Nueva Visita: Sidrería Plaza

Señes: Plaza Manuel Uría - Nava

Teléfonu: 984 842 571

Web: http://sidreriaplaza.com/
Facebook: https://www.facebook.com/sidreriaplaza.nava/

Calidá: 3/5

Preciu: 23€

Anterior Visita: https://lesfarturesast.blogspot.com/2020/01/sidreria-plaza.html

Comentarios:  Volvió abrir la sidrería del centru de Nava, un sitiu preciosu con una terraza que da a la plaza, y un comedor interior bien guapu.

Perbona atención a la sidra, bien echada, y con bonos palos. Averamos a cenar ente selmana y picamos daqué na terraza.

Empezamos con unos Pimientos del Padrón, que tán en temporada y dixéronnos que yeren de la zona. Ricos.

Calamares Frescos Fritos, acompañaos d'una Mayonesa de Cítricos y otra de la so tinta. Bien bonos. Y les mayoneses, tamién.

Y p¡acabar, un Revueltu con Xamón Ibéricu. Bien bonu.

Pa beber, Prau Monga, la DOP de Viuda de Angelón. Bonísima.

Pagamos 46€ por tou. Sitiu bien prestosu en plenu centru de Nava, cocinen bien, echen bien la sidra y el sitiu ye bien guapu. Poco más pues pidir.