Casa Eutimio

Señes: C/ San Antonio, S/N - Llastres

Teléfonu: 985 850 012

Web: http://www.casaeutimio.com/restaurante/
Web: http://www.conservaseutimio.com/

Facebook: https://www.facebook.com/EUTIMIO/

Instagram: [@maria_eutimio] https://www.instagram.com/maria_eutimio/
Instagram: [@conservas_eutimio] https://www.instagram.com/conservas_eutimio/

Calidá: 4/5

Preciu: 40€

Comentarios: María Busta ye madre de 3 crios, cocina maraviosamente, tien un hotel, pertenez al grupu A22Manes, al Club de Guisandeeas, da clases d'hostelería, tien una conservera y, ye ainda una moza. Una touterrén que s'apunta a un bombardéu con una sorrisa na boca, siempres dispuesta a echar un cable y aúna como poques tradición ya innovación. Ye lo que tien pasar los sos años de formación ente la so propia casa y Casa Fermín.

Casa Eutimio ye un clásicu na hostelería asturiana. Situación más que privilexada n'ún de los pueblos más guapos d'Asturies: Llastres. Na baxada'l puertu y con unes vistas impresionantes. Ye un edficio de piedra enorme que tien hotel, y na parte de baxo el restorán.

Según entres zona de barra, y mini salón con una mesa priváu con vistes al mar.

Y salón enorme, con amplios ventanales y vistes al mar. Tien dellos rellabicos y l'abonda amplitú ente meses pa que te sientas a gustu comiendo. A éstes l'atención del so hermanu Rafa, de les meyores que vas atopar.

Mientres decidíamos, traxéronnos un pocu de Pan, Aceite y Sal.

Empezamos con unes Anchoes de la conservera de la casa, con Rey Silo y Pimientu. Maraviyoses les anchoes (colamos d'elli coles últimes llates que tenía nel restorán). Potencia, elegancia del AOVE y toque brutal del Rey Silo. Encantónos.

Croquetes de Chorizu con Carambelu de Sidra ECO. Tienen en carta les croquetes "normales", pero animámonos a probar éstes. Menuda maravía. Per dientro casi líquides, con sabor a chorizu, inclusive con un toque picantín, pero ensin ser tan fuertes. El carambelu de sidra quéda-y xenial pa da-y un toque dulzuxu y rebaxar el sabor. Tenéis que probales.

Siguimos con unes Kokotxes de Calamar a la Plancha, Crema de Hortelana y Crema de Puré de Pataca. Espectacular. El calamar perfectu, con sabor y testura, la crema de pataca trupa y la hortelana dando un puntu de contraste al platu. Encantónos.

De platos pidimos, Fritos de Merluza. Fresca. De los bonos.

Y una maravía de Besugu impresionante. De los pexes del día que teníen, díxi-y a María que me punxera'l qu'ella quería y púnxome el rei de la casa. Perfectu.

A los postres casi nun llegamos, pero María tráxonos una amuesa de los postres que tienen.

Tarta de Quesu. Bonísima.

Xeláu de Yogur. Pa meter la cuyar hasta'l fondu y esfrutar. Bien bonu. Ácidu.

Arroz con Lleche. Taba del día y faltába-y un pocu de reposu.

Crema al Güisqui. Bien bonu, importante toque a güisqui.

Pa beber, 1947, de Viuda de Angelón. Primer sidra de mesa crianza. 4 meses en barrica de carbayu. Encántanos. A destacar que la primer páxina de la so carta de vinos ye de productos asturianos: sidra, vinu y cerveza.

Pagamos 80€. Sacáronnos como extra les kokotxes, l'arroz con lleche, la crema al güisqui y el xeláu de yogur. El besugu fueron 28€. Maraviyosa cocina, María amiesta perbién la tradición cola nueva cocina, platos con sabor, con perbona presentación, nuna redolada maraviyosa con una atención de primera.

Amás, Casa Eutimio ye un hotel. María tuvo enseñándonos les habitaciones, y la verdá ye que pensamos perdenos dalguna nueche.

Espertase con estes vistes nun tien preciu.

Y por si fora poco, va unos años montaron una Fábrica de Conserves na parte baxa del local. Tienen patés, conserves y precocinaos. Dende paté  de Merluza y Centollu, hasta Conserves de Ventresca de Bonitu (que-yos vuelen) y precocinaos como'l de Garbanzos con Bacaláu y Centollu.

Probemos dellos y toos bien ricos, pero lo que nun puedes dexar escapar son les sos Anchoes. Madremiadelamorhermoso.

Tou esto con namás con 34 años. Arrodiada d'un gran equipu, y con una enerxía y talentu fora de serie, María Busta cocina, da clases d'hostelería, dirixe un hotel y tien la so propia conservera. ¿Ye para estar o non arguyosos?