Nueva Visita: L'Espumeru

Señes: C/Julian Duro, 22 - La Felguera

Teléfonu: 985 696 625

Calidá: 3/5

Preciu: 20€

Facebook: https://www.facebook.com/Brew-Pub-Espumeru-Curuxera-Brewery
Twitter: [@curuxerabrewery] https://twitter.com/curuxerabrewery
Intagram: [@curuxerabrewery] https://www.instagram.com/curuxera/

Anterior Visita: https://lesfarturesast.blogspot.com/2018/11/nueva-visita-lespumeru.html

¿El meyor BrewPub d'España? En La Felguera. Yá vos cunté delles vegaes qu'un BrewPub ye un sitiu qu'ellabora la so propia cerveza n'el mesmu llocal onde la viende. Y L'Espumeru ye de los pocos que tenemos n'Asturies. 

Llocal enorme, y preciosu, con esi aire d'antiguu pub irlandés. Según entres, zona de barra y unes  meses pa tomar daqué. Otra zona entemedia, con otra barra y meses onde puedes tomar daqué o comer (sobremanera en fin de selmana, cuando más llenu ta'l llocal). Na parte de tras, salón enorme con chimenea, onde preside'l fornu pa ellaborar pizzes, con Hugo al mandu. Y na zona de más tras, más meses con una cristalera con vistes a la terraza esterior y a la microcervecería onde Hugo ellabora Curuxera. Amás, terraza esterior cubierta.

Hugo ellabora 5 tipos distintos de cerveza, riques y algamadices, y cauna pa un momentu distintu, que combinen a la perfección cola so cocina. Y amás, tienen un cañero fixu de Sidra Brut de Viuda de Angelón. Dispon d'un serviciu pa que puedas llevar en llata de cerveza la cerveza recién echada dende'l cañero. Más frescu imposible. 

Les sos cerveces son 5. Yankee, una APA lupulada y amargosa; Trigu, al estilu clásicu alemán; Conventín, una cerveza clásico belga, más alcoholica y con un toque dulzuxu; Strix, una stout (negra) perfecta pa postres y chocolate; y Pilxen, una rubia clásica nidia. Toes acabantes d'ellaborar, ensin pasteurizar, ensin penerar y bien fresques. Tienen amás un cañero pincháu de Sidra Viuda de Angelón. Sí, sidra en cañeru. Y ta bonísima.

La carta del local ta centrada nes pizzes, a la qu'añedió unes cuantes nueves anguaño na so carta. Tienen amás, una hamburguesa clásica, pepitos, nachos, pataques, lasaña y ensalaes. 16 tipos distintos de pizza, y una pizza distinta especial del mes. Como veis, ufierta bien variada. 

A Hugo gústa-y la pizza napolitana, que tien una corteza más abuitada y esponxosa que les demás. Ye un espectaculo ver trabayar al fornu, yá'l trasiegu continuu de pizzes. De fin de selmana, armáivos de paciencia porque suel tar llenu, asina que lo meyor ye que relaxes tomandote una Curuxera mientres piques daqué de la cocina y esperes pola pizza.

Nós pidimos na nuesa última visita unes Pataques Perrins, que son unes pataques gaxu con mueyu d'ayu, perrins y perexil. 

Y una Pizza Crazy Chicken. Tomate, mozzarella fresca, tires de pitu a la plancha y mueyu de mostaza y miel. Bonísima. 

A los postres nun solemos llegar, pero tien un Tiramisú espectacular.

Pagamos 23€ con un par de pintes per cabeza.