Nueva Visita: Abrelatas

Señes: Ería del Hospital, 5 - La Pola Sieru

Teléfonu: 984 182 245

Web: http://www.abrelatas.info/
Facebook: https://es-es.facebook.com/abrelatas.restaurante
Twitter: [@abrelattas] https://twitter.com/abrelattas

Anterior Visita: https://lesfarturesast.blogspot.com/2020/05/nueva-visita-abrelatas.html

Calidá: 4/5
Preciu: 32€

Comentarios:  Si la idea ye acabar tomándo cocteles nel Patio de Butacas, lo meyor ye qu'antes pases pol Abrelatas pa enllenar l'estómagu. Perdí la cuenta de les vegaes que fui ellí a comer, y cada vez me presta más, conxuga como (bien) pocos la cocina tradicional y moderno asturiano, y faen que te sientas como en casa.

Cenamos 4 persones, tou al centru pa picar. Pa beber, Corias Guilfa 2015. Verdejo Negru y Carrasquin. Encántanos esti vinu.

Mantequilla Artesana de Sariegu batida con Almíbar. Y sí, el deu ye de David Remartínez.

Empezamos con una de les estrelles de la casa, Bombón de Chocolate con Lleche y Carrillera de Gochu Asturcelta guisada al Porto. Una maravía. Podría vivir namás comiendo esi bombón.

Pa comer en dos bocaos, del culu a la cabeza. Más picante que n'otres ocasiones, y quéda-y xenial.

Nuggets de Pitu Caleya. Cruxentes y con sabor. Encántennos.

Angula de monte al Ayu con Güevu Escalfáu a la Crema y Papada Iberica. Primer vegada que como esti platu nel Abrelatas y encantóme.

Potencia y sabor.

Pulpu del Pedreru de Tazones con Ensaladilla de Pataca, Pimentón de la Vera, Tocín Ibéricu Joselito y Crema de Mantequilla-Pataca. Otru clásicu de la casa. Contrastes, testures y sabores. Suavidá de la pataca col picante del pimentón y la testura ya intensidá del pulpín. Brutal.

De postre, Crema de Quesos y Frutos Coloraos. Xenial. Encántanos.

Pagamos 130€. A 32€ per cabeza. Nunca voi cansar d'esti sitiu. Sabores vieyos, téuniques nueves, productu asturianu ... ún de los mios favoritos.