Teléfonu: 985 807 027
Web: https://www.lanuevaallandesa.com/
Calidá: 4/5
Preciu: 20€
Comentarios: La Farturruta de güei tienlo too: un sitiu poco conocíu, cargáu de lleendes y seres mitolóxicos, con vistes espectaculares y de un valor históricu esceicional, y con una de les meyores cases de comíes d'Asturies.
Empezamos en Samartín de Beduléu, un pueblu bien guapu llenu d'horros y paneres, y que xusto a la entrada tien una mini capiya, que foi onde aparcamos el coche (semeya de portada).
En dando una vuelta pol pueblu y faer unes semeyes, volvemos a la parte de la capiya y empezamos la xubida al Castru de San Ḷḷuis.
Con indicador de xubida.
La xubida al castru ye llevadera, nun llega a 2kms. Ye en cuesta, pero hai pista ganadera y camín de tierra bien cuidáu. En tou momentu atopamos unes vistes increíbles.
A éstes, Samartin de Beludéu vien de tierra de bedules.
El castru atópase asitiáu nuna pequena llomba, cuando llegues a la mesma, tienes un cartelu indicativu cola so hestoria y distribución.
Ún de los castros más grandes escavaos, ya inda falta por escavar, con muries y fosos defensivos (ún de 300m de llargor).
Comentarios: La Farturruta de güei tienlo too: un sitiu poco conocíu, cargáu de lleendes y seres mitolóxicos, con vistes espectaculares y de un valor históricu esceicional, y con una de les meyores cases de comíes d'Asturies.
Empezamos en Samartín de Beduléu, un pueblu bien guapu llenu d'horros y paneres, y que xusto a la entrada tien una mini capiya, que foi onde aparcamos el coche (semeya de portada).
En dando una vuelta pol pueblu y faer unes semeyes, volvemos a la parte de la capiya y empezamos la xubida al Castru de San Ḷḷuis.
Con indicador de xubida.
A éstes, Samartin de Beludéu vien de tierra de bedules.
El castru atópase asitiáu nuna pequena llomba, cuando llegues a la mesma, tienes un cartelu indicativu cola so hestoria y distribución.
Xubes bordiando la llomba, y apuertes a la entrada del castru.
Una vegada dientro, quedamos maraviaos col castru. Ún de los más importantes que tenemos n'Asturies, estremáu en dos barrios, alto y baxu, y que foi ocupáu de xuru dende la Era Final de Bronce (SVIII a.C). Nél recuperáronse munchos oxetos, cerámica, una canal cubierta pa sacupar agües ya inclusive una escultura d'una cara humana.
Nel barriu altu, la zona más "moderna", con construcciones cuadraes de la dómina romana. Tuvo ocupáu hasta finales del SIV d.C. Tien inclusive pavimentaes les cais con pizarra, tan abondosa na zona.
Un enclave impresionante, estratexicamente asitiáu na nomada Ruta del Oru, y qu'amás na so contorna tien importantes esplotaciones auríferes.
Tien amás una parte ensin escavar. Una pena qu'estos sitios nun tean más curiaos, porque ensin dulda, sería un referente cultural y turísticu increíble, que yá quixeren otros países. Polo que mos cuntaron, ye'l conceyu y los vecinos los únicos que se faen cargu del so caltenimientu.
Baxamos y xusto onde ta'l cartelu a la entrada la llomba, esviamos a la izquierda pa baxar per un camín alternativu al pueblu.
Más directu, con vistes tamién bien guapes escontra'l pueblu.
Una vegada en Samartín de Beduléu travesamos el pueblu hasta la entrada, onde tenemos aparcáu el coche.
A menos de 2kms, baxando pela carretera, atópase Zalón. Y paga la pena la parada. En Zalón ta la Ilesia románica de Santa María, del SXII, que se fundó como monesteriu nel SXI.
Una maravía llena de detalles esteriores.
Na parte de tras, vien la sorpresa. Una figura d'un pastor matando un cuélebre. Déxovos la reseña qu'escribe sobro'l sitiu Berto Peña nel so llibru Un paseo por la mitología asturiana. Lugares con Leyenda.
