Preciu: 24€
Comentarios: Siempres me dicís que faigo poques Farturrutes de sablera, asina que güei voi llevavos a ún d'esos paraísos que si tuvieren en cualesquier otru llugar del mundu, seríen bien conocíos.
Ye una farturruta pa tola familia, facilina pero que rique un pocu de procuru. Vamos visitar una cueva onde entra agua, polo que tenemos de revisar les marees y comprobar que la marea tea baxa. Puede entrase cola marea alta, pero por seguridá ye más recomendable facelo cola marea baxa. Tamién ye necesariu un frontal o una llinterna. Podéis entrar cola del móvil, pero meyor dir coles manes llibres porque va haber tramos qu'hai qu'agachase un pocu y podéis esguilar.
Empezamos en Buelna, un pueblín preciosu de bon accesu dende l'autopista, ente Llanes y Cantabria. Podéis aparcar na pequena plaza qu'hai nel pueblu y perdevos peles sos precioses cases iguaes. Paga la pena.
Na so mayor parte tien casones típiques asturianes con corredor. Una maravía. Hai dellos relóes de sol antiguos. Y la Casa Conceyu tien una torre cuadrada pa llamar a les xuntes vecinales, y tien un relieve bien curiosu con un guerreru.
La ruta escontrta Cobiḥeru ta bien indicada, y va sacandote del pueblu pa la carretera antigua. Sospriende atopase con un Palaciu del SXVIII que perteneció al Conde del Valle de Pendueles. Entrada pimpana.
Comentarios: Siempres me dicís que faigo poques Farturrutes de sablera, asina que güei voi llevavos a ún d'esos paraísos que si tuvieren en cualesquier otru llugar del mundu, seríen bien conocíos.
Ye una farturruta pa tola familia, facilina pero que rique un pocu de procuru. Vamos visitar una cueva onde entra agua, polo que tenemos de revisar les marees y comprobar que la marea tea baxa. Puede entrase cola marea alta, pero por seguridá ye más recomendable facelo cola marea baxa. Tamién ye necesariu un frontal o una llinterna. Podéis entrar cola del móvil, pero meyor dir coles manes llibres porque va haber tramos qu'hai qu'agachase un pocu y podéis esguilar.
Empezamos en Buelna, un pueblín preciosu de bon accesu dende l'autopista, ente Llanes y Cantabria. Podéis aparcar na pequena plaza qu'hai nel pueblu y perdevos peles sos precioses cases iguaes. Paga la pena.
Na so mayor parte tien casones típiques asturianes con corredor. Una maravía. Hai dellos relóes de sol antiguos. Y la Casa Conceyu tien una torre cuadrada pa llamar a les xuntes vecinales, y tien un relieve bien curiosu con un guerreru.
La ruta escontrta Cobiḥeru ta bien indicada, y va sacandote del pueblu pa la carretera antigua. Sospriende atopase con un Palaciu del SXVIII que perteneció al Conde del Valle de Pendueles. Entrada pimpana.
La ruta ye namás 3kms (día y vuelta). Por una caleya bien indicada y llena de regatos y pequenes cueves.
En determináu momentu hemos d'atravesar una pequena ponte per onde pasa'l tren.
A la metá atopamos una cueva con una apertura enorme, y llena de estalactites y estalagmites. La nomada Cueva de los Ijáncanos, los míticos seres mitolóxicos. Verse dende'l camín principal, y merez la pena esviase a investigar un pocu.
Por ella entra'l regatu y piérdese nel so interior, anque nun tien salida. Cuidu, que ta llena barru.
Travesando praos llegamos a la Sablera de Cobiḥeru. Ye una d'eses maravíes qu'has de ver porque supera cualesquier esplicación que pueda date. Ye una sablera aisllada aparentemente del mar, pero que conecta con él de forma soterraña.
Asina que tas viendo una sablera ensin ver la mar. La sablera en sí en perguapa, pero con esa redolada camuda n'única. Ye prima hermana de la más conocida de Gulpiyuri.
La sablera ye maraviyosa pa bañase, alloñada del aguaxe y pela maravía la redolada. Investigando en marea baxa, ves como entra y sale l'agua de les cueves soterrañes.
