Señes: C/ Doctor García Miranda, S/N - Samartín - Teberga
Teléfonu: 985 764 219
Web: https://www.aladinorestaurante.es/
Calidá: 3/5
Teléfonu: 985 764 219
Web: https://www.aladinorestaurante.es/
Calidá: 3/5
Preciu: 18€
Comentarios: Güei nun vamos xubir nengún picu, nin a visitar nengún tabayón o perdenos por dalguna sablera remota, güei voi llevavos per una pista ganadera hasta llegar a un par de brañes con unes vistas increíbles, llenes de caballos en llibertá y pasando por un par de pueblos bien guapos.
La ruta ye circular, y son unos 11kms. Los primeros kms son pindios, pero coles paraes pa esfrutar de les vistes faise llevaderu. En total llevónos menos de 4h faer la ruta completa. Perfeuta pa faer con guaḥes. Nós ficísmola d'Urría a Urría, pero tamién podéis facela saliendo de Taxa y volviendo a Taxa (anque ye un pelín más dura).
Comezamos nel pueblu d'Urría, aparcamos a la solombra del Teixo y esfrutamos de les maraviyoses vistes sobro'l picu Sobia y la peña Gradura, que nos acompañarán tola ruta.
Nel intre empezamos a xubir, anque esfrutando del pueblín, con un par d'horros y paneres perbién calteníos. Otros non tanto.
La primer parte de la ruta ye per pista ganadera, útil pa los habitantes de la zona, pero menos espectacular pa les semeyes. Ta perfeutamente marcada, y amás coincide en dalgún tramu col Camín Real de la Mesa. Na esviadura nun vaigáis a lo cómodo, toca siguir xubiendo.
Nun hai perda posible. La nuesa dirección ye siempres escontra Vicenturu.
Les vistes, como véis, son impresionantes.
En cuanto acaba la pista formigonada, la ruta faise muncho más llana y llevadera. Sinifica que tamos llegando a la primera de les brañes, la de Vicenturu.
Vicenturu ye una pradería enorme llena de cabanes más o menos n'usu, que tuvo que ser impresionante nel so día. Depende la dómina del añu na que vaigas, va tar llena de ganáu o non, depende de la dómina del añu, yá que ye una zona de camperes llana y abondosa.
Rumorease que la toponimia provien de qu'ellí tuvo la Sesta Centuria Romana, escritu VI Centuria. Si lo llees talo como, suena Vicenturia.
Siguimos avanzando pela braña, y paez detenese'l tiempu. Un sitiu con una paz increíble. Pel branu celébrase una romeria bien guapa.
Lo meyor ye casi al final de la braña, qu'hai una balconada maraviyosa con unes vistes increíbles. A la drecha el Gamoniteiru, nel centru, les Ubiñes.
Dende la Braña de Vicenturu, caminando un pocu más, aportamos a la Braña de Cueiru. Si nun vos pruye dir, yá podéis volver baxando a Taxa (vimos un cartelu que ponía "Taja", mete mieu), pero paga la pena asomase a la Braña.
Cueiru ye una braña trevesada pela calzada romana del Camín de la Mesa, y llinda con 4 conceyos al empar: Somiedu, Balmonte, Teberga y Grau.
Queden restos d'una ermita, y delles cabanes.
Y animales en llibertá, con unes vistes precioses.
Volvemos pelos nuesos pasos y esviamos escontra Taxa. Ye una baxada preciosa pa esfrutar de les vistes.
Nel intre, el camín pasa a pista formigonada. A la entrada de Taxa, esti bancu preciosu.
De Taxa a Urría hai un par de kilómetros caminando que se tienen que faer per carretera. Asina que con cuidáu, y parando a fotografiar Urría dende la distancia. Nel pueblu nun hai chigre pa comer, asina que fuimos en coche a ún de los restoranes más míticos de la zona. Tenéis dellos en Teberga (y unos cuantos en Les Fartures), pero queríamos probar Aladino, porque siempres paramos a almorzar cuando vamos de monte y porque teníamos bones referencies.
Ta a la entrada de Samartin, qu'anque lo paeza, nun ye la capital de Teberga.
Entrada enorme, con meses a dambos llaos, ya inclusive una zona pa comer.
Y un salón enorme. A éstes acutái que taba llenu hasta la bandera.
Antes de pensar qué queríamos comer, llántennos na mesa un platu (platazu, más bien) con embutíu.
Pidimos de primeru Pote Teberganu, a la manera la zona, esto ye, ensin fabes. Pal mio gustu, pelín aguáu, anque a les 15h d'una fin de selmana, seguro qu'espurrieron lo poco que-yos quedadaba. Ricu de sabor. Y eso sí, el compangu espectacular, la morciella sobremanera.
De segundu, Cabritu. Maraviyosu. Taba perfectu.
De postre, pidimos Tarta de Quesu. Bien rica.
Y Tarta d'Almendra. Con un importante sabor a mazapán. Gustónos enforma.
Con agua, pagamos 54€. A 18€ per cabeza. Maraviyosa relación calidá-preciu.
