Teléfonu: 985 593 089
Facebook: https://www.facebook.com/monte.sanfeliz
Twitter: [@XuneAndrade] https://twitter.com/XuneAndrade
Instagram: [@xune_andrade] https://www.instagram.com/xune_andrade/
Anterior Visita: https://lesfarturesast.blogspot.com/2020/10/monte-san-feliz.html
Comentarios: Unu de los mensaxes más amenugaos mientres el confinamientu foi volver al monte y en cuantes pudimos, ficímoslu: volvimos al monte pa faer una Farturruta. Esta vegada volvimos al Monte, pero de San Feliz.
Una entamada de llunes, a puerta zarrada, con bote de 50€ pa cenar. Xune Andrade punxo'l menú y Sara Bajk de Coalla, los vinos.
Cuesta sacar a los cocineros de la cocina, sentalos nuna mesa, y esfrutar hores de la so conversación. De cómo pasaron esti confinamientu, de cómo sobrevivieron, de qué nuevos planes tienen, de si foron capaces a crear nuevos platos, de si investigaron ... y nós amás tuvimos el privilexu d'axuntar na mesa a Xune y a Borja del Abrelatas, amás de Tania del Patio de Butacas y David Remartínez.
Comentarios: Unu de los mensaxes más amenugaos mientres el confinamientu foi volver al monte y en cuantes pudimos, ficímoslu: volvimos al monte pa faer una Farturruta. Esta vegada volvimos al Monte, pero de San Feliz.
Una entamada de llunes, a puerta zarrada, con bote de 50€ pa cenar. Xune Andrade punxo'l menú y Sara Bajk de Coalla, los vinos.
Cuesta sacar a los cocineros de la cocina, sentalos nuna mesa, y esfrutar hores de la so conversación. De cómo pasaron esti confinamientu, de cómo sobrevivieron, de qué nuevos planes tienen, de si foron capaces a crear nuevos platos, de si investigaron ... y nós amás tuvimos el privilexu d'axuntar na mesa a Xune y a Borja del Abrelatas, amás de Tania del Patio de Butacas y David Remartínez.
Mientres esti tiempu Xune visitó bodegues en Cangas, llagares en Nava y productores ecolóxicos de races autóctones asturianes, tou coles mires d'asturianizar lo máximo posible'l so Monte y d'exercer la economía llocal como bandera del so restorán. Y amás, modificó tol comedor de riba y punxo una mesa enorme d'unos 8m fecha con tueros de castañu.
Una mesa enorme preciosa pa grupos zarraos o pa compartir mesa nun conceutu más informal. Ye una maravía.
Empezamos con un Arinto dos Açores Blanco 2018. Vinu de les Azores. Frescu y ácidu. Perfectu pal aperitivo.
Dientro, unes Amasueles con una salsina p'acabar col pan.
Mientres, íba faciendo'l restu la cena.
Sara camudós a esta maravía. Eulogio Pomares Castiñeiro Albariño 2017. Un vinu fechu n'ánfores de cerámica con una producción llimitada. Foi xenial coles amasueles.
Xubimos al salón de riba, a estrenar la mesa.
Tania, del Patio de Butacas, preparónos un aperitivo col so propiu vermú amestáu con sidra brut Solaya. Amargu, con un puntu secu y perfectu pa empezar con un par de xelos.
Probemos una de les especialidaes de la casa, los Callos. Bien ricos.
Vienen con unes pataques frites.
Llegó'l momentu de les Chuletes. Son de roxa gallega. Bien riques.
Lleven un toque d'afumáu, que-yos queda xenial.
Vienen acompañaes d'unos pimientos.
Y pataques frites.
Pa la chuleta camudamos a Cruz Santa 2017. Vinu de Tenerife, parcelariu, con poca producción. Frescu y ricu, aguantó perbién cola chuleta.
El postre foi otra de les especialidaes de la casa, Tarta de Quesu. Con quesu la Peral. Espectacular. Una de les meyores tartes de quesu que comí na mio vida. Paga la pena que vaigáis namás por ella.
Col postre tomamos una Botella de Sidra de Fueu de Panizales. Que va perfeutamente cola tarta de quesu.
Punximos de bote 50€, la redolada, la comida, la bébora y, sobremanera, la compañía y les rises, impagable. Mil gracies per un día máxicu.
Punximos de bote 50€, la redolada, la comida, la bébora y, sobremanera, la compañía y les rises, impagable. Mil gracies per un día máxicu.
No hay comentarios
Publicar un comentario