A la derecha la cueva, atópase la entrada al Cobiḥeru. Llamada Cueva del Cobiḥeru, por una redundancia innecesaria, una y bones el Cobiḥeru precísamente ye eso, un furacu onde entrar.
Si nun te lo cunten, daría muncho respetu entrar na cueva, amás con una entrada un pocu complicada. Pero paga la pena. Tien un primer tramu onde hai qu'agachase, pero nun ye necesariu arrollidase o arrastrase'n nengún momentu, a cencielles tener un pocu de cuidu cola cabeza. Tamién hemos de tener curiáu col suelu, les piedres tán erosionaes pel agua y húmedes pol ambiente, polo que s'encamienta entrar con botes de monte o playeros que garren bien pa nun esguilar.
En pasando'l el primer tramu, ábrese una cueva pimpana, enllena de formaciones úniques y pequenes maravíes. La cueva coneuta la sablera cola mar pel interior de la tierra, asina qu'algama la mar mesma, d'ende lo importante de visitala en marea baxa, porque la mar entra na cueva según va xubiendo la marea. Amás visitámosla'n víspora de lluna llena y la marea taba más allegre de lo normal.
De fechu ye bien curiosu ver les roques tiñíes de verde pol ocle que llega del mar. Ye ún de los sitios más guapos que vi enxamás. Impresionante ver cómo va entrando la mar y va creando eses formaciones tan curioses. Y si andes colos güeyos abiertos, seguro que ves a L'Espumeru, el míticu ser mitolóxicu que vive ente la espluma les foles.
Tres una ratada dientro, salimos de la cueva per onde entramos, y fuimos a pescudar la redolada. La zona ye bien famosa pelos sos bramadorios y atopes dellos, ún más grande y más conocíu que ye'l que nutre d'agua la sablera.
Dende ehí vese otra de les maravíes naturales de la zona, l'arcu Ponte Caballu, dende onde ves a un lláu la sablera y al otru la mar. Y a lo fonderu, Picos d'Europa. La redolada namás pue definise cola palabra máxica.
Siguimos caminando almirando los cantiles.
Al poco atopamos cola Sablera del Molín o Sablera de la Presa. Con marea baxa apenes se ve, pero inda queden los restos d'un antiguu molín de marees, qu'utilizaben la fuerza les marees.
Siguimos almirando cantiles, y la guapura'l llugar.
Volvemos a la sienda, siguiendo paralelos a la vía del tren. L'oxetivu ye volver escontra Buelna pero p'asormanos a la Sablera de Buelna, col gran Picón que preside la sablera. Merez la pena la visita.
Volvemos escontra'l coche nel pueblu. La nuesa primer idea yera comer nel Restorán El Pasu, nel mesmu Buelna, pa faer la farturruta perfecta, pero taben de vacaciones. Encamentámoslu, amás con una fabada fecha en fornu de lleña, asina que va haber que volver.
Fuimos a Casa Poli, otru famosu de la zona, y encantónos. A 10 min en coche de la zona. Llocal impresionante, grande, anque suel enllenase. L'únicu problema que tienen ye que namás acuten pa les 13:30, non pa más palantre, asina que si vas y nun hai sitiu o esperes o quedes ensin comer.
La casona ye impresionante, pero impresionante. Tien una entrada espectacular, y dientro un ampliu patiu con meses de madera pa comer pel branu y tomar sidra. Dientro la casona, dellos espacios con dellos comedores, unos más grandes qu'otros, pero toos decoraos de forma preciosa con parés de piedra y maderes. Atención de primera, bien acostumaos al turistéu de la zona. Recuerda un pocu a Casa Cofiño.
Si nun te lo cunten, daría muncho respetu entrar na cueva, amás con una entrada un pocu complicada. Pero paga la pena. Tien un primer tramu onde hai qu'agachase, pero nun ye necesariu arrollidase o arrastrase'n nengún momentu, a cencielles tener un pocu de cuidu cola cabeza. Tamién hemos de tener curiáu col suelu, les piedres tán erosionaes pel agua y húmedes pol ambiente, polo que s'encamienta entrar con botes de monte o playeros que garren bien pa nun esguilar.