Pueblos preciosos, vistas al parque de les Ubiñes, llugares pa perdese, brañes con animales en llibertá, un cabritu pa recordar ... Maraviyosa farturruta per Teberga.
Comentarios: Güei nun vamos xubir nengún picu, nin a visitar nengún tabayón o perdenos por dalguna sablera remota, güei voi llevavos per una pista ganadera hasta llegar a un par de brañes con unes vistas increíbles, llenes de caballos en llibertá y pasando por un par de pueblos bien guapos.
La ruta ye circular, y son unos 11kms. Los primeros kms son pindios, pero coles paraes pa esfrutar de les vistes faise llevaderu. En total llevónos menos de 4h faer la ruta completa. Perfeuta pa faer con guaḥes. Nós ficísmola d'Urría a Urría, pero tamién podéis facela saliendo de Taxa y volviendo a Taxa (anque ye un pelín más dura).
Comezamos nel pueblu d'Urría, aparcamos a la solombra del Teixo y esfrutamos de les maraviyoses vistes sobro'l picu Sobia y la peña Gradura, que nos acompañarán tola ruta.
Nel intre empezamos a xubir, anque esfrutando del pueblín, con un par d'horros y paneres perbién calteníos. Otros non tanto.
La primer parte de la ruta ye per pista ganadera, útil pa los habitantes de la zona, pero menos espectacular pa les semeyes. Ta perfeutamente marcada, y amás coincide en dalgún tramu col Camín Real de la Mesa. Na esviadura nun vaigáis a lo cómodo, toca siguir xubiendo.
Nun hai perda posible. La nuesa dirección ye siempres escontra Vicenturu.
Les vistes, como véis, son impresionantes.
En cuanto acaba la pista formigonada, la ruta faise muncho más llana y llevadera. Sinifica que tamos llegando a la primera de les brañes, la de Vicenturu.
Vicenturu ye una pradería enorme llena de cabanes más o menos n'usu, que tuvo que ser impresionante nel so día. Depende la dómina del añu na que vaigas, va tar llena de ganáu o non, depende de la dómina del añu, yá que ye una zona de camperes llana y abondosa.
Rumorease que la toponimia provien de qu'ellí tuvo la Sesta Centuria Romana, escritu VI Centuria. Si lo llees talo como, suena Vicenturia.
Siguimos avanzando pela braña, y paez detenese'l tiempu. Un sitiu con una paz increíble. Pel branu celébrase una romeria bien guapa.
Lo meyor ye casi al final de la braña, qu'hai una balconada maraviyosa con unes vistes increíbles. A la drecha el Gamoniteiru, nel centru, les Ubiñes.
Dende la Braña de Vicenturu, caminando un pocu más, aportamos a la Braña de Cueiru. Si nun vos pruye dir, yá podéis volver baxando a Taxa (vimos un cartelu que ponía "Taja", mete mieu), pero paga la pena asomase a la Braña.
Cueiru ye una braña trevesada pela calzada romana del Camín de la Mesa, y llinda con 4 conceyos al empar: Somiedu, Balmonte, Teberga y Grau.
Queden restos d'una ermita, y delles cabanes.
Y animales en llibertá, con unes vistes precioses.
Volvemos pelos nuesos pasos y esviamos escontra Taxa. Ye una baxada preciosa pa esfrutar de les vistes.
Nel intre, el camín pasa a pista formigonada. A la entrada de Taxa, esti bancu preciosu.
De Taxa a Urría hai un par de kilómetros caminando que se tienen que faer per carretera. Asina que con cuidáu, y parando a fotografiar Urría dende la distancia. Nel pueblu nun hai chigre pa comer, asina que fuimos en coche a ún de los restoranes más míticos de la zona. Tenéis dellos en Teberga (y unos cuantos en Les Fartures), pero queríamos probar Aladino, porque siempres paramos a almorzar cuando vamos de monte y porque teníamos bones referencies.
Ta a la entrada de Samartin, qu'anque lo paeza, nun ye la capital de Teberga.
Entrada enorme, con meses a dambos llaos, ya inclusive una zona pa comer.
Y un salón enorme. A éstes acutái que taba llenu hasta la bandera.
Antes de pensar qué queríamos comer, llántennos na mesa un platu (platazu, más bien) con embutíu.
Pidimos de primeru Pote Teberganu, a la manera la zona, esto ye, ensin fabes. Pal mio gustu, pelín aguáu, anque a les 15h d'una fin de selmana, seguro qu'espurrieron lo poco que-yos quedadaba. Ricu de sabor. Y eso sí, el compangu espectacular, la morciella sobremanera.
De segundu, Cabritu. Maraviyosu. Taba perfectu.
De postre, pidimos Tarta de Quesu. Bien rica.
Y Tarta d'Almendra. Con un importante sabor a mazapán. Gustónos enforma.
Con agua, pagamos 54€. A 18€ per cabeza. Maraviyosa relación calidá-preciu.
Pueblos preciosos, vistas al parque de les Ubiñes, llugares pa perdese, brañes con animales en llibertá, un cabritu pa recordar ... Maraviyosa farturruta per Teberga.
No hay comentarios
Publicar un comentario