Publicidá

Blog Archive

Contact Me

Nombre

Correo electrónico

Mensaje

Hover Setting

default

Farturruta Pendones - VegaBaxu - Bar Linares

Señes: Tañes - Casu
Teléfonu: 985 608 207


Facebook: https://www.facebook.com/Bar-Linares/


Calidá: 3/5
Preciu: 13€


Comentarios: Mientres esti Andanciu señaldamos un montón de xente y faer un montón de coses, pero de xuru qu'una de les que más echásteis de menos, foron les Farturrutes. En cuanto pudimos echanos al monte, calzamos les botes y fuimos a percorrer rincones desconocíos d'Asturies.


Güei llevámosvos a Casu, en plenu parque de Redes, ún de los mayores paraísos que tenemos. Y llevámosvos de Pendones a VegaBaxu, una farturruta un pocu más llarga de lo habitual, unos 14kms, pero con poco desnivel y que se fai bien llevadera.


Empezamos en Pendones, pueblín bien guapu y famosu pol so Muséu de la Madreña, que vos encamiento visitar, pequeñu, pero guapu.


Dende Pendones salen delles rutes, incluyida a una de les montañes más míticos y máxiques que tenemos, el Tiatordos, asina que tien un aparcamientu curiosu onde dexar el coche. Baxamos unos cincuenta metros pela carretera y nel intre atopamos cola fachada de la casa que nos indica l'entamu de la ruta: a la izquierda pal Tiatordos, a la derecha a VegaBaxu.


Cruciamos una ponte, con una pequena cascada artificial y empezamos a ganar altor. La primer parte ye onde ganamos tol desnivel,  asina qu'empezamos xubiendo, pero seles, que ye llevaderu.


Según vamos ganando altura, les vistes sobro Pendones fáense más guapes.


Y más guapes.


Apaez la maxestuosidá del Tiatordos. Si podéis, xubíi, paga la pena. Anque ye ruta de día completu y con bocadiellu.


Al poco, apaez la primer fonte del camín. Con un día como'l que tuvimos, agradezse enforma.


A partir d'esti tramu, el camín faise muncho más llanu, y podemos saludar a los compañeros de viaxe.


A la derecha, impresionantes vistes sobro'l Cordal de Fontes y a lo fonderu, el Nalón.


Pasamos peles cabanes de Fayaza y Texera. Abandonaes. Nesta zona, carbayos y monte baxu abondo.


L'últimu tramu, vuelve ser de xubida. Arrodiáu del Fayedal, que na seronda tien que ser un espectáculu colos sos colores. Volveremos nesa dómina.


De secute, apaez VegaBaxu. Ye como la entrada al paraísu. Tien dos altores, na de riba unes cabanes perbién calteníes.



Y na de baxo, una pradería enorme, con una fonte al pie d'un árbol enorme, pola que pasa'l ríu Corralín.


Paga la pena reponer fuerces na fonte, echase nel prau y esfrutar estos momentos maraviyosos, y más dempués de too lo que pasamos.


La vuelta ye pol mesmu camino que la ida. Faise inda más llevadera porque ye cuesta abaxo casi tol trayeutu.



En total son unos 13 kms ida y vuelta, con un desnivel acumuláu d'unos 350m, y vais tardar, más o menos, unes 4h. El camín ye pista y senderu, asina que puede faese ensin nengún problema y peligru.


Volvemos a Pendones, y ellí mesmu tenéis pa comer Casa Juanín, chigre bien recomendable, pero que cuando fuimos nós, inda nun taba abiertu. Asina que fuimos al Chigre Linares. Otra opción recomendable en Tañes, qu'amás yá vos pilla de vuelta.



El sitiu ye una pasada, porque la casona del chigre ta bordiada de meses de madera onde tomar daqué con vistes el banzáu de Tañes. Ello ye que esta semeya ta tomada dende una de les meses mientres esperábamos pola mesa tomando daqué. Una maravía.


Dientro, zona de barra con meses, y un comedor a la izquierda, onde comimos coles midíes de seguridá necesaries pa que tou fuere bien seguro y prestoso. Son famosos pol so embutíu caseru y los sos callos. Pero col andanciu, inda nun los teníen disponibles. Ufiertáronnos menú, anque nos convenció más lo que teníen fora de menú.


Empezamos con un Bonitu en Mueyu de Tomate. Inauguramos temporada. Y gustónos enforma'l mueyu. Bien ricu.


Y Cabritu con Patates. Bien bonu. Encantónos. Desfaise.


De postre, una Tarta de Quesu con Artimora. Tou caseru. Nidia.


Y equí vien lo meyor, pagamos 2 persones 26€ en total. A 13€ per cabeza. Con agua, un refrescu y cafés. Maraviyosu. Na parte de tras tienen un capiya y una bolera.


Un paséu preciosu, desconocíu y parando a comer n'ún de los clásicos de la zona de Casu. ¿Señaldábais les farturrutes? Nós sí!!!


No hay comentarios

Publicar un comentario