Nueva Visita: Olimar

Señes: C/ Gregorio Aurre, 33 - La Felguera - Langreo (Llangréu)

Teléfonu: 985 69 10 03

Facebook: https://www.facebook.com/Restaurante-Sidreria-Olimar
Anterior Entrada: https://www.lesfartures.com/2017/06/nueva-visita-olimar.html

Calidá: 4/5

Preciu: 30€

Comentarios: A final de temporada siempres vamos pedimiando a la gueta de bonitu, ún de los nuesos platos favoritos. Asina qu'averamos al Olimar, que siempres suel tenelu, y del bonu, pa esfrutar d'una bona ventrisca.

Ambiente de sidrería total na entrada, con trasiegu de culetes, siempres perbién trataos. Con Piñera, Piñera Selección DOP, Llaneza y El Carrascu DOP.

Amás del bonitu, y de los arroces, y de los pexes ... bonu, en realidá, tou ta siempres ricu nel Olimar. Pero otra de les sos especialidaes, son les setes, y como tábamos en temporada, nun aguantamos a pidiles. Un Revueltu de Setes con Xamón. Bonísimu.

Pa cenar, una Ventrisca de Bonitu. Con un pocu de pistu y pataques. Espectacular. Nun pues pidir más. Bona ración, productu frescu y bona mano na cocina.

Acabamos con una Tarta Casera de Quesu, que nos encanta.

Pagamos por tou, 60€. Nun falla. Acepta TicketsRestaurant.