Sidrería Plaza

Señes: Plaza Manuel Uría - Nava

Teléfonu: 984 842 571

Web: http://sidreriaplaza.com/
Facebook: https://www.facebook.com/sidreriaplaza.nava/

Calidá: 3/5

Preciu: 24€

Comentarios: En plenu centru de Nava, epicentru de la sidra n'Asturies, atópase Sidrería Plaza. Asitiada nuna plaza, y con zona de terraza, atópase xusto al llau del Muséu de la Sidra y de La Naveta.

Terraza y plaza enorme por que xueguen los guaḥe, y dientro, zona de barra y comedor anque con vistes a la barra. Decoración típica de sidrería, pero bien cuidada. Da gustu.

Bon serviciu de sidra, con dellos palos, y bien echada.

Picamos daqué na barra. Ufierta de carta variada, y platos tradicionales con per bona presentación. Tolo que comimos taba bien ricu.

Empezamos por unos Llagostinos Panko. Perfeutos pa picar. Bien ricos.

Y tomamos unos Dados de sollombu de Xata. Bien tienru y ricu tamién.

Pa beber, Prau Monga, la DOP de Viuda de Angelón. Xenial, como siempres.

Pagamos 42€. Bona opción si tas en Nava.