Publicidá

Blog Archive

Contact Me

Nombre

Correo electrónico

Mensaje

Hover Setting

default

El Patio de Butacas

Señes: Plaza Les Campes - La Pola Siero


Facebook: https://www.facebook.com/ElPatiodeButacasSiero/
Instagram [@elpatiodebutacas]: https://www.instagram.com/elpatiodebutacas/


Comentarios: Asturies tamién ta convirtiéndose nun paraísu coctelero, y esperemos que nun sía namás una moda. Sitios como Soda 917, Varsovia en Xixón, The Balance en Xixón o Meeting Point n'Avilés, xúnese'l Patio de Butacas.


El Patio de Butacas ta asitiáu na mítica Plaza Les Campes de La Pola Siero, y complementa a la perfección la ufierta sidrera que tien la plaza. Formáu por Tania y Alberto, dos apasionaos de La Pola, mozos y con munches ganes.


Local bien guapu, con una gran barra a la izquierda, y sielles distintes. Informal, "hipster", con una decoración cuidada ya inclusive unos sillones pa relaxase. Perfectu pa tomar una (o 10) copes antes de salir, o pa la sobremesa acabante comer o cenar nel Abrelatas.


Bona esbilla de vermús (tienen la so propia compuesta La Pelegrina), güisquis, xinebres y rones, pero onde demuestren tola so creatividá ye na seleición de cócteles, unos clásicos y otres "marca de la casa", que van probando mes a mes.


A mi tocóme probar el so "Pirata con corazón d'algodón (d'azucre)", que llevaba Ron maceráu en piña asada y canela, sirope de chocolate blancu y vainilla, zusmiu de llimón, zusmiu de pomelu, zusmiu de piña y algodón d'azucre y yerbabona. Buenísimo, y esperemos que quede como fixu na carta.


Un sitiu distintu na Pola, xente con munches ganes y que fai les coses perbién. ¡Gústanos El Patio de Butacas!


No hay comentarios

Publicar un comentario