Señes: Barrio el Castiyu - Bulnes - Cabrales
Teléfonu: 627 362 389
Calidá: 4/5
Preciu: 15€
Comentarios: Maraviyosa farturruta nel corazón de los Picos d'Europa, ún de los sitios más espectaculares del mundu, xubiendo pela antigua canal que suponía la única vía de comunicación del pueblu de Bulnes col restu del mundu. Mientres cientos d'años xubiendo la so cebera a cuerpu, ayudaos d'un pollín, per un camín qu'agora vemos turísticu y preciosu, pero pol qu'había que xubir nevando y lloviendo y nel que morrió xente abondo.
En 2001 inauguróse un funicular que coneuta Poncebos con Bulnes, facilitando enforma la vida a les persones que viven en Bulnes, y que faen qu'esta farturruta sía tamién pa tola familia, yá que puede xubise caminando, xubir en funicular, o inclusive combinar el funicular con un sentíu caminando.
La ruta empieza en Poncebos, onde hai un ampliu aparcamientu a la entrada del mesmu funicular. L'aparcamientu ye ampliu, en dómines turístiques suel enllenase, porque tamién ye l'entamu de salida de delles rutes, ente elles la famosa Ruta'l Cares, y ties que buscate la vida p'aparcar, o inclusive puedes dexar el coche n'Arenas de Cabrales y xubir n'autobús. El mio encamientu ye que madrugues pa llegar tempranu y aparques ensin problema.
La Canal del Texu, como asina nomen la ruta que xune Poncebos con Bulnes, son namás 4kms, pero en continua cuesta. Son unos 450m de desnivel, que son muncho más llevaderos de lo qu'aparenta. Ye un camín d'alta montaña, escaváu, con piedres y una cayida enorme, polo que s'encamienta dir con ropa y calzáu afayadizo y dir con precuru. Pel branu, amás, suel haber bastantes turistes. En total son 8km de ruta, más lo qu'andéis por Bulnes.
La idea ye xubir los 4kms caminando a Bulnes, comer ellí y volver caminando a Poncebos. En total 8kms, los 4 primeros de xubida y la vuelta de baxada. Cruciamos una pequena ponte sobro'l Ríu Cares, y esviamos a la izquierda pela carretera.
Comentarios: Maraviyosa farturruta nel corazón de los Picos d'Europa, ún de los sitios más espectaculares del mundu, xubiendo pela antigua canal que suponía la única vía de comunicación del pueblu de Bulnes col restu del mundu. Mientres cientos d'años xubiendo la so cebera a cuerpu, ayudaos d'un pollín, per un camín qu'agora vemos turísticu y preciosu, pero pol qu'había que xubir nevando y lloviendo y nel que morrió xente abondo.
En 2001 inauguróse un funicular que coneuta Poncebos con Bulnes, facilitando enforma la vida a les persones que viven en Bulnes, y que faen qu'esta farturruta sía tamién pa tola familia, yá que puede xubise caminando, xubir en funicular, o inclusive combinar el funicular con un sentíu caminando.
La ruta empieza en Poncebos, onde hai un ampliu aparcamientu a la entrada del mesmu funicular. L'aparcamientu ye ampliu, en dómines turístiques suel enllenase, porque tamién ye l'entamu de salida de delles rutes, ente elles la famosa Ruta'l Cares, y ties que buscate la vida p'aparcar, o inclusive puedes dexar el coche n'Arenas de Cabrales y xubir n'autobús. El mio encamientu ye que madrugues pa llegar tempranu y aparques ensin problema.
La Canal del Texu, como asina nomen la ruta que xune Poncebos con Bulnes, son namás 4kms, pero en continua cuesta. Son unos 450m de desnivel, que son muncho más llevaderos de lo qu'aparenta. Ye un camín d'alta montaña, escaváu, con piedres y una cayida enorme, polo que s'encamienta dir con ropa y calzáu afayadizo y dir con precuru. Pel branu, amás, suel haber bastantes turistes. En total son 8km de ruta, más lo qu'andéis por Bulnes.
La idea ye xubir los 4kms caminando a Bulnes, comer ellí y volver caminando a Poncebos. En total 8kms, los 4 primeros de xubida y la vuelta de baxada. Cruciamos una pequena ponte sobro'l Ríu Cares, y esviamos a la izquierda pela carretera.
Empezamos a xubir y al poco, atopamos cola esviadura pa Bulnes. Ehí empieza la nuesa ruta.
Baxamos per un camín estrechu y con piedres (cuidao colos todíos y los culazos) hasta la Ponte la Ḥaya y volvemos cruciar el Cares.
Empezamos una xubida en zig zag, dexando tras una cabana, hasta llegar a la ponte del Zardu o Ḥardu, que crucia'l Ríu Texu (d'ende'l nome de la canal del Texu).
A partir d'ehí empieza la xubida constante hasta Bulnes, ganando altor pero nunca ensin dexar d'oyer el Texu, que va dexando tabayones y rincones espectaculares.
Un sitiu espectacular onde parar a faer unes semeyes.