Estando los pastores llindiando el ganado en el Monte Rozón, uno de ellos se sentó a descansar en lo que, pensó, era una peña blanquecina. Descubrió entonces que la supuesta piedra se desenroscaba y salía volando: se trataba de un gran cuélebre, que se dirigió a la iglesia del pueblo. Una vez allí, se introdujo por un agujero en la parte baja del muro, para devorar los cadaveres de los monjes enterrados en el interior. Se cree que en una finca próxima conocida como San Pelayo estaba ubicado un antiguo monasterio. Una vez, pasó por allí un peregrino y los vecinos le comentaron los estragos del cuélebre, ofreciéndole una rosca de pan si conseguía matarlo. El peregrino acechó al cuélebre y consiguió asestarle un golpe con su lanza, matándolo.
Créese qu'esta lleenda ta tallada en piedra nel ábside esterior de la ilesia de Santa Maria, ilesia del SXII o principios del SXIII, fundada según el Llibru Rexistro de Courias por Tructino Enalso y la so muyer Godigeva, y asitiada sobro una construcción anterior correspondiente a un antiguu monesteriu. Dichu monesteriu figura nuna carta de donación de Rodericus Moniz, fecháu'l 5 de setiembre de 1085, como Monesteriu de Zalum.
Al llau de la Ilesia, parada obligatoria en Bar Benito, un chigre-tienda maraviyosu, onde s'axunta'l pueblu, a tomar unes pintes de vinu casero.
Un parroquianu bien atentu ufiertónos visitar la ilesia per dientro, porque lo que tien nel so interior nun se queda tras tocante a sorpreses. Tien el meyor conxuntu de pintures romániques de la dómina d'Asturies, ellaboraes por un maestru anónimu.
La ilesia ye Bien d'interés cultural d'Asturies. Tien una campana de 1222, la segunda n'antigüedá que se caltien n'Asturies.
Una talla románica del S XIII.
Un sitiu daveres máxicu.
A 5kms de Zalón, atópase'l nuesu restorán escoyíu pa la comida del día. Ye bien conocíu y un indispensable de la zona: La Nueva Allandesa.
La Nueva Allandesa ye posada-restorán, allugada en plenu camín primitivu a Santiago, y siempres ta llenu. Tien zona de cafetería, y salón enorme comedor. Si vas de fin de selmana, meyor acuta.
Según posamos, tráennos Pastel de Morciella. Anque nun lo paeza pol color, güel y sabe a morciella. Bien ricu.
Y vinu asturiano de la casa.
Ganador del concursu al Meyor Pote Asturianu 2018, el pote ye un indispensable si vas. Otru mundu. Casi ensin fabes, a la manera del occidente. Tolo que vos diga sobro él ye pocu.
Y mención aparte tien el Compangu. Tou caseru, y con choscu la zona. La morciella ye de los meyores que probemos.
Asina foi que tuvimos que pidir más pan.
De segundu, pidimos Repollu Relleno. Nun llega a la excelencia del Torneiro, pero nun queda tras. Rellenu de carne esmigayada.
Y Truches de Ríu (Melaxinos), pequenes, pero maraviyoses. Con xamón.
De postre, Tarta de Chocolate. Espectacular. Con chocolate blancu percima espolvoriscáu.
Y Tarta de Quesu. Rica. Tolos postres son caseros.
Pagamos 57€, 3 persones. Mui baratu y esceicional. Indispensable.
Tres la fartura, pa baxar la comida, paséu pela Puela. Un sitiu bien guapu.
Con parada especial nel Monumentu al Emigrante.
Y si siguís, xubiendo, paga la pena la visita al Palaciu de Cienfuegos. Ye una xubidina guapa, pero perfeuta pa baxar el pote.
Palaciu del SXIV, de propiedá privada, y nun visitable (otra vergoña), Bien d'Interés Cultural, anque na llista colorada de patrimoniu pol so pésimu estáu de caltenimientu, inclusive con una aberración en forma de corredor agregáu colos años.
Asitiáu nun altu dende'l que puedes ver tola Puela, ye'l sitiu perfectu pa poner puntu y final a la Farturruta: castros, ilesies medievales con pintures romániques, chigres-tienda, vinu caseru, lleendes mitolóxiques, el meyor pote asturianu del mundu y palacios medievales pa baxar la comida. Farturruta completa, preciosa y pa tola familia.
No hay comentarios
Publicar un comentario