Teléfonu: 629 769 059
Web: http://www.losllaureles.com/
Facebook: https://es-la.facebook.com/LosLlaureles
Twitter [@losllaureles]: https://twitter.com/losllaureles
Instagram [@losllaureles]: https://www.instagram.com/losllaureles/
Calidá: 5/5
Preciu: 41€
Anterior Visita: https://lesfarturesast.blogspot.com/2019/09/nueva-visita-los-llaureles.html
Comentarios: Enxamás perdono cada nuevu menú de Los Llaureles, amás que los esfruto como un nanu, ye xenial comprobar la evolución y esperimentación que van faciendo Carlos y Josa añu tres d'añu, siendo cada vez más imaxinativos p'afaese a un preciu más qu'afechu. Ye bien complicáu anovar calteniendo un estilu, y consíguenlo. Tien muncho méritu que pueda reconocese un platu de Los Llaureles con ingredientes dafechu nuevos, y qu'al empar nun s'enllanquen siempres no mesmo.
Amás, la so integración en Torazu ye cada vez mayor y los productos llocales tán cada vez más presentes, ensin dexar de faer una cocina que s'asoma al mundu, con toques ibéricos, asiáticos y suramericanos, pero con una base asturiana y cola atrevencia de probar productos fora de la so redolada gastronómica habitual.
Si a ello sumamos que ye ún de los restoranes más guapos, con una decoración en sala más que cuidada, navidiega, la chimenea encendida y una atención de Josa y Carlos que raspia la perfección, la esperiencia en Los Llaureles ye redonda. (Siempres digo lo mesmo, y si quedáis a dormir, inda ye meyor).
El pan ellabórenlo acaldía ellos mesmos, y van probando distintes combinaciones. Esta vegada ufiertáronnos Pan d'Aceitunes con Grana de Llinu y Pan de Sidra con Pipes. Bien ricos.
Empezamos con Una Joya. Presentación en xoyeru (nun s'aprecia na semeya) d'una Ostra del Eo con perlles de chocolate, aire de xampán y güeves. Lleva pequenos cachos de chocolate y amás espolvoreáu percima. El contraste de lo salino yá'l duce queda xenial. Pa tomar como una ostra pero ... con muncho más. Sabores y testures.
Web: http://www.losllaureles.com/
Facebook: https://es-la.facebook.com/LosLlaureles
Twitter [@losllaureles]: https://twitter.com/losllaureles
Instagram [@losllaureles]: https://www.instagram.com/losllaureles/
Calidá: 5/5
Preciu: 41€
Anterior Visita: https://lesfarturesast.blogspot.com/2019/09/nueva-visita-los-llaureles.html
Comentarios: Enxamás perdono cada nuevu menú de Los Llaureles, amás que los esfruto como un nanu, ye xenial comprobar la evolución y esperimentación que van faciendo Carlos y Josa añu tres d'añu, siendo cada vez más imaxinativos p'afaese a un preciu más qu'afechu. Ye bien complicáu anovar calteniendo un estilu, y consíguenlo. Tien muncho méritu que pueda reconocese un platu de Los Llaureles con ingredientes dafechu nuevos, y qu'al empar nun s'enllanquen siempres no mesmo.
Amás, la so integración en Torazu ye cada vez mayor y los productos llocales tán cada vez más presentes, ensin dexar de faer una cocina que s'asoma al mundu, con toques ibéricos, asiáticos y suramericanos, pero con una base asturiana y cola atrevencia de probar productos fora de la so redolada gastronómica habitual.
Si a ello sumamos que ye ún de los restoranes más guapos, con una decoración en sala más que cuidada, navidiega, la chimenea encendida y una atención de Josa y Carlos que raspia la perfección, la esperiencia en Los Llaureles ye redonda. (Siempres digo lo mesmo, y si quedáis a dormir, inda ye meyor).
El pan ellabórenlo acaldía ellos mesmos, y van probando distintes combinaciones. Esta vegada ufiertáronnos Pan d'Aceitunes con Grana de Llinu y Pan de Sidra con Pipes. Bien ricos.
Empezamos con Una Joya. Presentación en xoyeru (nun s'aprecia na semeya) d'una Ostra del Eo con perlles de chocolate, aire de xampán y güeves. Lleva pequenos cachos de chocolate y amás espolvoreáu percima. El contraste de lo salino yá'l duce queda xenial. Pa tomar como una ostra pero ... con muncho más. Sabores y testures.