Empezamos a ganar altor rápido. Pero nun hai priesa, si miráis palantre, la xubida; escontra baxo, el ríu y escontra tras, veis, tres la carretera, Camarmeña, ún de los meyores miradores del Picu Urriellu (y protagonista d'un cantar preciosu de Felpeyu: Préstame dir cortexate, nun m’avaga, nun me cuesta. Namás ye que-y tengo mieu al perru que ta a la puerta. Home, agora que lo pienso, el to pueblu qué altu queda, per eses caleyes pindies ye como dir a Camarmeña. Ye un bon sitiu onde averase en coche de la que baxáis de Bulnes.
Son 4kms de xubida, asina que, anque atopéis dalgún recuestu, nun se fai pa nada duru. Paráis les vegaes que faiga falta, garráis aire, quedáis ablucaos mirando'l paisaxe y siguís caminando.
Y si les fuerces empiecen a floxear, pensáis na botella de sidra que va aguardavos en cuantes lleguéis a Bulnes. Pero ye una gociada cruciase con xente de toles edaes nel camín.
Al fondu, empezamos a ver Bulnes.
Y que volvamos atopanos col ríu, indíca que'l pueblu va averándose.
El camín nesta parte ye muncho más nidio, y tien estos rincones maraviyosos onde inclusive, los más valientes pueden bañase.
Nel intre llegamos a la Ponte Colines, qu'esvia al camín escontra'l barriu altu de Bulnes, o Barriu'l Castiyu. Vamos dir a comer ellí, pero yo encamiéntovos que nun dexéis pasar la visita al barriu baxu de Bulnes. Nun esviéis del camín, que namás queden unos metros.
Empezamos a ver los cartelos d'entrada a Bulnes.
Ye un pueblu preciosu. Anguaño empobináu al turismu, con restoranes, hoteles y cases rurales (ye recomendable quedase a dormir, esi cielu ye increíble de nueche), pero qu'el so allugamientu obedecía a que ye un sitiu estratéxicu pa les camperes del ganáu. Bulnes tenía tanta importancia qu'inclusive aportó a ser conceyu propiu nel SXV
Bien guapa la Capiya les Nieves, con el campu santo arrodiáu de montes na parte de tras.
Tomamos una botellina nos restoranes de la entrada del pueblu, nuna terraza preciosa al lláu del ríu.
Y empezamos la xubida faía'l Barriu Altu, tamién llamáu El Pueblu o'l Castiyu. Paez ser qu'esistió una torre medieval, de la que güei nun queda nengún restu.
Ye un recuestu d'unos 300m, pero paga la pena la xubida.
A la fin del barriu, atópase la nuesa parada pa comer. Lallende. Un restorán preciosu nuna antigua casa de piedra iguada de 2 pisos.
Comedor na parte de baxo con barra. Nun tienen munches meses y suel tar llenu, asina qu'acuta. Cuando fuimos nós, y nun yera inda dómina turística, tuvieron que dicir que nun teníen sitiu a unes cuantes persones.
El puntu fuerte del sitiu, amás de la so comida, son les vistes. Asina que si puedes, acuta mesa na terraza. Ye impresionante.
Comimos 3 persones. 1 pidió menú, que consistía en Fabada de primeru. Bien bona. Toque a lloréu, trupa y con bon compangu. Pa ser de menú, yera de les bones.
Y de segundu, Codillu con Patates Frites. Nidiu. Bien ricu. Desfaise.
Los otros dos, pa probar más coses de la carta, pidimos una de Callos. Espectaculares. Toque picante. Tán bien, bien bonos.
Vienen amás con una ración de patates frites.
Y dempués pidimos una de Cabritu con Patates. Brutal. Taba buenísimo.
Pa beber, agua y Sidra Arbesú. Faía un pocu de vientu pa echala en condiciones, pero apañamonos.
De postre (del menú) Tarta de Quesu. Nidiu. Rica.
Y pidimos un Xeláu Revuelta de Yogur. Que ta bien bonu.
Agora vien lo meyor, el menú, un sábadu, cuesta 12€. Impresionantemente baratu. Y coles tapes que pidimos extra, pagamos en total, 3 persones, 46,30€.
Comida bien bona, pero ye que, amás, ye impagable comer con eses vistes. Y por favor, nun pidáis compartir menú. Ye murniu que lo tengan que poner a la entrada del local.
Pa volver, podéis faer dos coses. O volvéis a la parte baxa de Bulnes y d'ehí yá enllazáis col camín a Poncebos. O faéis como nós y tomáis l'atayu que sal del propiu restorán que va llevavos, per un camín con unes vistas precioses, diréctamente a la Ponte Colines pela que yá pasásteis a la ida.
Paga la pena.
Una vegada na ponte, yá podéis volver a Poncebos pel camín pol que xubísteis.
Si dáis la vuelta, ellí enriba, en pequeñu, ta'l restorán onde acabáis de comer.
El camín de vuelta ye cuesta abaxo. Muncho más llevaderu, anque nun tenemos de relaxar los precuros en nengún momentu. Les vistes son espectáculares.
Y yá podéis parar nos rincones que queráis a faer semeyes.
Una maravía de farturruta, nel únicu pueblu que queda n'Asturies ensin conexón per carretera, con un restorán onde comimos perbien, baratu y coles meyores vistes del mundiu.
No hay comentarios
Publicar un comentario