Nueva Visita: Cabo Vidio

Señes: Ouviñana

Teléfonu: 985 596 112

Web: http://cabovidio.com/restaurante-cabo-vidio/
Facebook: https://www.facebook.com/hotelrestaurantecabovidio
Twitter: [@Cabo_Vidio] https://twitter.com/Cabo_Vidio
Instagram: [@cabovidio] https://www.instagram.com/cabovidio/

Calidá: 4/5

Precuo: 40€
Anterior Visita: https://lesfarturesast.blogspot.com/2018/10/nueva-visita-cabo-vidio.html

Comentarios: Cuantayá que nun volvíamos al Cabo Vidío, una de les xoyes del occidente (y d'Asturies enteru). Hotel-rural con un restorán preciosu, onde se come perbien y ta allugáu mui cerca d'una de les xoyes de la mariña asturiana. Poco más pues pidir. A 4kms del Cabu Vidío y con infinidá de sableres precioses alrededor. Un sitiu idílicu y perfeutu pa dar un paséu antes y acabantes de comer.

Ún de los salones más guapos d'Asturies, al estilu de Los Llaureles, maderes, colores, decoración distinta, y con una terraza pa esfrutar col bon tiempu. Atención perfeuta na sala de Loreto, y Jairo a los fogones ameyorando productos de primera calidá. Nun fallen.

Empezamos con una Mantequilla d'Anchoa. Nun pan bonísimu.

D'entrante, Setes Trufaes, Güevu y Foie. Una maravía pa romper, entemecer y esfrutar. Sabores intensos, con un importante toque a foie. Bonísimu.

Y acabamos cola xoya la corona. Avisáronnos que teníen unos cuantos pexes del día: Llubina, Pixín  y Llinguáu. Pidimos llinguáu, pa dos, porque nun tenemos munches ocasiones d'atopalos xabaces. Y foi tou un aciertu. Jairo da-y un toque a la francesa, porque lo fai con mantequilla y llimón, pero sele. Y taba bonísimu.

Loreto emplátanoslu por dambos llaos. La pieza costó 65€.

De postres, pidimos la Tarta de Quesu. Si vais nun puede faltar, ye de los meyores que podéis comer.

Y Cremosu de Chocolate, Pan Turrao, Aceite y Sal. Amiestu clásicu pero bonísimu. Tamién la pidimos siempres.

Conducíamos, asina que pidimos Agua y unes copes d'Albariño.

Pagamos por tou, 117€.