MUMS

Señes: 4A Forrest Rd - Edimburgo
Teléfonu: +44 131 260 9806

Web: http://www.monstermashcafe.co.uk/

Facebook: https://www.facebook.com/MUMSGREATCOMFORTFOOD
Twitter: [@MUMSEDINBURGH]:  https://twitter.com/MUMSEDINBURGH
Instagram: [@mumsgreatcomfortfood]:  https://www.instagram.com/mumsgreatcomfortfood/

Calidá: 3/5

Preciu: 15€

Comentarios: Díbamos a la gueta del Sandy's Bell pa tomar unos güiskys mientres escuchábamos daqué de folk en directu, pero antes había que faer parada técnica pa cenar. Asina que fuimos al MUMS - Great Confort Food.

Llocal siempres llenu hasta los topes, anque atopamos mesa. Zona allargada, con barra nun llateral, qu'acaba nun salón. Tou informal, con un toque vintage a los años 50 y rollu comic, tien un toque auténticu.

Pa comer, hamburgueses, salchiches, y un par de cañeros de cerveza y sidra escocés. Abondo pa nós.

Cenamos el platu típicu escocés, Haggis. Una especie de morciella de corderu, lleva cebolla, farrapes d'avena, sal y especies. Suelen acompañala de puré de pataca y daqué d'ensalada. Ta picante y xugosa, y recuerdanos a la morciella asturiana. La verdá ye que ta rica.

Tamién probemos una especie d'Empanada d'Hoxaldre de Setes. Llevaba setes, espinaques y quesu. Vien acompañada d'unes pataques frites y ensalada. Rica.

Pa beber, Hollyrood Pale Ale, de Stewart Brewing. refrescante. Correcta.

Y una Whiskey Cask Matured Cider, de Thistly Cross Cider. En cañero. Tamién correcta.

Pagamos unos 30€ por tou. Como veis, ricu y bien baratu. Sitiu recomendable.