En pasando'l el primer tramu, ábrese una cueva pimpana, enllena de formaciones úniques y pequenes maravíes. La cueva coneuta la sablera cola mar pel interior de la tierra, asina qu'algama la mar mesma, d'ende lo importante de visitala en marea baxa, porque la mar entra na cueva según va xubiendo la marea. Amás visitámosla'n víspora de lluna llena y la marea taba más allegre de lo normal.
De fechu ye bien curiosu ver les roques tiñíes de verde pol ocle que llega del mar. Ye ún de los sitios más guapos que vi enxamás. Impresionante ver cómo va entrando la mar y va creando eses formaciones tan curioses. Y si andes colos güeyos abiertos, seguro que ves a L'Espumeru, el míticu ser mitolóxicu que vive ente la espluma les foles.
Tres una ratada dientro, salimos de la cueva per onde entramos, y fuimos a pescudar la redolada. La zona ye bien famosa pelos sos bramadorios y atopes dellos, ún más grande y más conocíu que ye'l que nutre d'agua la sablera.
Dende ehí vese otra de les maravíes naturales de la zona, l'arcu Ponte Caballu, dende onde ves a un lláu la sablera y al otru la mar. Y a lo fonderu, Picos d'Europa. La redolada namás pue definise cola palabra máxica.
Siguimos caminando almirando los cantiles.
Al poco atopamos cola Sablera del Molín o Sablera de la Presa. Con marea baxa apenes se ve, pero inda queden los restos d'un antiguu molín de marees, qu'utilizaben la fuerza les marees.
Siguimos almirando cantiles, y la guapura'l llugar.
Volvemos a la sienda, siguiendo paralelos a la vía del tren. L'oxetivu ye volver escontra Buelna pero p'asormanos a la Sablera de Buelna, col gran Picón que preside la sablera. Merez la pena la visita.
Volvemos escontra'l coche nel pueblu. La nuesa primer idea yera comer nel Restorán El Pasu, nel mesmu Buelna, pa faer la farturruta perfecta, pero taben de vacaciones. Encamentámoslu, amás con una fabada fecha en fornu de lleña, asina que va haber que volver.
Fuimos a Casa Poli, otru famosu de la zona, y encantónos. A 10 min en coche de la zona. Llocal impresionante, grande, anque suel enllenase. L'únicu problema que tienen ye que namás acuten pa les 13:30, non pa más palantre, asina que si vas y nun hai sitiu o esperes o quedes ensin comer.
La casona ye impresionante, pero impresionante. Tien una entrada espectacular, y dientro un ampliu patiu con meses de madera pa comer pel branu y tomar sidra. Dientro la casona, dellos espacios con dellos comedores, unos más grandes qu'otros, pero toos decoraos de forma preciosa con parés de piedra y maderes. Atención de primera, bien acostumaos al turistéu de la zona. Recuerda un pocu a Casa Cofiño.
Comimos de primeru Boronu, o como se conoz n'otres zones del oriente, pantrucu, boronchu emberzáu o probe. "Por si alguien no sabe de lo que estamos hablando, este invento que en mi pueblo se llama boronchu, consiste en una especie de morcilla elaborada con sangre de cerdo, calabaza, cebolla y harina de maíz. En algunos sitios se embute en tripa (así se llama pobre), en otros se envuelve en berzas (así se la llama "emberzao"), y en otros se cuece sin más tratamiento que el amasado y prensado.", según diz el maestru Pepe Iglesias. Si tas pela zona, pídilo. va sosprendete.
Sabíamos que Casa Poli ellabora embutíu propiu, asina que animámonos a pidir un Chorizu a la Sidra. Y la verdá ye que taba bien bonu. Col mueyu casi acabamos el pan.
Y de principal pidimos una Llubina. En teoría ye de ración pa ún, pero nos avisaron que venía abondo grande. Perfecta de tamañu, y perfecta fecha. Vien con una ensalada p'acompañar. Bien bona.
De postres, toos caseros. Tarta de Nuez. Trupa, y bien rica.
Y Tarta de Quesu. Bien rica. Encantóme.
Pa beber, Sidra Brut Nature EM. Única opción asturiana na carta. Perbién pa col pexe.
El local ye una sidrería, pero nos comedores nun echen sidra, pónente los famosos tapones.
Pagamos 55€ por tou. Como véis, baratu. Gustónos enforma. Sitiu bien recomendable.
No hay comentarios
Publicar un comentario