Nueva Visita: El Pintu

Señes: Calle de la Libertad, 11 - La Pola Llaviana

Teléfonu: 984 045 505

Web: https://pintullaviana.com/
Facebook: https://www.facebook.com/El-pintu

Instagram: [@el_pintu_laviana] https://www.instagram.com/el_pintu_laviana/

Calidá: 4/5

Preciu: 43€

Anterior Visita: https://lesfarturesast.blogspot.com/2021/01/el-pintu-2-aniversario-meson-el-centro.html

Comentarios: ¡Qué ganes teníamos de volver al Pintu! Volvieron a lo grande, con una sorpresa increíble que nos recordó a aquel menú d'Esaltación de la Raza Casina que fixo xuntu con Diego del Hotel Arniciu.

Xuntámonos trés persones a comer un vienres na terraza. día con sol, palés de madera y distancia ente mesa y mesa. Ye ciertu que da a la carretera xeneral de Llaviana, pero ye una plaza apañada, con una fonte bien guapa y soleyera. Tase perbien.

Empezamos con unes Croquetes Caseres de Xamón. Son de les bones. Cremoses, cruxentes. Bien riques. Dos per cabeza.

Siguimos con una Ensalada d'Anchoes, Tomates Ecolóxicos y Quesu Varé. Bien, bien rica. A mi'l varé préstame a esgaya y queda xenial coles anchoes.

Lleva tamién unos cacagüeses que-y dan un puntu xenial.

Pulpu del Pedreru, Boletus y Güevu Fritu. XUa de les novedaes de la carta. Bonísimu. Pa romper el güevu, entemecer y esfrutar. Gana'l sabor a boletus y xuntu cola testura del pulpín, queda xenial. Mui recomendable.

Y llegó la reina la comida, Chuleta de 100% Vaca Casina Asturiana. 12 años de vaca pa una chuleta d'1kg. Sabor llimpio, elegante y con final que convida a siguir comiendo. Hasta la grasa comimos.

Maraviyosa. Vien con unos pimientos y unes pataques frites.

De postre, Xeláu Revuelta de Mangu. Bien frescu y ricu.

Y Sacher de Chocolate con Artimores. De Confitería Conchi. Espectacular. Ensin palabres.

Pa beber, La Fanfarria tintu. Frescu y con acidez. Gústanos enforma.

Pagamos 130€. La chuleta sola fueron 55€.