Mousse de Ahumados. Una mousse de coliflor turrada, con cacáu y café espolvoreáu. Micuit de coríu, llámines de sardina afumada, quesu manchegu y ablana. Como veis otru xuegu de testures, la mousse, cola ablana yá'l quesu. El contraste de sabores ta bien compensáu, anque gana por potencia la sardina.
Otres vegaes esti tipu de platos tomámoslos templaos, y gustóme que oera caliente.Bonísimo.
Pig Triology. Ún de los meyores platos que recuerdo de Los Llaureles. Pa tomar de derecha a esquierda. Trés mini tapes col gochu como nexu d'unión.
Empezamos con Corteza, un cruxente de corteza de gochu con un tartar de llagostín y tires de wakame alliñáu. Brutal el contraste del cruxente col llagostín. Intensu.
Tomes un respiru con Magro, la Causa Limeña con Pataques revolcones y un envoltoriu d'arroz. Dientro, panceta cocida. Baxa un pocu la intensidá respecto al anterior, pero había que garrar fuercies pa lo que quedaba.
Y acabes col Ahumado. Una croqueta de Xamón Serrano llaminada con Atún Coloráu y llicuáu cola grasa del xamón. Espectacular.
Siguimos con un Jardín Astur-Zen. Namás falta'l garabatu pa esti revueltu de cogordes. Picadiellu d'un pueblu d'a'l lláu de Torazu, Naveda, yema de güevu, la tierra ye pan de centenu, crema de pataca nidia, eneldu y perexil rizáu. Una especie de polientes pa qu'entemezas y esfrutes. De xacíu el zen acaba nel momentu qu'entra na ecuación el picadiellu que-y da un toque brutal. Espectacular.
Laksa a la Madrileña. La sopa laksa ye típica del sur d'Asia. Tien un fondu de lleche de cocu y Carlos lo madrilaniza con un caldu de callos que-y da un toque picante brutal.
Amás vien acompañáu d'un Dimsum de Gamba y cilantru, con fungos asiáticos.
La idea ye echar la sopa caliente percima, y esfrutalo. Y ta espectacular.
El Mar y Sariegu. Otru amiestu que sospriende abondo. Llagostín a la plancha con esferes de mantequilla de chorizu de Sariegu y unes frebes de falda de xata pa dar cruxente. La mantequilla se derrite, el llagostín ta de muerte y, poques gracies, zucamos la cabeza hasta que nun quedó nada. Platazu.
De Higos a Setas. Crema de figu, crema de pataquera duce, tacos de quesu manchego, gambes al ayu, 2 tipos d'hongu (unu portobello) y llasques de boletus echaes al momentu. Entemez fríu y caliente; y dulce col toque acedu del quesu salino de la gamba. Bien bonu.
Aguacate Poblano. Lláscares d'aguacate al fornu, tires de yuca frita con lleldáu de vainilla a les que-yos quiten l'almidón enantes, pasta mexicano de cacáu, chile poblano y especies. La idea ye espurrir la mole pa permediar el sabor. Tien munchos contrastes de sabores, porque esplota na boca. Nótase'l cacáu, el chile, la vainilla ... Bien ricu.
Merluza en Aceituna Verde. Otra maravía. Tacu de merluza confitada, con alga codium en tempura.
Al llau, una xarra con mueyu d'algues con un caldu de pexe.
Y si yá lu entemeces tou, ye xenial. El mueyu bien potente, con sabor a mar. Yá'l toque de la merluza, perfectu. El nivel taba peraltu, pero acabar el menú con esto ... brutal.
Empezamos los postres, Besos del Rey Silo. Crumble de galletes de mazana, xeláu de Besos del Rey Silo (una pasada), bizcuechu de té verde, compota de pera, mascarpone y bastones de mazana verde fresca. Maraviyosu.
Y acabamos con Taco Lemon Pie. Una base de frixuelo pa coyer coles manes y rellambese los deos. Esplosión de llimón na boca. Buenísimo.
Parea beber, 999 de Loxaret Brut Nature Rosat 2014. Ricu, gustónos.
Cada vez esfrutamos más en Los Llaureles, cada vez tamos más a gustu, y cada vez cocinen meyor. Un sitiu redondu, onde la redolada ta al altor de la cocina y viceversa, onde la sala ye una estensión perfecta de lo que pasa na cocina, y onde la cocina retroalimentase de la paz que s'alienda na sala. Si nun conoces Los Llaureles, tas tardando en dir (y vas agradecémelo), y si yá lu conoces pero nun probasti esti menú, vete a Torazu que va prestate.
No hay comentarios
Publicar un comentario