Nueva Visita: La Cuadra d'Antón

RESTORÁN PESLLÁU

Señes: San Bernardo, 17 - Gijón / Xixón.  

Teléfonu: 985 340 310

Web: http://www.lacuadradeanton.es/
Facebook: https://www.facebook.com/lacuadradeanton/
Twitter [@la_cuadra_gijon]: https://twitter.com/la_cuadra_gijon
Instagram[@lacuadradeantongijon]: https://www.instagram.com/lacuadradeantongijon/

Calidá: 4/5
Preciu: 30€

Comentarios: Préstanos a esgaya La Cuadra d'Antón, la so decoración, la so cocina, el so allugamientu, y, sobremanera, la so filosofía. Únicu restorán nel mundu cola Certificación Biosphere de turismu caltenible, de los pocos n'España que compensa la buelga de carbonu xeneráu pola so actividá (una empresa calcula'l carbonu que xeneren y esi dineru destínenlo a fines sociales). Miembros del COPAE (Conseyu de Producción Agracia Ecolóxica d'Asturies). Miembros del Foru Asturies Sostenible. Miembros de ACEPA (asociación de celiacos d'Asturies) y de tolos certificaos habíos y por haber tocantes a sostenibilidá. La filosofía de la Cuadra d'Antón ye clara.

Averamos a comer, y volvimos salir encantaos. Los platos tienen un conceutu, tienen harmonía, y más cuando sabes la hestoria qu'hai detrás. De los pocos sitios n'Asturies onde puedes esfrutar de casi toles races autóctones asturianes, y amás con una cocina bien cuidada. Carta n'asturianu, dignificando los nuesos productos de forma esquisita. Y si amás tas viendo de fondu la Sablera de San Llorienzu, entós la esperiencia yá ye perfecta.

Traxéronnos d'aperitivu un Tortín con Pasta d'Aceituna Negra y Salmón curáu en casa. Bien ricos.

Pidimos Media de Croquetes de Xamón Asturcelta. Bien riques, y con una intensidá de sabor brutal.

Amás, un Revueltu de Setes de Temporada, Panceta d'Asturcelta y Polen. El polen da-y un toque importante a miel al platu qu'oldea enforma cola intensidá de les setes y la panceta.

Y acabamos con un Costellame de Gochucu Asturcelta. Brutal. Una maravía. Cruxente, con sabor. Encantónos. Vien acompañáu de pataques cocíes y verdures.

A los postres nun llegamos. Pa beber, La Fanfarria Blanco. De Dominiu del Urogallo. Gústanos esti vinu.

Por defectu, siempres te ponen na mesa Agua. De baldre.

Otru puntazu del llocal ye'l Pan. Fechu a diariu n'el mesmu restorán con productos ecolóxicos.

Pagamos 75€. Productu autóctonu, Km0, filosofía ecolóxica de verdá, vistas increíbles, cocina con harmonía ... encántanos La Cuadra d'Antón.