerveza y sidra. Una cerveza lleldada con 1/4 de sidra duce Panizales, con un golor importante a sidra (fuerte, amás) y un toque d'acidez (de la sidra) y amargor (de la cerveza) que la fai mui, mui curiosa. 6,2%, color escuru, más trupa y pa tomar más seliquina.
cotoya,la: sust. Planta de xéneru Ulex [de flores pequeñes de color mariello, con munchos pinchos]. 2 Pinchu [secu de toxu, de la espinera].
Define a la perfección les cerveces de Cotoya, "tasca pero nun quema", como les cotoyes del monte.
Artesanía, sacrificiu, pasión. La hestoria d'un cerveceru qu'escorrió'l so suañu hasta algamalu. Adulces, ensin faer muncho ruiu, pero apostando fírmemente pola calidá y l'orixinalidá. ¿Cuesten un pocu más? Claro, pero si dempués de lleer esti reportaxe nun lo entiendes, entós dámoste bulda papal por que sigas consumiendo "sabores de 5 estrelles".
Ta claro que la cerveza artesanal ta de moda, que'l publico ta muncho más abiertu a probar cerveces y que eso favorez a que nuevos productores animénse con recetes nueves. Pero pocu sabemos del trabayu y dedicación qu'hai detrás para consiguir qu'una cerveza entre nel mercáu y sobreviva ente xigantes industriales contra los que -pel momento-, ye imposible competir.
Diego Cotoya lleva faciendo cerveza dende 2006, y dio'l saltu, con muncho esfuerzu, a la so propia fábrica de cerveza en Santu Adrianu en 2012. Tres 1 añu de papeleos, burocracia y permisos, pudo poner nel mercáu la so primer cerveza en 2013. 7 años dempués, cumpliera'l so suañu.
De magar, Diego nun paró de lleer, de probar y d'aprender, y dionos dalguna de les meyores cerveces que pudimos probar n'Asturies y n'España, faciendo que, a pesar de la so pequena producción, sía una de les cerveces más queríes y conocíes del panorama. Diego, yá'l so calter, tamién ayuden a ello.
Hasta equí, la hestoria d'un pequeñu cerveceru que compaxinaba'l so trabayu d'oficina cola so pasión ellaborando cerveza; ente selmana allegaba'l so trabayu yá'l salir y los fines de selmana dedicábase a faer (y distribuyir munches vegaes) la so propia cerveza.
Pero en 2015 decidió dar el saltu definitivu, dase de baxa na so empresa, buscar un allugamientu más cercanu a la so residencia n'Uviéu y camudase al polígonu de Ponte Nora en Llugones. Compaxinar la producción siguida de la so cerveza (con una demanda creciente amás) mientres se camudaba de fábrica, foi la parte más complicada, pero que pudimos celebrar nel I Asturies Cask Festival en 2016 (la segunda edición tiesla equí). Diego, 9 años dempués, yá yera cerveceru con dedicación al 100%.
Sigue siendo una fábrica pequena, con una producción añal d'unos 12000l, pero con capacidá pa doblar producción. Inclusive pa faer pequenos encargos como la última cerveza de la Banda de Gaites La Cadarma, que presentaron ayeri en La Naveta
Tien una cerveza fixa, Cotoya Original, qu'ellabora tol añu. Una cerveza de tipu inglesa (strong bitter) de 5,6%. Tien bona espluma, color marrón. Arumes a malta con un toque de carambelu. Y sabor que convida siempres a otru tragu. Malta y un toque amargosu a la fin. Una cerveza qu'entra sola. Per bona.
Por cada dos llotes d'ellaboración de Cotoya Original, pa caltener siempres la so presencia nos establecimientos, ellabora un llote de cerveza especial, que puede repitir o non a lo llargo del añu según demanda. Y ye ún de los puntos fuertes de la Cerveza Cotoya, esa espectación que se crea por cerveces escepcionales de poca producción y que s'escosen al poco de distribuyiles.
Son cerveces especiales, con tiraes polo xeneral de 400l, en barril y botella, con un diseñu (del propiu Diego) bien curiáu y que tendríais de probar. Na nuesa visita a la Fábrica pudimos probar les qu'anguaño tien disponibles, anque tamos esperando como agua de mayu pola so Cotoya Branu, que ye una de les nueses favorites. Fresca, Cítrica y de baxa graduación, un espectáculu perfectu pal branu. Cuando fuimos, inda taba en plenu procesu de fermentadura.
Pero sí pudimos probar el so Mild Ale, o MILF como la bautizamos extra oficialmente. Cerveza namás de 3,4%, suave. Refrescante, y con una base histórica importante, pos yera la cerveza qu'históricamente bebíen los obreros n'Inglaterra. Una cerveza pa enfrescar y esfrutar ensin munchos entueyos, y que puedes tar bebiendo ensin parar porque nunca cansa.
Tamién probemos Siderale. Otra curiosidá fascinante qu'entemez cerveza y sidra. Una cerveza lleldada con 1/4 de sidra duce Panizales, con un golor importante a sidra (fuerte, amás) y un toque d'acidez (de la sidra) y amargor (de la cerveza) que la fai mui, mui curiosa. 6,2%, color escuru, más trupa y pa tomar más seliquina.
cotoya,la: sust. Planta de xéneru Ulex [de flores pequeñes de color mariello, con munchos pinchos]. 2 Pinchu [secu de toxu, de la espinera].
Define a la perfección les cerveces de Cotoya, "tasca pero nun quema", como les cotoyes del monte.
Artesanía, sacrificiu, pasión. La hestoria d'un cerveceru qu'escorrió'l so suañu hasta algamalu. Adulces, ensin faer muncho ruiu, pero apostando fírmemente pola calidá y l'orixinalidá. ¿Cuesten un pocu más? Claro, pero si dempués de lleer esti reportaxe nun lo entiendes, entós dámoste bulda papal por que sigas consumiendo "sabores de 5 estrelles".
No hay comentarios
Publicar un comentario