Nueva Visita: Pazo de Monterrey

 

Señes: Avenida de Fernández Balsera, 21 - Avilés

Teléfonu: 985 527 028

Anterior Visita: https://lesfarturesast.blogspot.com/2019/10/nueva-visita-pazo-de-monterrey.html
Facebook: https://www.facebook.com/El-Pazo-de-Monterrey

Calidá: 3/5
Preciu: 43€

Comentarios:  Un clásicu en Navidaes. Cena d'amigos, cena n'El Palacio de Monterrey. Menú de 43€ que nun falla. Decoración clásica en plenu centru d'Avilés. Mui cerca de la zona de movida del Carbayéu, y dafechu llenu hasta la bandera los fines de selmana. A pesar de ser un llocal grande, meyor llama y acuta.

Tien zona de barra y meses pa tomar daqué. Na zona de tras, un comedor separáu de la barra por biombos, y entrando per una puerta, otru comedor grande.

Pidimos un menú zarráu de 43€. Completu, perbién en cantidá y en calidá.

Empezamos por Xamón Ibéricu. Ricu ensin ser espectacular. Pero gustonos.

Los platos estrella de la casa son el Salpicón de Mariscu, que ta daveres bonu. Perfectu.

Yá'l Pulpu. Bien bonu y nel so puntu perfectu. Namás por estos dos platos yá paga la pena la visita.

De platu principal, na mesa. Paletiya de Corderu. Bona. Con pataques de verdá y pimientos.

O Sollombu. Bonos cachos de carne que se desfáin. Bien bonu.

De postre, nun falla: Quirós. El míticu coctel avilesín: café, xeláu de vainilla, un toque de miel y un toque (o la botella directamente) de güisqui. Bonísimo.

Pa beber, Pazo de Galegos Albariño 2018. Ácidu y con cuerpu. Ta bien.

Y Señorío de Ondarre Reserva 2015. Siempres apaez ente los clásicos de relación calidá-preciu. Cumple.